Mateo 22:12 - Katɔti Ɔku Kedee

¹² Na ɔga ɔmmɔ úye-nwu ɔnini, ‘Ɔkpana, dɛ na ɔ́bla asa na ébo mɛni na aaakya uleku ketikɔ limeyi bɔdi awu?’ Nsu útakana kenye budie.

Mateo 22:12 Referans Kwoze

Korintoƒuɔ 1 4:5

Anwuɔsu ni, ɔdi utatɛku ɔkpanadi litemi wetédu ka uwi ɔbuni ɔmmɔ webo. Si uwi ɔni na Blɔti úbo ni, anwu ndubɔtɛku ukyuli biala litemi na limeyi likplodi lɛmmɔ lɛlɔ. Na anwu ndubudie kasuudikɔ ala abɛdi keyi na ɔdubudie ala ani na bekyuli kakali kadanku ɔtina. Mmɔ na Katɔti ɔdubumwi ukyuli biala kalɛ na ɔ́bla nwuna kabla ɔ́vinku.

Mateo 20:13

“Amu na kemo ɔlati ɔmmɔ ɔ́su-ma ɔnini, ‘Bakpana, binu kalɔ. Ńtaƒiɔ-mii. Ami ku-mii ƒui búnu kalɔ bɔnii limeyi kenye kayu ndi bina lɛyuƒɔla.

Hiob 5:16

Anwuɔsu bawabane baakɛ́ lɛnunsia. Na etemila ani na balatɛ teete-ma ulu lɛlɔ siin kenye keekúlo.

Samuel 1 2:9

Ɔdubɔgyumana nwuna bekyuli kedee ƒui na bana kɔvinkɔ. Nsu balalane ni, badubo bɔyi bɔkya lɛdisa kemmo na bayii ku udu. Ukyuli ulélie ngba ɔkɛnku anwu ɔlati ɔyikun lɛlɔ.

Tito 3:11

Agyi anii ukyuli ɔmmɔ udu ni, likpidi lɛdi-nwu lɛlɔ na nwuna ekpidi muudie nwuna kɔtɔ bɔdu taatina.

Mateo 26:50

Yesu údie kenye ɔnini, “Ɔkpana, bi na aawia mɛni?” Amu na bekyuli bammɔ bébo Yesu kudɔ na béƒie-nwu na báda-nwu kpakplaa.

Yeremia 2:26

“Kalɛ na kɔƒa kuukpó uyune si béƒie-nwu ni, lɛni na kɔƒa kɔdubo Israelƒuɔ bukpo, amii ku bina baga ku bakpane ku kenye bediene ƒui.

Yeremia 2:23

“Dɛ na bɛdubɔkana na bɛsu bɛnini, ‘Bulese lɛlɔ na bútakpa Baal baƒiɔ lɛnɔ’? Amii alati bɛnu ala ani na bɛ́bla na Hinom Kɔwɛ kemmo, kalɛ na bɛkɛ biikeli teesie taasɔ aani baƒlumu bakɔdi bani náƒɛ kɔnu.

Kɔgya 107:42

Na bekyuli babuni ƒui baanu ɔmɛni na ebiti aada-ma. Na balalane ama kɔƒa ndubo-ma bukpo.

Romaƒuɔ 3:19

Ɔƒɛni ni, bɔgyi ka ala ani ƒui básu na Mose ɔda bubo ɔku kemmo adanku bekyuli bani nkya ɔda bubo bɔmɛni kalɔ. Na ɔyawine ɔdi ulakana kenye kadi budie na Katɔti litemi bɔtɛ kemmo. Ɔsika Katɔti ɔdubɔtɛku kayawi ƒui litemi.

Mateo 5:20

Anwuɔsu mɔɔsu-mii nwaa nnii asa na bɛdubɔkana na biduo Katɔ Ɔga Ɔma ni, ɔdi ka bilie siin kalɛ na Katɔti ɔɔwia bitulo ɔda bubo ala batinane ku Ƒarisiƒuɔ.