Mateo 21:43 - Katɔti Ɔku Kedee

⁴³ Amu na Yesu ɔ́sɔ ɔ́su-ma ɔnini, “Anwuɔsu mɔɔsu-mii nnii Katɔti ɔdubɔƒɔ nwuna lɛga kadikɔ kammɔ na bina kudɔ bileduo-ka! Na ɔdubuti ute bekyuli bamba bani ndubɔbla nwuna lɛyɔla.

Mateo 21:43 Referans Kwoze

Mateo 21:41

Bédie kenye banini, “Ɔdubɔdu bekyuli bekpidi bammɔ ulikplu kemmo na uti kemo kammɔ ute lɛlɔ banune babambadi bani ndubuti edula beboku-nwu si údu edula ɔƒɛwi.”

Petro 1 2:9

Nsu amii ni, bɛdi bekyuli bani na Katɔti ɔ́ƒuna. Na bɛdi bakpane bani muumwi Katɔti ɔni ndi Ɔga. Bɛdi Katɔti bekyuli kedee bani na ɔ́lɔ ɔnii binwini anwu badi. Na amii ndubo nwuna ablala ebendi kudu bubo. Ɔsika anwu geen nálɔ-mii ɔ́lɛku likpidi lɛdisa kemmo úsienku ngba bɔƒɔ bukeye kemmo.

Yohane 3:3

Amu na Yesu údie kenye ɔnini, “Mɔɔsu-ɔ geen ka ni, si bátasɔku ukyuli bátawɔ ni, Katɔti ulakana lɛga bɔdi na nwuna kayi kemmo.”

Yohane 3:5

Amu na Yesu ɔ́su-nwu ɔnini, “Mɔɔsu-ɔ geen ka ni, si bátawɔ ukyuli bátalɛku ntu ku kɔyu kemmo ni, ulakana Katɔti lɛga kadikɔ mmɔ buduo.

Yesaia 26:2

Bɛlɛmi ɔban kɔyakun kɔmmɔ, na kadi bani bekyuli nse siin beduo. Ama bani náƒɔ bádi na bada bɔƒɔtaadi bɔmmɔ.

Yesaia 28:2

Bɛnu, Unwoti ɔdanku ukyuli ɔni na úbomo, na ubo ɔyikun ku ɔlɔkplu, aani etubankɛ ku ɔnantu ku ɔƒɛƒɛɛ kpakplaa ɔni muubile ala, na ɔdubo ubetiku-ma ku kɔnyi.

Israelƒuɔ Bɔlɛ 19:6

Na bɛdubɔbla bakpane ku kadi kani bekyuli nse kedee bite-mi.’ Etemila ammɔ lɛsa na ɔlɛka akɔ ete Israelƒuɔ.”

Korintoƒuɔ 1 13:2

Na si muudie Katɔti kenye na muunú abɛla ku lɛlati ƒui kalɔ, na mbo bɔƒɔtaadi bɔni na lɛkana na lɛ́gyu abi muedi na ana kenyekɔ nsu naaayɔ bekyuli ni, lɛɛɛdi lɛla lɛdi.

Mateo 12:28

Ɔɔɔdi Beelsebul ɔyikun na ɔdi. Mmomu Katɔti Kɔyu néte-mi ɔyikun ɔni na muuti taagya ayu ekpidi taalɛku bekyuli lɛlɔ kemmo. Na ɔmɛni ɔɔtina ka Katɔti lɛga kadikɔ kéebo-mii akɔ.

Mateo 21:42

Na Yesu ɔ́su-ma ɔnini, “Bínu na Bunweni Kedee Ɔku kemmo ka ni, “ ‘Lɛtabi lɛni na batune béni báva banii lɛɛɛdia ni, ani mmomu nébenwini lɛtabi lɛni náƒɔ kuye litulo na atabi ƒui akɔ. Katɔti nábla lɛla bonwu lɛmɛni. Na lɛ́ƒɔ-bu anu geen!’ ”

Mateo 21:44

Na ukyuli biala ɔni mebuli mayu lɛtabi lɛni béni báva mmɔ lɛlɔ ni, ɔdubɔdu lɛlɔ. Na si lɛtabi lɛmmɔ lɛnɔ lɛ́lɛ líbo ɔdi lɛlɔ ni, lɛdubutu-nwu lɛbwɛ kpɛtɛ kpɛtɛ.”