Mateo 23:15 - Katɔti Ɔku Kedee

¹⁵ “Bɔbuɛ muute amii Katɔti ɔda bubo ala batinane ku Ƒarisiƒuɔ! Anumi lɛlɔ bekyuli bɛdi! Bɛkɛ kayawi ekpo ekpo ƒui biitú lɛlɔ kalɛ na bɛkɛ ina ɔƒɔtaadine unwi bite Katɔti. Na si bɛ́kɛ ɔdi ni, bɛɛtina-nwu kalɛ na ubie na uduo lɛgyavonku lɛmmɔ kemmo utulo amii alati ƒui!

Mateo 23:15 Referans Kwoze

Eƒesoƒuɔ 2:3

Lɛni geen na abu lɛnɔ búlie ngba aani bana kalɛ na bɔ́siaku bula ɔlɔna ɔkwɛ adala kama na bɔ́bla ala ani na bula ɔlɔna ku kasusu kaayɔ́. Na ka bula ukyuli udu útavumanaku bani mɔɔbla ala ammɔ udu ɔsu ni, bɔ́manku ka Katɔti ɔni abu lɛnɔ kɔtu aani bekyuli bakladi kalɛ.

Batalane Kabla 13:43

Na ka bégyingya ni, Yudaƒuɔ pii ku bani nénwini Yudaƒuɔ na baayia Katɔti na kasalakɔ mmɔ básiaku Paulo ku Barnaba, na bákɛ beenú batalane bamɛni bɔlɛ ka benye lɛƒɔndia lɛni na Katɔti úti uute-ma mɛni kemmo kpakplaa.

Batalane Kabla 14:2

Amu na Yudaƒuɔ bani nátaƒɔ Blɔti litemi lɛmɛni bátadi ni, béti unyeƒi ɔdi bákya bani naaadi Yudaƒuɔ ku Paulo ku Barnaba ntɛ.

Yohane 8:44

Bina ɔti ndi ukisine ɔmmɔ, na bɛwia ka bɛbla nwuna lɛƒɔyɔ. Bekyuli ɔdune kani na ɔdi ɔ́si kalɔ kesekɔ ƒui. Na ulayɔ litemi geen lɛmmɔ, ɔsika ulasu lɛla siin lɛdi kudii. Si ɔ́nyi ɔkɔ ni, nwuna udu na uudie taatina na bɔtɛmi kemmo. Ɔsika ɔkɔ ɔnyine na ɔdi, na anwu ndi ɔkɔ bɔnyi ƒui ɔti.

Galatiƒuɔ 6:12

Bani nnye-mii lɛlɔ na baayɔ́ ka bikulo ago mmɔ ni, ama ndi bekyuli bani mɔɔkun lɛmɛnɛ na ɔlɔna lɛlɔ. Baabla ɔmɛni kalɛ na bekyuli belékpoku-ma na Kristo kukpi na ugyii lɛlɔ litemi ɔsu.

Galatiƒuɔ 4:17

Anumi eegyie bekyuli bani muubo-mii kudɔ ka benwini-mii kasusu basia bana lɛlɔ. Nsu ɔɔɔdi kasusu kabuni na bada. Mmomu kalɛ na bamami-mii bula lɛlɔ na baya bina anumi eteegyie bana lɛlɔ ɔsu kani.

Mateo 5:22

Nsu ɔƒɛni ni, ami mɔɔsu-mii nnii ukyuli ɔni meti kɔnyi makya ɔnwani ni, badubɔtɛku-nwu litemi. Na ukyuli ɔni lɛnɔ masu ɔnwani ɔnii, ‘Aaadi ukyuli ɔdi’ ni, badubɔlɔ-nwu benengu anumi. Na ukyuli ɔni masu ɔnwani ɔnii, ‘Ɔdɔlɔdi na adi’ ni, Katɔti ɔdubɔni-nwu kɔtu na lɛgyavonku lɛmmɔ kemmo.

Batalane Kabla 17:13

Nsu uwi ɔni na Yudaƒuɔ bani nkya Tesalonika bénu ka Paulo ɔkya ɔɔsu litemi buni na Beroia ni, bávi bésie mmɔ bátákya kadɔ na ɔma ɔmmɔ kemmo.

Batalane Kabla 14:19

Na Yudaƒuɔ badi bási Antiokia na Pisidia ɔmii lɛlɔ ku Ikonion bébo bábavumana bekyuli bamɛni kasusu, na báya bébo Paulo atabi na bákpɛ-nwu kalɔ bálɛku ɔma ɔmmɔ kemmo, na bákali banii úkpi.

Batalane Kabla 6:5

Litemi lɛmɛni lɛ́dia bana ƒui bunu, anwuɔsu bédie Steƒano ɔni ndi ukyuli ɔni mbo bɔƒɔtaadi na Katɔti Kɔyu kɔ́ƒɔ-nwu lɛlɔ kemmo ƒui. Na bédie Ƒilipo ku Prokoro ku Nikanor ku Timon ku Parmena ku ɔƒɔ ɔni nénwini Yudani ɔni baalɔ Nikolao ɔni nási Antiokia lɛnɔ bébunku-nwu.

Ester 8:17

Na geen geen na kɔlɛkɛ kɔmmɔ lɛma linengudi ƒui kemmo ni, Yudaƒuɔ badi limeyi ku ebiti geen na kadi bamba bekyuli badi muedi béti lɛlɔ bénwini Yudaƒuɔ, ɔsika baayia-ma geen.

Mateo 5:29

Anwuɔsu si ƒula kɔdianu lɛnimi lɛɛyá na aabla likpidi ni, die-ni vaakun. Ɔdia ute-ɔ ka ƒula lɛlɔ kakɛ kadi kayii utulo si Katɔti úti awɔ ukyuli umodi ɔmmɔ ƒui ɔ́kya lɛgyavonku kemmo.

Mateo 3:7

Uwi ɔni na Yohane ɔ́nu Ƒarisiƒuɔ ku Sadukiƒuɔ pii ka badubo na ɔkpila-ma ntu ni, ɔ́su-ma ɔnii, “Amii bani mbo likyulikpi aani balakpi! Bitatɔlɔ lɛlɔ bɛnii si bákpila-mii ntu kani ni, ɔ́sa na bɛ́lɛ Katɔti kɔtu kɔni na ɔdubɔni bekyuli bekpidi kemmo.

Mateo 23:13

“Bɔbuɛ muute amii Katɔti ɔda bubo ala batinane ku Ƒarisiƒuɔ! Anumi lɛlɔ bekyuli bɛdi! Bɛ́kalɛ Katɔ Ɔga Ɔma ulu bɛ́da bekyuli. Na amii alati biléduo, na biléte bekyuli bamba bani mɔɔkya ɔkplu lɛnɔ ulu na beduo.