Mateo 24:13 - Katɔti Ɔku Kedee

¹³ Na ukyuli ɔni ndubɔkya ɔkplu utálɛ kawɔlɔkɔ ni, Katɔti ɔdubute-nwu ngba ƒui.

Mateo 24:13 Referans Kwoze

Mateo 10:22

Ukyuli biala ɔdubukisi-mii na ami ɔsu. Nsu si bínye bina bɔƒɔtaadi kemmo kpakplaa bitédu kawɔlɔkɔ ni, Katɔti ɔdubɔƒɔ-mii ngba.

Budie Taatina 2:10

Bitayia lɛbibo biala lɛni mebo-mii lɛlɔ. Bise atu na binu! Ukisine ɔmmɔ ɔdubo bina akɔ badi bukpoku bɔnu na ɔya na bakya-mii ɔtɔ na bekpoku-mii emeyi leevu. Ɔlɛka bɛbla ala ulu lɛlɔ bite-mi si ina úbo úte ka bikpi muedi. Na ami ndubuti ngba bɔni nsɔ naaadubo bɔsa kudii lɛƒɔ-mii kayu.

Marko 13:13

Ukyuli biala ɔdubukisi-mii, ɔsika bɛɛyɔ́-mi. Nsu ukyuli biala ɔni ndubunye kpakplaa na nwuna bɔƒɔtaadi kemmo wetédu nwuna ngba bulie kawɔlɔkɔ ni, Katɔti ɔdubɔda-nwu udie kɔtu bɔni bɔni nse nte ekpidi bablane ƒui kemmo.

Hebriƒuɔ 10:39

Nsu abu ni, bɔɔɔdi bekyuli bani muunwíni bula bɔƒɔtaadi kama na bɔyii udu. Mmomu bɔ́ƒɔ bɔ́di, na Katɔti ɔ́ƒɔ-bu.

Hebriƒuɔ 3:14

Bubo kadikɔ ɔkɛnku Kristo lɛlɔ si búƒie-nwu bɔ́da kpakplaa na búti bula lɛlɔ ƒui bɔ́sia-nwu lɛlɔ útédu kawɔlɔkɔ.

Romaƒuɔ 2:7

Bekyuli bani mɔɔkya lɛbuni bɔbla ɔkplu na basiaku bukeye ku bumwi ku ngba bɔnii nsɔ naaadubo bɔsa kudii kama ni, Katɔti ɔdubɔya na bakɛ ngba ƒui bɔmmɔ.

Korintoƒuɔ 1 1:8

Na ɔdubɔgyumana-mii na bɛda bina bɔƒɔtaadi kaduɛ utédu kawɔlɔkɔ. Anwu ndubɔya na si Blɔti Yesu Kristo úbo ubatɛku bayawine litemi ni, kɔtɔ bɔdu bɔdi bulebo-mii lɛlɔ.

Luka 8:15

Na edula ani nálɛ ébo kalɔ kabuni lɛlɔ ni, ese aani bekyuli bani muunú litemi lɛmmɔ teeti-ni taada ku kayi nwaa. Na beeboku lɛlɔ kalɔ na beenye momoomo teetédu kawɔlɔkɔ kalɛ na banwu ebi pii.

Hebriƒuɔ 3:6

Nsu Kristo anwu ni, ɔ́bla ala ulu lɛlɔ aani ubi ɔni ntɔnku Katɔti kaduli. Na abu ndi nwuna ɔtɔ ɔmmɔ si búse kayi na búƒie lɛnunsia lɛni kudu na buubó bɔ́da kpakplaa.

Mateo 24:6

Bɛdubunu kekpo ku kekpo etemila. Nsu bitaya na ɔtɔtɔ ɔgyu-mii. Ɔdi ka ala amɛni ƒui udu alɛ, nsu ulátina ka kawɔlɔkɔ kammɔ kéedu tɔ.

Mateo 24:12

Likpidi bɔbla lɛdubo bumomo na baƒɔtaadine pii basɔ baláyɔ lɛlɔ.

Luka 21:19

Binye kpakplaa, na bɛdubɔkɛ ngba bɔni nsɔ naaadubo bɔsa kudii.