Mateo 23:26 - Katɔti Ɔku Kedee

²⁶ Awɔ Ƒarisini ɔnumbwɛne! Ka ƒula ɔɔƒɛɛ kemmo bɔƒɔ, na nwuna kama lɛnɔ kadubukeye.

Mateo 23:26 Referans Kwoze

Yakobo 4:8

Bɛni bide Katɔti, na anwu lɛnɔ ɔdubɔni ude-mii. Amii alaekpidi bablane, bɛƒɔ bina enu! Na amii bani bina kasusu kese inyɔ inyɔ ni, bɛvumana bɛsia Blɔti lɛti kama!

Korintoƒuɔ 2 7:1

Banwa, ka Katɔti úse-bu kenye na ala amɛni ƒui lɛlɔ úse ɔsu ni, bɛya na bɔbla lɛlɔ sɛɛn na bɔda lɛlɔ budie ala ani ƒui mɔɔyá na bula ɔlɔna ku kɔyu kuusé lɛlɔ kudɔ. Na bɛya na buti lɛlɔ ƒui bute Katɔti ka bɔɔbu-nwu na bɔɔyia-nwu ɔsu.

Hebriƒuɔ 10:22

bɛya na bɔni bude Katɔti ku kayi kani naaatɔlɔ-bu na bɔda bɔƒɔtaadi bɔmmɔ kpakplaa. Yesu ɔ́kuna nwuna ubugya ɔmmɔ úwi-bu lɛlɔ kalɛ na bula kayi kaládu-bu kɔtɔ. Na úti ntu bɔni nse sɛɛn ɔ́ƒɔ-bu lɛlɔ ƒui.

Mateo 12:33

“Ɔdi ka bɛti ka kugyii kɔbuni kɔɔnwu ebi abuni, na kugyii kɔni naaadia kɔɔnwu ebi ani naaadia. Kugyii biala ebi na beeti taanu kugyii kɔmmɔ udu taati.

Esekiel 18:31

Bini bina alaekpidi lilu lɛni ƒui lɛlɔ na bɛsia na bise kalɔ bitaabla kasusu kabuni na bɛsiaku-mi kama siin! Munuu bɔyɔ geen na bɛɛyɔ́ ka badu-mii na bina ekpidi bɔbla ɔsu?

Yesaia 55:7

Bɛda bina kalala ku likyulikpi ala bɔbla bɛya, na binwini kama bɛkya-nya na Unwoti ɔdubuti-nya ƒui ɔkyiɛ-mii.

Luka 6:45

Ukyuli ɔbuni ni, ala abuni na uudie taalɛku nwuna akɛla abuni ani nkya nwuna kayi kemmo. Na ukyuli ukpidi lɛnɔ uuboku akɛla ekpidi ani nkya-nwu kayi kemmo. Ɔsika ala ani néyi ukyuli kayi kemmo ni, anya na nwuna kenye kaasu.

Yeremia 13:27

Anwuɔsu ndubo bina adala bɔni budie-mii lɛlɔ na bɛsɔ bɛkɛ kasɔngya ku kɔƒa kɔƒa na ukyuli biala utaanu-mii. Amii ɔdi ɔ́sa na bɛ́yii udu! Bɛɛƒɔ́ taadi ka bɛdubɔsɔ bɛbla bekyuli bani mamanku ka bɛsɔ bɛkpali-mi?”

Yeremia 4:14

Nsu ni, Yerusalem, uwi ɔmu ɔkya-mii ka bɛkɛ bɔƒɔ. Bɛƒɔ bina ekpidi ƒui bidie lɛlɔ ku kayi kemmo na bɛda likpidi kakwɛ biala bɔkya bɛya,

Mateo 14:8

Amu na uni ɔ́kya ugblebi ɔmmɔ kakwɛ na lɛla lɛni na uye lɛlɔ. Anwuɔsu útéye ɔnini, “Mɔɔwia Ntu Ɔkpilane Yohane lili ka eti-ni akya lɛkyami kemmo ete-mi mɛni kani.”

Marko 7:4

Na si béye lɛla lɛdi básiku kuye lɛnɔ ni, ɔlɛka baƒɔ bana enu asa na badi. Na baasiaku ɔda bubo pii lɛnɔ lɛni na bálɛ lili bábanu aani kalɛ na baaƒɔ lɛɛƒɛɛ ku kutubui ku ebwi.

Luka 11:39

Anwuɔsu Blɔti ɔ́su-nwu ɔnini, “Ɔƒaani ni, amii Ƒarisiƒuɔ bɛɛƒɔ bina akyami ku lɛɛƒɛɛ kama, nsu bina lɛlɔ kemmo geen anwu ni, likyulikpi ku kalala bɔbla bɔ́ƒɔ-ni ƒui.