Mateo 21:26 - Katɔti Ɔku Kedee

²⁶ Nsu si bɔ́su bɔnii ukyuli kudɔ na ɔ́kɛ-ka ɔ́siku ni, bɔɔyia ka bekyuli badubɔbla-bu lɛla lɛdi, ɔsika bana ƒui báƒɔ bádi banii Katɔti kenye udiene na ɔdi.”

Mateo 21:26 Referans Kwoze

Marko 6:20

Nsu ulákana na Herode ɔsu. Ɔsika Herode útaayia Yohane, na ɔgyi ka Yohane ɔdi ukyuli ɔni nse siin na use kedee. Anwuɔsu útaagyumana-nwu. Ɔ́yɔ ka uteenu-nwu ala bɔtina uwi ndi uwi ina ka nwuna litemi líteekpoku-nwu kayi si únu-ni.

Yohane 5:35

Yohane úkeye aani ogya ɔni mɔɔda. Na nwuna bukeye bɔmmɔ bɔ́da-mii ebiti uwi klukui ɔdi kemmo.

Mateo 21:46

Anwuɔsu báwia ka beƒie-nwu. Nsu baayia bekyuli pii bammɔ, ɔsika bana ƒui baabu Yesu aani Katɔti kenye udiene.

Mateo 14:5

Anwuɔsu Herode ɔ́yɔ ka badu Yohane. Nsu ɔ́yia bekyuli pii bani ƒui nénu-nwu ala bɔtina, ɔsika bana ƒui baabu Yohane aani Katɔti kenye udiene.

Mateo 11:9

Bɛsu-mi ukyuli ɔni udu na bísie bítánu! Katɔti kenye udiene ɔdi munuu dɛ? Ɛɛn, na sɔsɔ na ɔdi. Nsu mɔɔsu-mii ka bɛ́nu ukyuli ɔni ntulo kenye udiene muedi.

Batalane Kabla 5:26

Mmɔ mmɔ na bagyumanane unengu ku nwuna badi báta bésie kakpakɔ mmɔ bétéƒie-ma béboku. Nsu ka baayia ka bekyuli badubo-ma atabi bubo ɔsu ni, bátani-ma ku ɔkplu.

Yohane 9:22

Nwuna bawɔne básu ɔmɛni, ɔsika bátaayia Yudaƒuɔ benengu bammɔ. Ɔsika benengu bammɔ báalɛ ugyii bése ka ukyuli biala ɔni medie kenye ka Yesu ndi Ukyuli Ɔƒunadi ɔmmɔ ni, badubudie-nwu bana akɔ na Yudaƒuɔ kasalakɔ.

Luka 22:2

Nsu ka Katɔti bakpane benengu ku ɔda bubo ala batinane baayia bekyuli bammɔ ɔsu ni, bátaawia ulu ɔni lɛlɔ na basia badu Yesu na bɔbɛ kemmo.

Luka 20:19

Ɔda bubo ala batinane ku Katɔti bakpane benengu bákya ɔkplu banii beeƒie Yesu na mmɔ, ɔsika bánu báti ka bana lɛlɔ geen ɔsu na úbo lɛgba lɛmmɔ. Nsu baayia bekyuli bammɔ.

Luka 20:6

Na si bɔ́su bɔnii ukyuli kudɔ na ɔ́kɛ-ka ɔ́siku ni, kasalakɔ bekyuli bamɛni ƒui badubo-bu atabi bubo, ɔsika bana ƒui báƒɔ bádi ka Katɔti kenye udiene na Yohane ɔdi.”

Marko 12:12

Amu ka bénu lɛla lɛmɛni ni, Yudaƒuɔ benengu bákya ɔkplu ka nka beƒie Yesu. Ɔsika bagyi ka úbo lɛgba lɛmmɔ ɔ́sia-ma lɛlɔ. Nsu báyia bekyuli lisu lɛni nnye mmɔ. Anwuɔsu bágyu lɛgba bátɔlɔ-nwu kudɔ.

Marko 11:32

Nsu si bɔ́su-nwu bɔnii ukyuli ɔyawine nátala-nwu ni, ɔmɛni lɛnɔ ɔɔɔdia!” Baayia ka basu lɛni lɛnɔ, ɔsika bekyuli bani nnye mmɔ ɔdi biala ɔ́ƒɔ ɔ́di ka Yohane ɔdi Katɔti kenye udiene.

Yesaia 57:11

“Bi ndi baƒiɔ bani kama na bɛsiaku, na ama na bɛɛyia teetulo ami ɔsu na bɛ́yiƒala-mi ku mina ala ani na lɛ́bla, na bɛsɔ binyimo adi na bina kayi kemmo? Munuu ɔni na líbile kenye mɔɔnu-mii kpoo ɔsu na mina lɛlɔ liƒu lɛsɔ liiibo-mii lɛlɔ kemmo?

Mateo 21:11

Na bekyuli bamba bédie kenye banini, “Ɔmɛni ndi Katɔti Kenye Udiene Yesu ɔni nási Nasaret na Galilea kalɔ lɛlɔ!”

Mateo 21:25

Wɛ na Yohane ɔ́kɛ kenyekɔ kani na ubo asa na ɔ́kpila bekyuli ntu ɔ́siku? Katɔti kudɔ na kási munuu ukyuli kudɔ na kási?” Amu na bése kalɔ beeye lɛlɔ teenu banii, “Bi na ɔlɛka bɔsu? Si bɔ́su bɔnii kási Katɔti kudɔ ni, ɔdubuye-bu ɔnii, ‘Bi ɔsu na bítaƒɔ Yohane bítadi?’

Mateo 21:27

Anwuɔsu na bédie kenye banini, “Bɔɔɔgyi kesii kani na ɔ́kɛ kenyekɔ kammɔ ɔ́siku.” Mmɔ na Yesu lɛnɔ ɔ́su-ma ɔnini, “Lɛni kani na ami lɛnɔ lɛɛɛdubo-mii bɔsu kenyekɔ kani mbo asa na mɔɔbla ala amɛni udu.”