Mateo 21:34 - Katɔti Ɔku Kedee

³⁴ Uwi ɔni na egyiibi ammɔ édu bude ni, kemo ɔlati ɔmɛni ɔ́tala nwuna kabla bablane ɔnii batáƒɔ nwuna kadikɔ beboku-nwu.

Mateo 21:34 Referans Kwoze

Yesaia 5:4

Bi na nka ɔlɛka lɛsɔ lɛbla na mina kemo kamɛni lɛlɔ litulo kalɛ na lɛ́bla mɛni? Ka nka ebi buni na mɔɔsia anu ka lide ni, bi ɔsu na ebi ani nse nyanyaanya sɔɔn na kánwu?

Mateo 22:3

Ɔ́tala nwuna kabla bablane ɔnii batásu bekyuli bani na ɔ́lɔ ɔnii bebo limeyi kadikɔ mmɔ na bebo. Nsu béni na banii belebo.

Yeremia 35:15

Bíni bɛnii bilenu mina kenye bediene bani mɔɔsu-mii uwi ndi uwi banini, ‘Bɛda alaekpidi bɔbla bɛya na bɛda baƒiɔ lɛnɔ bɔkpa bɛya! Na bise kalɔ biteenu Unwoti litemi na bitaadi-ni lɛlɔ na ɔdubɔya na bilie kalɔ kani na úti úte bina bati kuuku mɛni lɛlɔ.’

Mateo 21:35

“Kemo lɛlɔ banune bamɛni béƒie kabla bablane bamɛni na bébo unwi na bádu unwi, na bébo unwi lɛnɔ atabi bádu.

Mateo 21:38

“Nsu uwi ɔni na lɛlɔ banune bamɛni bánu ubidi ɔmɛni ni, básu lɛlɔ banini, ‘Aanu kemo ɔlati ubidi ɔni ndi nwuna ala ɔdine. Bɛya na bɔdu-nwu na buƒie nwuna ala bɔƒɔ.’

Mateo 21:40

Amu na Yesu úye-ma ɔnini, “Ɔƒɛni ni, bi na bɛɛbu ka kemo ɔlati ɔmmɔ ɔdubo kemo lɛlɔ banune bammɔ bɔbla si ɔ́si úbo?”

Mateo 21:41

Bédie kenye banini, “Ɔdubɔdu bekyuli bekpidi bammɔ ulikplu kemmo na uti kemo kammɔ ute lɛlɔ banune babambadi bani ndubuti edula beboku-nwu si údu edula ɔƒɛwi.”

Marko 12:1

Amu na Yesu úbo-ma lɛgba ɔnini, “Dii ni, ɔnana ɔdi úse adingyii kemo kadi. Na ɔ́gyi ɔba ɔ́mana-ka. Na úku ubu na kalɔ kammɔ ntɛ kesii kani na ɔdubo ebi ammɔ ntu butaamana teewi. Na ɔ́tu kesii kani nákuku kalɛ na benye mmɔ bataagyumana kemo kammɔ. Amu na úti kemo kammɔ úte kabla bablane badi ɔnii bataanu-ka lɛlɔ, na anwu ku-ma beti lɛla lɛni bákɛ mmɔ bele. Amu na ɔ́tɔlɔ úsie ulu.

Marko 12:7

“Nsu kabla bablane bammɔ básu lɛlɔ banini, ‘Ɔmɛni ndi bula unwoti ala ɔdine. Bibo na bɛya bɔdu-nwu, na buti nwuna kadikɔ bɔbla bula kadi!’

Marko 12:9

Amu na Yesu úye benengu bammɔ ɔnini, “Bi na bɛɛkali ka ɔnana ɔmɛni ɔdubɔbla? Ndubo-mii bɔsu! Ɔdubusie mmɔ utádu kabla bablane bammɔ na uti kemo kamɛni ɔkya bekyuli bamba lɛkɔkɔ.

Luka 20:9

Amu na Yesu úbo bekyuli bammɔ lɛgba lɛmɛni ɔnini, “Dii ni, ɔnana ɔdi ɔ́bla adingyii kemmo kadi. Ka úsela ulu ɔdi utákya na uwi utu ɔsu ni, úti-ka ɔ́kya bekyuli badi enu ɔnii bataanu-ka lɛlɔ teete-nwu.