Mateo 23:39 - Katɔti Ɔku Kedee

³⁹ Na mɔɔsu-mii geen ka ni, ɔ́si ɔƒaani ni, bɛsɔ bɛɛɛdubo-mi bɔnu wetédu ka bɛdubɔsu bɛnii, ‘Bimwi anwu ɔni ndubo na Blɔti lɛnyi kemmo!’ ”

Mateo 23:39 Referans Kwoze

Kɔgya 118:26

Bimwi anwu ɔni ndubo na Unwoti lɛnyi kemmo. Kusɛ kusɛ ɔsiaku-ɔ ɔsiku Unwoti kakpakɔ mɛni.

Mateo 21:9

Amu na bekyuli bani ntɔ ku bani nkpɛ ƒui bése kalɔ baava taasu banii, “Yiidu! Ɔga Dawid Uwɔ ɔmmɔ ɔ́si ɔdubo o-o! Bimwi anwu ɔni ndubo na Blɔti lɛnyi kemmo! Hosiana!”

Romaƒuɔ 11:25

Banwa, ala abɛdi adi akya ɔ́si kukuuku ani na naaayɔ nnii abɛ-mii ƒui kalɛ na bilátaakun lɛmɛnɛ na bina kasusu kenye. Anwu ndi ka ni, Yudaƒuɔ badi atuɔkplu ani baabla ni, ɔɔɔdubo buse lɛni uwi ƒui. Mmomu atuɔkplu ammɔ kenye kadubukulo uwi ɔni na Katɔti ɔ́sala bumomo bɔni na ɔɔwia na bani naaadi Yudaƒuɔ akɔ ɔ́wɔlɔ.

Yohane 8:56

Ebiti áda bina ɔti Abraham ka ɔ́ti ka ndubo. Anwuɔsu úti anu ɔ́sia mina bubo lɛlɔ ku lɛlɔyɔ.”

Yohane 8:24

Lɛ́su-mii ka bɛdubo bukpi bɔkya bina ekpidi kemmo. Na si bítaƒɔ bítadi ka ami ndi Anwu ɔmmɔ ni, bɛdubo bukpi bɔkya bina ekpidi kemmo sɔsɔ.”

Yohane 8:21

Yesu ɔ́sɔ ɔ́su-ma ɔnini, “Ndubo bɔtɔlɔ na bɛdubo-mi bɔwia na bikpi bɛkya bina ekpidi kemmo. Na kesii kani lísela ni, bilakana mmɔ bubo.”

Luka 17:22

Amu na Yesu ɔ́su nwuna batɛyane ɔnini, “Uwi ɔdi ɔdubo ɔni na bɛdubɔwia bɛnii bɛɛnu limeyi lɛni na ami, Ukyuli Ɔyawine Ubi, mebo. Nsu bilanu!

Sakaria 12:10

“Ami Unwoti ndubɔya na Yerusalem bebi ku bawɔ ƒui beduo kɔnyana bonwu kɔdi kemmo na bakpali-mi bevele uwi ɔni na bánu ukyuli ɔni na bátu lɛtula lɛdi. Na badubo-nwu buwulo aani kalɛ na bawɔne badi beewulo bana ubi unwi pɛ ɔni na báwɔ na úkpi iye ubi udeedi ɔni na báyila.

Hosea 3:4

Lɛni kani na uwi ɔdubo butu asa na Israel kadi bekyuli basɔ bakɛ ɔga iye asa na basɔ babla akpala na Katɔti kakpakɔ iye Katɔti ɔtina-ma ulu ɔni lɛlɔ na basia babla lɛla lɛdi.

Yohane 14:19

Kébu blii na kayawi bekyuli basɔ balanu-mi. Nsu amii bɛdubo-mi bɔnu. Na ka nli ngba ɔsu ni, amii lɛnɔ bɛdubulie ngba.

Yohane 14:9

Mmɔ na Yesu údie kenye na úye-nwu ɔnini, “Ɔ́si uwi gyɔlɔɔ ɔni ƒui na lɛ́ɛkya-mii kudɔ mɛni ni, bɔsu na amu ada anii aaagyi-mi? Ƒilipo, ukyuli ɔni náanu-mi dii ni, ɔ́ɔnu Ati lɛnɔ. Na bi ɔsu na asɔ aasu-mi anii, ‘Tina-bu Ati ɔmmɔ’?