Mateo 21:5 - Katɔti Ɔku Kedee

⁵ “Bɛsu Sion bekyuli bɛnii, ‘Bɛnu! Bina ɔga ɔdubo-mii kudɔ. Úboku lɛlɔ kalɔ na ulie ebuo ala utine ubi lɛlɔ ɔdubo.’ ”

Mateo 21:5 Referans Kwoze

Yesaia 62:11

Na bati ka Unwoti muute-ma bɔti ɔnini, “Yerusalem bebi bɛnu, bina Ɔƒɔne ɔ́si ɔdubo! Na ɔda lɛyuƒɔla ɔduboku-mii.

Yesaia 12:6

Amii bani nkya Sion ƒui bidie ɔnu ku kudu momoomo, ɔsika Israel Unwoti Kedee úbomo na bina akɔ.”

Ala Kalɔ Buse 49:10

Na ɔgagyii ulávi ulálɛ ƒula kaduli kudii. Na lɛlɔ ɔdine ugyii ɔdadi ulávi ulálɛ-ɔ lɛgba akɔ wetédu ka ugyii ɔmmɔ úbedu lɛlɔ ɔdine geen ɔmmɔ. Na kadi bekyuli ƒui badubɔdi ƒula litemi lɛlɔ.

Hosea 1:7

Nsu ami ndi Yudaƒuɔ Unwoti Katɔti na ndubɔnu-ma kɔnyana na ndubudie-ma na libunku-ma ɔkɛnku ami ɔlati ɔyikun kemmo. Na ɔɔɔdi kekpo na badubo bukpo iye kɔtaminta iye kuwii kɔni na bekyuli bani muulie bapɔnkɔ lɛlɔ badubɔtu bekyuli ɔsu.”

Yesaia 40:9

Awɔ ɔni nda litemi buni éboku Sion ni, kɔ sie abi kangyaa ammɔ eli. Na awɔ ɔni nda litemi buni éboku Yerusalem ni, kɔliku ƒula lɛdi katɔ momoomo. Va momoomo, na tayia! Su Yuda lɛma lɛmmɔ anini, “Aanu ƒula Katɔti!”

Esekiel 37:24

“ ‘Na ɔga biala na badubɔƒuna ɔdubɔsi mina kabla ɔblane Dawid ɔtɔ kemmo, na ɔdubo-ma lɛlɔ bɔnu aani baƒonu ɔdane buni kalɛ. Israel kadi bekyuli badubɔdi mina litemi lɛlɔ siin na basɔ balálɛ-mi kama. Na ama ku bana bawɔ bawɔ badubulie ɔmii ɔni na líte mina kabla ɔblane Yakob kemmo aani kalɛ kani na bana banana bábla.

Esekiel 34:24

Anwu ndubɔbla bina ɔtɔnkune na ami lɛbla bina Katɔti. Ami Unwoti násu.

Mateo 11:29

Bibo bɔda kɔda, na bɛtɛya bɛsiku-mi kudɔ. Nse buɛɛ na muuboku lɛlɔ kalɔ, na bɛdubɔkɛ bɔnwuna.

Mateo 2:6

“ ‘Awɔ Betlehem, bekyuli baasu ka adi ɔma ubliidi na Yuda kalɔ lɛlɔ. Nsu uuuse lɛni! Ɔsika ƒula kemmo na ɔtɔnkune ubendi ɔdi ɔdubɔlɛ ɔsi na watɔnku mina kadi bekyuli Israelƒuɔ.’ ”

Mateo 2:2

Na béye banini, “Wɛ na báwɔ ubi ɔni ndubɔdi lɛga na Yudaƒuɔ kalɔ lɛlɔ? Bɔ́nu nwuna lɛyabi na ɔƒɛ katukɔ. Na búbo bɔnii bubemwi-nwu.”

Mika 5:2

Unwoti ɔnini, “Awɔ Betlehem na Eƒrata kalɛkɛ kemmo, awɔ ndi ɔma blii suɛ ntulo na Yuda kalɔ lɛlɔ. Nsu uuuse lɛni, ɔsika ƒula kemmo na ɔtɔnkune ubendi ɔdubɔlɛ ɔsi na watɔnku mina kaduli bekyuli Israelƒuɔ wete-mi. Na ɔdubɔbla ukyuli ɔni na nwuna kaba kése kalɔ kási kukuuku na ala kalɔ kesekɔ ƒui.”

Korintoƒuɔ 2 10:1

Ɔmɛni ɔsu ami Paulo ɔlati líti Kristo kayi buɛɛ ku lɛlɔ kalɔ buboku muuvele-mii geen nnii bise atu na binu. Muunú ka bekyuli badi baasu banii mina lɛku lɛni muunweni libo ogya si liiibo-mii kudɔ, nsu lɛ́ba na mina butemi kemmo si nkya-mii kudɔ.

Kɔgya 9:14

Ya lɛ́sɔ línwini ḿbedu Sion ɔba kenye na lidie lɛnu limwi-ɔ. Na lɛlɔ lɛyɔ-mi na kalɛ na áƒɔ-mi ngba ɔsu.

Baga 1 10:26

Na Salomo ɔ́sala bapɔnkɔ ku bapɔnkɔ kɛɛkɛ bumomo aani apim unwi ku eti maane (1,400) ku bapɔnkɔ mpim leevu-inyɔ (12,000) bani na úle ɔ́kya lɛma linengudi lɛdi kemmo ku Yerusalem.

Baga 1 1:33

ɔ́su-ma ɔnini, “Bɛkpanku mina kabla bablane bɛda na bɛgyu mina ubidi Salomo bɛsia ami ɔlati mina ɔpɔnkɔ lɛlɔ na bɛkpanku-nwu bisienku Gihon.

Samuel 2 16:2

Mmɔ na Ɔga Dawid úye Siba ɔnini, “Bi na adanku ala amɛni ababla?” Na Siba lɛnɔ údie kenye ɔnini, “Bebuo ala betine bammɔ ni, awɔ ɔga ku ƒula kaduli bekyuli mbo-ma ka bilie-ma lɛlɔ. Na adila ku adingyii ebi ammɔ adi bekyuli bani nsiaku-ɔ ɔdi. Na ntɛ bɔmmɔ bɔdi bani na lɛlɔ líitu na ketele kalɔ kakwiidi kammɔ kemmo ka bani-mu na basɔ bakɛ ɔlɔkplu.”

Litemi Batɛne 12:14

Na úbo bebi bananabi aavlene ku bawɔ avlaatɛ. Na úbo bebuo ala betine liti ku aavlanyɔ bani kama na úteele. Na ɔ́tɔnku Israelƒuɔ akwa maane.

Litemi Batɛne 5:10

“Amii bani nlie bapɔnkɔ baƒualadi lɛlɔ na kuntu kuliekɔ kɔni na bíbo bɛda-ma mmɔ lɛlɔ na bɛkɛ lilu lɛlɔ biisié taavi ni, bɛbu ɔmɛni bɛnu.

Lɛkpa Ulu 17:16

Na ɔga ɔni na bɛdubuse ni, utalɛka ɔwia bapɔnkɔ pii ute lɛlɔ. Na utalɛka ukyuli ɔdi use Egyipte kalɔ lɛlɔ utéye bapɔnkɔ badi ɔ́siku mmɔ uboku-nwu. Ɔsika Unwoti ɔ́su-mii ka ukyuli ɔdi ɔsɔ utesie Egyipte kalɔ lɛlɔ mmɔ lɛnɔ.

Bumomo Bɔka 24:19

Lɛlɔ ɔdine ɔdubɔlɛ bɔsiku Yakob kaba kemmo, na ɔyila bekyuli bani nébu ɔma unengudi udu.”

Yohane 1:49

Natanael ɔ́su-nwu ɔnini, “Rabi, awɔ ndi Katɔti Ubidi. Awɔ ndi Israelƒuɔ Ɔga.”

Mateo 21:6

Anwuɔsu batɛyane inyɔ bammɔ bésie na bátábla aani kalɛ na Yesu ɔ́tala-ma ɔnii batábla.

Luka 24:27

Na Yesu údie ala ammɔ kalɔ úte-ma ɔ́si ala ani na bénweni bákya Bunweni Kedee Ɔku kemmo ɔ́si Mose ɔku ku ala ani ƒui na Katɔti kenye bediene bénweni ɔkɛnku anwu Yesu ɔmmɔ lɛlɔ.