Mateo 24:24 - Katɔti Ɔku Kedee

²⁴ Ɔsika bekyuli badubɔta banyi ɔkɔ banii ama ndi Ukyuli Ɔƒunadi ɔmmɔ, na badi lɛnɔ basu banii Katɔti kenye bediene badi. Na badubɔbla akɔla budie bɔtina ebendi lidu lidu, kalɛ na si nka bakana ni, beti batɔlɔ bekyuli bani na Katɔti ɔ́ƒuna úse muedi.

Mateo 24:24 Referans Kwoze

Marko 13:22

Ɔsika ama bani ndubɔbla lɛlɔ aani Kristo ku Katɔti kenye bediene kedee pii badubudie lɛlɔ keyi. Badubɔbla akɔla ku ayiala pii kalɛ na si bakana ni, na batɔlɔ Katɔti bekyuli bani na ɔ́ƒuna lɛnɔ.

Mateo 24:11

Bekyuli pii badubɔta banyi ɔkɔ banii ama ndi Katɔti kenye bediene na batɔlɔ bekyuli pii.

Mateo 7:15

“Bɛnu kaduɛ na ɔkɔ banyine bani nábla lɛlɔ aani Katɔti kenye bediene. Beebo-mii kudɔ aani baƒonu bani nse buɛɛ. Nsu na bana lɛlɔ kemmo geen ni, badi begiti.

Mateo 24:5

Bekyuli pii badubuti mina lɛnyi bebo babasu-mii banini, ‘Ami ndi Ukyuli Ɔƒunadi ɔmmɔ’ na batɔlɔ bekyuli pii.

Petro 2 3:17

Nsu ni, mina bayɔne, bɛgyi ɔmɛni bise. Anwuɔsu bɛti lɛlɔ bɔda kalɛ na bekyuli bekpidi balátɔlɔ-mii ku bana ekpidi ablala na bideyi ulu geen ɔmmɔ lɛlɔ. Naaawia ka bina bɔƒɔtaadi bɔyuɛ!

Lɛkpa Ulu 13:1

Binye kagyumana bite kenye bediene badi iye bekyuli bani muudie ana ani bégye kalɔ. Ɔdi ɔdubo ubese kenye kadi ka ɔdubo akɔla lidu lidu budie bɔtina,

Budie Taatina 19:20

Nsu béƒie eƒiebuo ɔmmɔ ku eƒiebuo ɔni néti lɛlɔ ɔ́bla ɔkɔ kenye udiene. Anwu ndi ɔni nábla akɔla budie taatina na eƒiebuo udeedi ɔmmɔ kenye, na úti akɔla budie taatina ammɔ ɔ́tɔlɔ bekyuli bani na bése likpo ku eƒiebuo ɔmmɔ likpose na bémwi eƒiebuo ɔmmɔ baƒiɔ. Na bekpone bammɔ béti eƒiebuo ɔmmɔ ku bekyuli bamɛni ƒui na bébo-ma bátákya ogya livongu lɛni nse bonwu aani ɛpu kalɛ, na ɔɔda ku ogya atabi kemmo.

Yohane 1 5:18

Bɔgyi ka ukyuli ɔni ndi Katɔti Ubi ni, ulélie taabla likpidi. Ɔsika Katɔti Ubidi ɔɔgyumana-nwu kalɛ na uleduo ukisine ɔmmɔ enu kemmo.

Timoteo 2 2:19

Nsu ni, Katɔti ɔtɔ kalɔ lɛtabi lɛni na ɔ́kya ni, lɛla biala lilakana-ni bɔkunku. Na lɛtabi lɛmɛni lɛlɔ ni, únweni etemila amɛni ɔ́sia ɔnini, “Blɔti ɔgyi bekyuli bani ndi anwu badi,” ku “Ukyuli ɔni masu ɔnii ɔsiaku Blɔti ni, ɔlɛka unwini kama ɔkya ekpidi bɔbla.”

Yohane 6:39

Na ukyuli ɔni nátala-mi lɛƒɔyɔ ndi ka bekyuli bani ƒui na úte-mi ni, naaayila bana akɔ ɔdi, mmomu kalɛ na lɛgyila-ma na bana ƒui basɔ bata bebelie ngba na limeyi likplodi lɛlɔ.

Yohane 6:37

Bekyuli bani ƒui na Ati úte-mi ni, badubo-mi kudɔ. Na bani muubo-mi kudɔ mmɔ ni, lɛɛɛdubo-ma buni.

Petro 1 1:5

Amii ndubo ala ammɔ bɔdi, ɔsika Katɔti ɔɔgyumana-mii teete ngba bɔƒɔ limeyi lɛni ndububo ka bɛ́ƒɔ Blɔti Yesu Kristo bɛ́di ɔsu.

Galatiƒuɔ 4:15

Wɛ na lɛlɔyɔ lɛni náƒɔ-mii lɛlɔ kemmo mmɔ ƒui lɛ́vi? Lɛla lɛni lɛlɔ na ami ɔlati muedi lɛkana na lidie-mii kenye ka nka bɛkana bɛkpa bina anumi ani na bɛda bɛɛnu muedi bite-mi.

Romaƒuɔ 12:18

Bɛsia ulu biala lɛlɔ na bɛya na keyi buɛɛ kakya amii ku bekyuli ƒui ntɛ.

Batalane Kabla 20:16

Paulo ɔ́ya na búbo bɔ́vi Eƒeso, ɔsika útayɔ ka ɔdi uwi gyɔlɔɔ ɔdi na Asia kalɔ mmɔ. Na ɔ́lɛ ugyii ka si ɔ́kana ni, na uduo Yerusalem na Pentekoste limeyi lɛlɔ.

Yesaia 9:15

Ɔma benengu ku batɔnkune ndi lili. Na ɔkɔ kenye bediene ndi lɛgba lɛmmɔ.

Mateo 22:14

Na Yesu ɔ́wɔlɔ lɛgba lɛmɛni ɔnini, “Katɔti ɔɔlɔ bekyuli pii ka baƒɔ-nwu badi, nsu ɛlɛɛ kani na ɔ́ƒuna údie-ma akɔ.”

Mateo 24:22

Nsu ni, Katɔti ɔ́ɔƒana emeyi ammɔ. Si ɔɔɔdi lɛni ni, ukyuli ɔdi ɔsɔ uuubo ngba. Nsu bekyuli bani na Katɔti ɔ́ƒuna úse ɔsu na ɔdubɔƒana emeyi ammɔ.

Mateo 24:25

Binu! Mɔɔlɛ-mii lise asa na uwi ɔmmɔ udu.

Mateo 24:31

Badubɔvwi kakpɛɛ. Na Ukyuli Ɔyawine Ubi ɔdubɔtala nwuna batu na basi katɔ betédie bekyuli baƒunadi ƒui basiku kayawi kesii biala.

Luka 18:7

Na ɔƒɛni ni, bɔtɛ na Katɔti ulatɛ litemi uledie nwuna bekyuli bani muuwulo taakpali-nwu usien ku ɔƒɛ banii ubunku-ma? Munuu bɛɛkali bɛnii ɔdubɔkpɛ kama ku bana bɔƒɔ?

Yohane 4:48

Yesu ɔ́su-nwu ɔnini, “Si bítanu ka lɛbla akɔla budie taatina ni, biláƒɔ-mi biladi.”

Yohane 1 2:18

Mina bebi bayɔne, mɔɔsu-mii nnii kayawi kadaku kawɔlɔkɔ budu. Na aani kalɛ na bínu ka Kristo ukisine ɔmmɔ ɔdububo ni, ɔƒɛni muedi Kristo bekisine pii béebo bakya. Na ɔmmɔ ndi kalɛ na búti bɔ́ti ka kayawi kawɔlɔkɔ kammɔ kéede.

Yohane 1 2:22

Na ɔma ndi ɔkɔ ɔnyine? Ɔkɔ ɔnyine ɔmmɔ ndi ukyuli ɔni muuní ka Yesu ndi Ukyuli Ɔƒunadi ɔmmɔ. Ukyuli ɔmmɔ udu ndi ukisine ute Kristo. Na ukyuli ɔmmɔ úni Katɔti ku Ubidi ɔmmɔ ƒui.