Mateo 23:4 - Katɔti Ɔku Kedee

⁴ Kalɛ na beedie ɔda bubo bɔmmɔ kalɔ ni, ubo bekyuli ɔkplu geen ka badi-mu lɛlɔ aani kalɛ na baatɛ etila ku unu taasia bekyuli lili. Na balayɔ ka bakyaku-ma kɔnu na akɔsi-ma bude.

Mateo 23:4 Referans Kwoze

Luka 11:46

Mmɔ na Yesu údie kenye ɔ́su-nwu ɔnini, “Bɔbuɛ muute amii ɔda bubo ala batinane lɛnɔ. Etila ani na bekyuli balakana buti ni, anya bɛɛtɛ taasia bekyuli kama. Na bilábla kasusu bɛnii biibunku-ma na bakana etila ammɔ buti.

Batalane Kabla 15:10

Na ɔƒaani ni, bi ɔsu na bɛɛkɔ́ku Blɔti lɛni? Abu ku bula bati kuuku bútakana etila amɛni udu buti! Bi ɔsu na biiti-nya taasia baƒɔtaadine bamɛni lɛlɔ?

Galatiƒuɔ 6:13

Bani muedi nékulo ago mmɔ ni, baládi ɔda bubo bɔmmɔ lɛlɔ. Nsu baayɔ́ ka amii lɛnɔ bikulo ago na bataakun lɛmɛnɛ na bina ɔlɔna bukulo bɔmmɔ lɛlɔ.

Mateo 23:23

“Bɔbuɛ muute amii Katɔti ɔda bubo ala batinane ku Ƒarisiƒuɔ! Anumi lɛlɔ bekyuli bɛdi! Biiti kevoma kemo kutu akyala ƒɛƒɛɛ ani bɛ́bla muedi lɛkpa leevudi teete Katɔti, nsu bíni na biládi ɔda bubo bɔni náƒɔ kuye geen butulo lɛlɔ. Na muna lɛlɔ bɔdi ndi kalɛ na bilanu bekyuli anumi bilabla lɛla lɛdi. Na bɛnu bekyuli kɔnyana. Na bɛdi lɛla biala ulu lɛlɔ bite bekyuli. Ala amɛni lɛnɔ na ɔlɛka bɛbla, na bitada ɔdi bitese.

Budie Taatina 2:24

“Nsu amii bakladi bani nkya Tiatira na bɛɛɛsiaku nwuna ala bɔtina kama na bítatɛya Satan ala abɛdi ani baasu ka ana kemmo ágyu mmɔ ni, mɔɔsu-mii ka nsɔ lɛɛɛdubo etila abambadi adi buti bɔsia-mii lɛlɔ.

Batalane Kabla 15:28

Ɔsika ɔdi Katɔti Kɔyu lɛƒɔyɔ ku abu lɛnɔ ka utalɛka buti Yudaƒuɔ ɔda bubo etila butile-mii bɔgya butulo ala amɛni.

Yesaia 46:1

Babelƒuɔ baƒiɔ bani ndi Bel ku Nebo ɔdi ɔ́sa. Bana baƒiɔ egyiiku na bála básia bebuo ala betine lɛlɔ bésela. Na ɔdi etila úte bebuo bani náanɔ geen mmɔ.

Mateo 23:3

Anwuɔsu ɔlɛka bɛbla lɛla biala na básu-mii kaduɛ. Nsu ni, bitasiaku ala ani na baabla kama, ɔsika baládi ala ani baasu mmɔ lɛlɔ.

Yohane 1 5:3

Na dɛ na bɔɔnu taati ka bɔɔyɔ́ Katɔti? Bɔɔnu ɔmɛni taati si bɔɔdi nwuna etemila lɛlɔ. Na nwuna etemila eeese aani etila ani nétulo-bu.