Mateo 24:14 - Katɔti Ɔku Kedee

¹⁴ Na bekyuli badubɔkɔ Katɔti lɛga bɔdi litemi buni lɛmmɔ lɛsa na kayawi ƒui kalɛ na ukyuli biala ɔkɛ kuƒi unu-ni asa na kawɔlɔkɔ kammɔ kedu.

Mateo 24:14 Referans Kwoze

Budie Taatina 14:6

Ɔmmɔ kama lɛ́nu Katɔti ɔtu ɔbambadi ɔdi ka úveyi ɔɔví kayaa katɔ katɔ ku litemi buni lɛni nse nte uwi biala. Litemi lɛmmɔ lɛsa na úbo úbakɔ ute bekyuli bani nlie kayawi kamɛni lɛlɔ. Na ama ndi kalɔ biala lɛlɔ bekyuli ku kaba biala ku adi ƒui batɛmine ku bekyuli lidu ƒui.

Romaƒuɔ 10:18

Nsu lɛla lɛni muuye ɔƒɛni ndi ka ni, bunu na Yudaƒuɔ bétenu Katɔti litemi lɛmmɔ? Oowo! Bénu-ni aani kalɛ na Bunweni Kedee Ɔku ɔ́su ɔnini, “Bénu-ma kɔku na kayawi ekpo ƒui, na bana etemila égyingya ésie kayawi kawɔlɔkɔ ƒui.”

Luka 24:47

Na nwuna basiakune badubɔkɔ lɛsa na nwuna lɛnyi kemmo bete kalɔ ƒui bekyuli banii benwini kayi kalɛ na Katɔti uti bana ekpidi ɔkyiɛ-ma. Na lɛsa bɔkɔ bɔmmɔ bɔdubuse kalɔ bɔsi Yerusalem.

Koloseƒuɔ 1:23

Anwuɔsu ɔdi ka binye kpakplaa na bina bɔƒɔtaadi kemmo, na bitaya na enu aƒɛ-mii na bɛyila lɛnunsia lɛni bibo ɔ́si uwi ɔni na bínu litemi buni lɛmmɔ. Na ɔdi litemi buni lɛni lɛsa na lɛ́kɔ líte bayawine ƒui. Na ani ɔsu na ami Paulo ḿbenwini Katɔti kabla ɔblane.

Mateo 10:7

Bisie na bitákɔ lɛsa bɛnii, ‘Uwi ɔni na Katɔti ɔdi lɛga na bula kɔyi kemmo úude.’

Mateo 9:35

Yesu úsie ɔ́vi lɛma ku akpaklɔ ani nkya amadɔ mmɔ kemmo. Ɔ́tina ala na Yudaƒuɔ kɔsakɔ. Na ɔ́kɔ litemi buni lɛsa lɛni nkɛnku Katɔti lɛga kadikɔ lɛlɔ. Na ɔ́bwi lɛlɛ lidu lidu.

Koloseƒuɔ 1:6

Litemi buni lɛmɛni ala abuni amu aalɛ́ku bekyuli na liigyingya na kayawi ekpo ƒui aani kalɛ na ɔ́lɛku-mii uwi ɔni na bínu Katɔti kɔnyana bɔnu litemi geen lɛmmɔ kudeedi, na bɛ́nu bɛ́ti kalɛ na Katɔti ɔɔyɔ́-mii.

Mateo 24:6

Bɛdubunu kekpo ku kekpo etemila. Nsu bitaya na ɔtɔtɔ ɔgyu-mii. Ɔdi ka ala amɛni ƒui udu alɛ, nsu ulátina ka kawɔlɔkɔ kammɔ kéedu tɔ.

Mateo 4:23

Yesu ɔ́vi Galilea kalɔ lɛlɔ ƒui na ɔ́tina ala na Yudaƒuɔ kasalakɔ. Na ɔ́kɔ lɛsa na Katɔti lɛgadi litemi buni lɛlɔ. Na ɔ́bwi bekyuli bani muuƒi lɛlɛ lidu lidu ƒui.

Batalane Kabla 17:6

Nsu ka bátanu-ma ɔsu ni, béƒie Yason ku baƒɔtaadine badi na báni-ma bésienku kasalakɔ. Mmɔ na baava taasu banini, “Bekyuli badi bakɛ baakya lɛsɛ likpo biala, na bébo mɛni lɛnɔ baakya lɛsɛ lɛmmɔ.

Esekiel 7:10

Ɔgbankpi úude! Litemi tatɛ ulu siin lɛlɔ ku lɛlɔ katɔ bɔtalaku bɔ́ƒɔ kesi kesii.

Budie Taatina 3:10

Na ka bɛ́di mina ɔda ɔni na líbo-mii lɛlɔ, na bínye kpakplaa na bɛ́siaku ala ani ƒui muukpóku-mii ɔsu ni, ndubɔda-mii lidie lɛbibo lɛni mebo kayawi ƒui lɛlɔ libakɔku bekyuli bani nlie kalɔ lɛlɔ lɛnu kemmo.

Batalane Kabla 20:25

“Na ni, amii bani ƒui nénu mina ala bɔtina ɔ́si Blɔti lɛga kadikɔ ala lɛlɔ ni, bɔsɔ bulasa kudii.

Mateo 24:3

Uwi ɔni na Yesu úsie útélie Inɔ Egyii Kɔbi lɛlɔ ni, nwuna batɛyane bébo-nwu kudɔ na básu-nwu banii ɔtina-ma uwi ɔni na ala amɛni adubɔlɛ ku ala abambadi ani lɛnɔ ndubɔlɛ na watina ka kawɔlɔkɔ kani na ɔdubɔsɔ ubo uwi údu.

Budie Taatina 16:14

Ayu ammɔ ndi ukisine ayu ekpidi ani muudie akɔla taatina. Na ayu atɛ amɛni muusié kayawi baga ƒui kudɔ kalɛ na basala lɛlɔ na bekpo Katɔti bekyuli na Katɔti ɔni ndi Ɔyikune Ƒui limeyi linengudi lɛmmɔ lɛlɔ.

Luka 4:5

Ɔmmɔ kama ni, Satan ɔ́sɔ útiku-nwu útényene kesii kani nákuku. Na ɔ́tina-nwu kayawi ala ku kana lɛga kadikɔ ƒui.

Batalane Kabla 11:28

Amu na bana akɔ unwi ɔni baalɔ Agabo ni, ɔ́ta únye na Katɔti Kɔyu ɔyikun kemmo na ɔ́su ɔnii kɔka kubendi kɔdi kɔdubo kayawi ƒui lɛlɔ. Ɔmɛni úbebo uwi ɔni na Klaudio ɔɔdi lɛga.

Mateo 18:19

“Na nsɔ mɔɔsu-mii lɛnɔ nnii si bina inyɔ bɛ́bla kenye kenwi na kayawi mɛni na bɛ́sala bivele lɛla lɛdi ni, mina ɔti ɔni nkya katɔ ɔdubɔbla-ni ute-mii.

Luka 2:1

Na uwi ɔmmɔ kemmo ni, Ɔga Unengudi Kaesare Augusto úte ɔyikun ɔnii benweni bekyuli bani ƒui nkya Roma lɛga bɔdi kalɔ anyi.

Marko 13:10

Nsu asa na kawɔlɔkɔ kadububo ni, ɔlɛka basu kadi ƒui Katɔti litemi buni lɛmɛni.

Batalane Kabla 17:31

Ɔsika anwu údie limeyi lɛdi úse lɛni lɛlɔ na ukyuli ɔni na ɔ́ƒuna úse wabatɛku-bu litemi ɔ́si bula ɔbladu lɛlɔ. Na údie Ukyuli Ɔƒunadi ɔmɛni ɔ́tina-bu nwaa ɔ́si ɔni na ɔ́gyila-nwu ɔ́siku kekpine na ɔ́sɔ úbo úbelie ngba.”

Batalane Kabla 19:27

Nsu ɔɔɔdi bula kabla lɛti ndubɔyii udu! Geen geen ni, bula uni baƒiɔ benengudi Artemi lɛnyi ku nwuna ɔbu ɔdubɔyii na Asia mɛni ƒui!”

Hebriƒuɔ 1:6

Uwi ɔni na Katɔti Ubi ɔni ntɔ ala ƒui úbo kayawi kamɛni lɛlɔ ni, Katɔti ɔ́su ɔnini, “Bɛya na Katɔti batu ƒui bakɔliku-nwu lɛnyi katɔ.”

Hebriƒuɔ 2:5

Ɔɔɔdi Katɔti batu na Katɔti ɔ́su ka badubɔdi kayawi kani litemi na bɔɔsu ka kadububo mɛni lɛlɔ.