Mateo 23:9 - Katɔti Ɔku Kedee

⁹ Na bina akɔ ni, bitalɔ ukyuli ɔdi na kayawi mɛni bɛnii Blɔti, ɔsika Blɔti unwi pɛ na bibo. Na ɔkya katɔ.

Mateo 23:9 Referans Kwoze

Yohane 1 3:1

Bɛnu kalɛ sɔɔn na Katɔti ɔɔyɔ́ abu bani mɔɔƒɔ́ Yesu taadi. Anwuɔsu na ɔɔlɔ-bu ɔnii nwuna bebi. Na búnwini Katɔti bebi sɔsɔ! Na lɛla lɛni ɔsu na kayawi bekyuli balánu-bu taati ndi ka baaagyi Katɔti.

Hebriƒuɔ 12:9

Ɔmɛni kama bubo bati bani náwɔ-bu na kalɔ kamɛni lɛlɔ na baaní-bu kɔtu na bɔɔbu-ma lɛnɔ na ɔmɛni ɔsu. Anwuɔsu ɔlɛka buboku lɛlɔ kalɔ bute Katɔti ɔni ndi bula kɔyu kemmo Ɔti kalɛ na bulie ngba.

Malakai 1:6

“Ami, Unwoti Ɔyikune Ƒui, mbo lɛla lɛdi na lɛsu amii bakpane. Bebi baabu bana bawɔne, na kabla bablane baabu bana batɔlati. Na ami ndi Ati ku bina ɔti. Na bi ɔsu na bilábu-mi? Amii bakpane bídumi-mi. “Nsu biiye ɔƒɛni bɛnini, ‘Dɛ na búdumi-ɔ?’

Mateo 7:11

Ina ka bɛdi alaekpidi bablane muedi ni, bɛgyi kalɛ na biti ala abuni bite bina bebi. Anwuɔsu geen ni, Katɔti ɔni nse kedee ɔgyi kalɛ na uti ala abuni ute bekyuli bani muuvele-nwu utulo.

Korintoƒuɔ 1 4:15

Ɔsika si ina bibo bekyuli mpim leevu muedi bani mɔɔnu-mii lɛlɔ na bina bɔƒɔtaadi ngba bɔni na bilie kemmo ni, ɔɔɔdi bati pii náwɔ-mii. Ɔsika kalɛ na bilie ngba na bɛ́bla unwi ku Kristo ɔsu ni, ami nénwini bina ɔti na ɔni na lɛ́ka litemi buni lɛmmɔ buti buboku-mii ɔsu.

Korintoƒuɔ 2 6:18

Na ami ndubɔbla bina Ɔti, na amii lɛnɔ bɛbla mina bebi banana ku belekubi. Lɛni na Katɔti Ɔyikune Ƒui ɔɔsu.”

Batalane Kabla 22:1

“Ati bene ku banwa, agoo! Bɛya na lidie lɛlɔ kenye na binu.”

Baga 2 2:12

Amu ka Elisa ɔ́nu ɔpɔnkɔ kɛɛkɛ ɔmmɔ ka ɔ́kɔ úsela katɔ ni, mmɔ na ɔ́va momoomo ɔnini, “Mina ɔti! Mina ɔti! Mɔɔnu ɔpɔnkɔ kɛɛkɛ ɔmmɔ ku Israelƒuɔ bapɔnkɔ beliene bammɔ!” Ɔmmɔ kama Elisa ɔ́sɔ útanu Elia lɛnɔ. Mmɔ kani na úƒie nwuna awu ɔni na ɔkya ɔ́ni-nwu na ɔ́bwɛ.

Mateo 6:32

Ala amɛni lɛlɔ na ama bani naaadi baƒɔtaadine beeti kasusu pii. Bina Ɔti ɔni nkya katɔ ɔgyi ka bɛɛyaki ala amɛni ƒui.

Baga 2 13:14

Ɔƒɛni na uwi ɔmmɔ kemmo ni, ɔlɛ kpakplaa ɔdi úbebo Elisa na ɔmmɔ kemmo kani na úti úkpi. Na uwi ɔni na ɔtɛ ɔlɛ mmɔ ni, Israelƒuɔ Ɔga Yehoas úsie ɔnii utákya-nwu kenye, na keku kani na uuwulo momoomo taasu ɔnini, “Mina ɔti, mina ɔti ese aani bapɔnkɔ kɛɛkɛ ku bapɔnkɔ beliene ete Israelƒuɔ!”

Baga 2 6:21

Uwi ɔni na Israelƒuɔ ɔga ɔ́nu-ma ni, úye Elisa na lɛlɔ bɔtɔ kemmo ɔnini, “Mina ɔti, ndu-ma? Dɛ na aasu, ndu-ma?”

Mateo 23:10

Na bitalɔ ɔdi bɛnii Ɔtinane, ɔsika bina Ɔtinane unwi pɛ ɔni kani na bibo ndi Ukyuli Ɔƒunadi ɔmmɔ.