30 “Amu na ɔti úsie útásu ubidi unyɔdi lɛnɔ lɛni kani. Na anwu ɔ́tuna, nsu útesie.
Ama alati baasu banii baabu Katɔti, nsu bana ablala alátina lɛni. Badi bekyuli bani muusé lɛlɔ na balábu lɛla lɛdi na bátamanku lɛbuni lɛdi lɛnɔ bɔbla.
Anwuɔsu bana ƒui beebo teebenu lɛla lɛni na adubɔsu, nsu béni na balabla taasiaku kalɛ na ásu-ma. Ama baasu ka basiaku-mi kama siin, nsu baanya bana bakpana taakya na beeyu bana egulabi.
Anwuɔsu ɔlɛka bɛbla lɛla biala na básu-mii kaduɛ. Nsu ni, bitasiaku ala ani na baabla kama, ɔsika baládi ala ani baasu mmɔ lɛlɔ.
“Amu na ubi ɔmmɔ údie ɔti ɔda ɔnii, ‘Lɛɛɛdubo busie.’ Nsu kama ni, ɔ́vumana kasusu na úsie.
“Bana kemmo ɔmani nábla ɔti ɔmmɔ lɛyɔla?” Bédie kenye banii, “Ubi unengudi ɔmmɔ.” Amu na Yesu ɔ́su-ma ɔnini, “Mɔɔsu-mii nwaa nnii beyune ku bayalɛ baaví-mii teeduo Katɔ Ɔga Ɔma!