Mateo 22:17 - Katɔti Ɔku Kedee

¹⁷ Anwuɔsu, su-bu ƒula kasusu. Bula ɔda bubo buute kuƒi ka butaaƒɔ kuyi teete Romaƒuɔ Ɔga Unengudi munuu útalɛka butaaƒɔ?”

Mateo 22:17 Referans Kwoze

Luka 2:1

Na uwi ɔmmɔ kemmo ni, Ɔga Unengudi Kaesare Augusto úte ɔyikun ɔnii benweni bekyuli bani ƒui nkya Roma lɛga bɔdi kalɔ anyi.

Mateo 17:25

Petro údie kenye ɔnii, “Uuyi nii!” Amu ka Petro útéduo bana kaduli ni, mmɔ kani na Yesu ɔ́ka-nwu buye ɔnini, “Simon, bi ndi ƒula kasusu? Ɔma bene na ɔlɛka baƒɔ kuyi bete baga na kayawi kamɛni? Kalɔ kammɔ bekyuli munuu baƒɔ?”

Batalane Kabla 28:22

Nsu bɔɔwia ka bunu lɛla lɛdi bɔsiku lɛla lɛni na áƒɔ ádi mɛni lɛlɔ. Ɔsika sɔsɔ ni, balásu lɛla lɛbuni lɛdi taasiku lɛkpa lɛmɛni lɛlɔ na kesi kesii.”

Batalane Kabla 25:8

Paulo údie nwuna kenye na ɔ́su ɔnini, “Ńtaƒiɔ Yudaƒuɔ iye Yudaƒuɔ kakpakɔ iye Ɔga Unengudi Kaesare ɔda bubo bɔdi lɛlɔ.”

Batalane Kabla 17:7

Na anwu Yason lɛnɔ ɔ́ƒɔ-ma ɔ́kya nwuna kaduli. Na bekyuli bammɔ báta bénye Ɔga Unengudi Kaesare ɔda bubo lɛlɔ. Na baatina ka ɔnana ɔni baalɔ Yesu ndi Ɔga!”

Batalane Kabla 5:37

Ɔmmɔ kama ni, na bekyuli bɔka lebo ni, Yuda ɔni nási Galilea ɔ́kpanku bekyuli badi úbunku lɛlɔ aani nwuna kama basiakune. Na anwu lɛnɔ úbekpi na nwuna kama basiakune bamɛni bégyingya.

Luka 3:1

Na lɛkwa leevu-lɛlɔndi lɛni na Ɔga Unengudi Kaesare Tiberio ɔɔdi lɛga ni, Kenye Udiene Yohane ɔni ndi Sakaria ubidi ɔ́kɛ linyesia lɛdi ɔ́siku Katɔti kudɔ uwi ɔni na uli ketele kemmo. Na Pontio Pilato ɔɔtɔnku aban na Yudea kalɔ lɛlɔ. Na Herode ɔɔdi Galilea kalɔ lɛlɔ. Na uwi ɔmmɔ kani kemmo ni, Herode ɔnwani Ƒilipo lɛnɔ ɔɔdi kalɔ kani baalɔ Iturea ku Trakoniti kalɛkɛ lɛlɔ. Na Lɛlɔ Ɔdine Lisania lɛnɔ ɔɔdi Abilene kalɔ lɛlɔ. Na uwi ɔmɛni kemmo ni, Hana ku Kaiaƒa badi Katɔti bakpane benengudi.

Yeremia 42:20

Bɛ́su-mi bɛnii nkpali Unwoti bula Katɔti na livele-nwu na ɔtina-mii lɛla lɛni na ɔlɛka bɛbla na bíse kenye ka bɛdubɔdi nwuna litemi lɛlɔ. Nsu ɔmmɔ ɔdi-mii bɔƒiɔ bubendi.

Nehemia 9:37

Ɔ́si bula ekpidi ɔsu ni, baga bamba bani na édie ka bataadi-bu lɛlɔ ni, ama mɔɔdi edula ammɔ. Na baga bammɔ mɔɔdi abu ku bula ɔmantɛ bakɔ lɛlɔ kalɛ biala baayɔ́. Na buuvele-ɔ ka bɔkya ɔgbankpi bonwu kemmo.

Nehemia 5:4

Na badi lɛnɔ benye baasu banini, “Bútáwia kevonkɔ na búti bɔ́ƒɔ ɔga kuyi kɔni na ɔɔƒɔ́ na bula mmo ku adingyii mmo ɔsu.

Esra 7:24

Na mɔɔyá na bɛti ka ukyuli biala uuubo kenyekɔ kadi na ɔƒɔ kuyii ɔsiku bakpane iye Lewiƒuɔ iye kabla bablane iye ukyuli biala ɔni mɔɔbla kabla kadi na kakpakɔ kammɔ kemmo kudɔ.

Esra 4:13

“Na bɔɔyá na asɔ ati ka, si básɔku ɔma unengudi ɔmmɔ bátu ku nwuna awodu ni, bekyuli bammɔ basɔ baaadubo kuyii kɔni na ékulo éte-ma bɔƒɔ. Na ɔma kavumi kadubo bɔbwɛ.

Mateo 22:18

Nsu Yesu ɔ́ɔnu bana lɛkwɛ likpidi ɔ́ti ɔsu na ɔ́su-ma ɔnini, “Amii anumi lɛlɔ bekyuli! Bi ɔsu na bɛwia-mi litemi?

Luka 20:22

Ɔmɛni ɔsu bɔɔwia ka bɔti si ɔdia ka buteeyi kuyi teete Romaƒuɔ Ɔga Unengudi iye ɔɔɔdia?”