Mateo 24:15 - Katɔti Ɔku Kedee

¹⁵ “Na bɛdubɔnu lɛla lɛni na Katɔti uukisi na liisé lɛlɔ ka unye nwuna likpo kedee kalɛ na Katɔti Kenye Udiene Daniel únweni úse. Na amii bani mɔɔká ɔku ɔmmɔ ni, biduo-nwu kemmo kaduɛ na binu-nwu kalɔ.

Mateo 24:15 Referans Kwoze

Daniel 9:27

Na Kwasida unwi kemmo ni, kadi bamba ukyuli ɔmɛni ɔdubo lɛla kpakplaa lɛdi bunyimi ku bekyuli pii badi. Na Kwasida unwi ɔmɛni ntɛ bule kemmo ni, ɔdubɔya na lɛkpa biala ku etela kenye kekulo. Na ɔmmɔ kama ni, liƒula bonwu lɛni ndanku ala bubile bɔmɛni bɔdubo bɔda bɔlɛ mmɔ. Na ɔdubunye mmɔ butédu uwi ɔni na Katɔti ɔ́lɛ ugyii úse ka ɔyila liƒula lɛni muubile ala mɛni udu.”

Daniel 12:11

“Na ɔ́si uwi ɔni na badubo bɔda limeyi ndi limeyi akpala bɔbla baya útédu uwi ɔni na badubuti lɛla lɛni na Katɔti uukisi na liisé lɛlɔ bebese mmɔ ni, ɔdubɔbla emeyi apim unwi ku emeyi eti alɔ ku aavlene (1,290).

Marko 13:14

“Na mɛni ni, bise atu kaduɛ na binu kalɔ. Si bɛ́nu ala ani udu na Katɔti ukisi ka álɛ na nwuna kakpakɔ kedee ni, bekyuli bani nkya Yuda bekeli besie batábɛ na abi lɛlɔ.

Luka 21:20

“Si uwi ɔni na bɛ́nu ka bekpone báka bámana Yerusalem ni, bɛdubɔti ka ɔma ɔmmɔ bɔbwɛ uwi údu.

Daniel 11:31

“Na ɔdubo bekpone bɔtala na besie na betébile kakpakɔ kammɔ ekisila ku kagyumanakɔ na bada limeyi ndi limeyi akpala bɔbla baya. Na ɔdubɔya na beti lɛla lɛni na Katɔti uukisi na liisé lɛlɔ bebese mmɔ.

Budie Taatina 1:3

Lɛlɔ lɛdubɔyɔ ukyuli ɔni mɔɔká ɔku ɔmɛni teete bekyuli. Na lɛlɔ lɛdubɔyɔ bekyuli bani muunú Katɔti linyese etemila amɛni na balábla atuɔkplu na lɛla lɛni na línweni lɛ́kya ɔku ɔmɛni kemmo lɛlɔ. Ɔsika uwi ɔni na ala amɛni ƒui adubo bɔlɛ úude.

Luka 19:43

Uwi ɔdi ɔdubo ɔni na bina bekisine badubɔka-mii bakya ekpo ekpo ƒui. Na badubutile eƒi ƒui na lɛla biala lɛsɔ lilakana buduo iye lɛlɛ keyi.

Daniel 9:23

Katɔti uuti-ɔ lɛlɔ kasusu geen, anwuɔsu uwi ɔni kani na ése kalɔ aakpali-nwu kani na ɔ́tala-mi ka libo mbedie ala ammɔ kalɔ lite-ɔ.

Daniel 9:25

“Na ɔlɛka anu ati ka uwi ɔni na bébo ɔda ka basɔku Yerusalem batu úti útédu uwi ɔni na Ukyuli Ɔƒunadi ɔmmɔ webo ni, ɔdubɔbla akwa maatɛ ku liti ku leevu-inyɔ akpa maatɛ. Badubo lɛblɔnu budie bɔvinku Yerusalem ɔma ɔmmɔ kemmo, na babla kenyekɔ kani na benye bagyumana ɔma ɔmmɔ bamana-nwu, nsu uwi ɔmmɔ ɔdubɔbla uwi kpakplaa geen.

Hebriƒuɔ 2:1

Ɔmɛni ɔsu na ɔdi ka bɔbla bɔsiaku ala ani na búnu lɛlɔ kaduɛ na bɔda-nya kpakplaa kalɛ na bulayii ulu geen ɔmmɔ.

Batalane Kabla 6:13

Amu na bekyuli bani náda-nwu kenye mɛni básɔ bábada Steƒano kenye ka ni, “Uutemi teewi kakpakɔ kamɛni uwi biala ku Mose ɔda bubo lɛlɔ.

Budie Taatina 3:22

Si bibo atu ni, na binu lɛla lɛni na Katɔti Kɔyu kɔɔsu baƒɔtaadine akpa ammɔ.”

Batalane Kabla 21:28

Na bákya baava taasu banini, “Israelƒuɔ banana, bibebunku-bu o-o! Ɔnana ɔmɛni nkɛ mɔɔsu bekyuli ƒui taavi na kesi kesii ku mɛni lɛnɔ ɔnii batadi bula Yudaƒuɔ ɔda bubo lɛlɔ. Na lɛnɔ ni, uuti Grikiƒuɔ teeduoku Yudaƒuɔ kakpakɔ ɔni mɔɔtina ka bula Yudaƒuɔ kakpakɔ kammɔ keesé lɛlɔ!”

Esekiel 40:4

Na ukyuli ɔmmɔ ɔ́su ɔnini, “Esekiel, ɔyawine ubi, sia anu kaduɛ na anu ala ani na ndubo-ɔ bɔtina mɛni, ɔsika anya ɔsu na béti-ɔ béboku mɛni. Se atu kaduɛ, ɔsika ala ani ƒui na ánu ni, adubo-nya bɔsɔku bɔsu Israelƒuɔ.”

Yohane 11:48

Si bunye bɔɔnu-nwu na ɔdaku ɔmɛni lɛni ni, ukyuli biala ɔdubo-nwu bɔƒɔ bɔdi. Na Romaƒuɔ lɛlɔ badine badubɔta na bebebo bula kakpakɔ kamɛni babwɛ na bekpo bula kalɔ ƒui.”

Yeremia 44:29

Na ɔmɛni na bɛdubuti bɛnu bɛti ka ngba liƒu akyala ani na mɔɔsu ka adubɔlɛku-mii na Egyipte kalɔ lɛlɔ mɛni adubo bɔlɛ lɛni sɔsɔ.

Daniel 1:6

Amu na báƒuna Yudaƒuɔ bakloƒu badi bani ndi Daniel ku Hanania ku Misael ku Asaria. Na bana ƒui bási Yuda kɔdua kemmo.

Mateo 24:16

Uwi ɔmmɔ ni, amii bani nkya Yudea ni, ɔdi ka bikeli bisie abi lɛlɔ.