Mateo 23:19 - Katɔti Ɔku Kedee

¹⁹ Banumbwɛne geen na bɛdi! Bi náƒɔ kuye útulo, ala ani nsia lɛkpabi lɛmmɔ lɛlɔ munuu lɛkpabi lɛni mɔɔyá na ala ammɔ aabla kedee?

Mateo 23:19 Referans Kwoze

Israelƒuɔ Bɔlɛ 29:37

Na abla ala amɛni asia kama emeyi maatɛ. Na ɔmɛni ɔdubɔya na lɛkpabi lɛmmɔ lɛbla kedee. Na si ukyuli ɔdi útuku lɛkpabi lɛmmɔ ni, anwu lɛnɔ ɔdubɔbla kedee.”

Israelƒuɔ Bɔlɛ 30:29

Na si ábla ala amɛni ƒui lɛni ni, ɔdubɔya na ala ammɔ ƒui abla kedee. Na si ukyuli ɔdi úti kɔnu útuku-nya muedi ni, anwu lɛnɔ ɔdubɔbla kedee.”

Hagai 2:12

Si úbo úte ka ukyuli ɔdanku lɛna lɛni na béti béte ati na lɛkya lɛdiku lɛdi kemmo lítuku bodobodo iye kutu ntɛ iye nnɔ iye adila bamba adi ni, ala ammɔ akana na enwini ala ani na béti anya lɛnɔ béti béte Unwoti? Mmɔ na bakpane bammɔ bédie kenye banini, “Kudi kudii.”

Mateo 23:17

Banumbwɛne badɔlɔdi! Bi náƒɔ kuye útulo, sika ugyiedi ɔmmɔ munuu Katɔti kakpakɔ kani mɔɔyá na sika ugyiedi ɔmmɔ ɔɔbla kedee?

Mateo 23:18

Bɛɛtina lɛnɔ bɛnii, ‘Si ukyuli ɔdi ɔ́kpali ala ɔ́lɔ Katɔti lɛkpabi úse kenye kadi ni, linyese lɛmmɔ liiibo ɔkplu. Nsu si ɔ́kpali ala ɔ́lɔ ala ani na béti básia lɛkpabi lɛmmɔ lɛlɔ úse kenye ni, linyese lɛmmɔ lɛdubɔyu ɔkplu geen.’

Mateo 23:20

Anwuɔsu ni, si ukyuli ɔdi ɔ́kpali ala ɔ́lɔ lɛkpabi úse kenye ni, na linyese lɛmmɔ lɛdanku lɛkpabi lɛmmɔ ku ala ani nsia-ni lɛlɔ ƒui.