Mateo 22:10 - Katɔti Ɔku Kedee

¹⁰ Amu na kabla bablane bammɔ bésie kuye ekpo ekpo ƒui bátálɔ ukyuli biala na bánu béboku. Bekyuli bekpidi ku babuni ƒui béyi ɔtɔ ɔmmɔ.

Mateo 22:10 Referans Kwoze

Budie Taatina 7:9

Na ɔmɛni kama ni, lɛ́nu ka bekyuli pii badi benye mmɔ bani na ukyuli ɔdi ulakana bɔka! Bekyuli bamɛni bási kalɔ biala kemmo ku kadi biala akɔ ku bekyuli lidu lidu ƒui akɔ ku adi lidu biala kemmo ka bénye lɛgaboku lɛmmɔ ku Koƒonu Ubi ɔmmɔ anumi, na bákya lɛwu lɛƒualadi na bada like.

Yohane 1 2:19

Na bekyuli bamɛni bálɛ bula lɛkpa lɛmɛni kemmo, ɔsika baaadi bula badi. Na si bula bekyuli na badi ni, nka bamu bakya-bu akɔ. Nsu bana bɔtɔlɔ bɔmmɔ bɔ́tina geen ka bana akɔ ɔdi biala ɔɔɔdi bula badi.

Korintoƒuɔ 2 12:21

Mɔɔyia ka uwi ɔni na nsɔ mebo mmɔ ni, mina Katɔti ɔdubɔya na enu aƒɛ-mi na bina anumi. Na ndubuwulo na bekyuli pii lili, ɔsika bétenwini kayi na bana alaekpidi ani na bábla bábavi ɔsu. Báabla ala ani muusé lɛlɔ, na bádi kɔsɔnɔ, na baaadaku-ni na ulu biala lɛlɔ.

Mateo 25:10

“Ka bánya bátɔlɔ kani na uleku ɔgya ɔmmɔ úbeduo. Na begblebi ɛlɔ bani náda lɛlɔ bése mmɔ básiaku-nwu béduo uleku ketikɔ mmɔ, na bákalɛ ɔtɔ.

Budie Taatina 5:9

Bédie ɔnu ɔwɔdi ɔdi banini, “Awɔ námanku ka aƒɔ kakunkɛ kammɔ na amami kɔma kɔmmɔ. Ɔsika awɔ na bádu. Na ɔkɛnku ƒula ubugya akpala ɔsu ni, áƒɔ bekyuli lili kayu, na ásɔku-ma éte Katɔti. Awɔ náƒɔ-ma ásiku kadi ƒui bekyuli ku adi lidu biala batɛmine ku bekyuli lidu ƒui akɔ na kalɔ biala lɛlɔ.

Mateo 13:38

Na kemo kammɔ ndi kayawi. Na ebi abuni ammɔ ndi Katɔ Ɔga Ɔma bekyuli. Livo lɛmmɔ ndi bekyuli bani ndi ukisine ɔmmɔ badi.

Mateo 9:15

Yesu údie kenye ɔnini, “Bɛɛƒɔ́ taadi ka bekyuli bani na bálɔ béboku uleku ketikɔ badubo kɔnyana buteewulo na uwi ɔni na uleku ɔgya ɔmmɔ ɔkya-ma kudɔ? Ulebo ulete lɛni kudii! Nsu limeyi lɛdi lɛdububo ɔni na badubuti uleku ɔgya ɔmmɔ na bana kudɔ. Na uwi ɔmmɔ na badubulie kɔka.

Mateo 22:9

Anwuɔsu biteesie kuye ekpo ekpo ƒui na bitálɔ bekyuli bani na bɛdubɔnu ƒui bɛnii bebo limeyi kadikɔ mɛni.’