Mateo 21:19 - Katɔti Ɔku Kedee

¹⁹ Na ka ɔ́nu kɔdingyii kɔdi na ulu kudɔ mmɔ ni, údeyi úsie mmɔ. Nsu útanu lɛla lɛdi útetulo kuna evete. Anwuɔsu ɔ́su kugyii kɔmmɔ ɔnini, “Asɔ alanwu ebi adi kudii lɛnɔ.” Kɔnakunwi ni, kɔdingyii kɔmmɔ kúse kalɔ kɔɔyɛyɛ.

Mateo 21:19 Referans Kwoze

Tito 1:16

Ama alati baasu banii baabu Katɔti, nsu bana ablala alátina lɛni. Badi bekyuli bani muusé lɛlɔ na balábu lɛla lɛdi na bátamanku lɛbuni lɛdi lɛnɔ bɔbla.

Yohane 15:6

Ukyuli biala ɔni neeeliku-mi ni, use aani kugyii kagba kani békulo bávaakun na kákwii. Na kɔgba kɔmmɔ udu ni, bɔsala na baasála-ku taakya ogya na kɔkywi.

Luka 3:9

Bɛɛnu ka bada kadadi benye kugyii lɛlɔ na bada-ku ku ligyiitu. Kugyii biala naaanwu ebi buni ni, badubɔmɛnɛ-ku bakya lɛgyavonku kemmo!”

Yohane 15:2

Ɔɔmɛnɛ kagba biala kani naaakana bɔnwu teedie kɔgba kɔkladi akɔ. Na ɔɔƒiala kɔgba kɔni mɔɔnwu lɛnɔ kemmo kalɛ na kuna akɔ kɔbla nwaa na kɔkana kutaanwu kaduɛ.

Marko 11:14

Amu na Yesu ɔ́su kugyii kɔmmɔ ɔnini, “Ukyuli ɔdi uleti ƒula kegyiibi ulakya kenye kudii lɛnɔ!” Na nwuna batɛyane bénu ka ɔ́su lɛni.

Budie Taatina 22:11

Ukyuli ɔni na likpidi na ɔɔyɔ́ ka utaabla ni, usie anumi utaabla likpidi. Na ukyuli ɔni mɔɔyɔ́ ka utaabla ala ani muusé lɛlɔ ni, usie anumi utaabla ala ani muusé lɛlɔ. Na ukyuli ɔni mɔɔbla ala siin ni, usie anumi utaabla ala ulu lɛlɔ. Na ukyuli ɔni nse kedee ni, usie anumi na ɔda lɛlɔ kedee.”

Yuda 1:12

Badi bekyuli bani ablala mɔɔyá na bina kasala keesé lɛlɔ si bɛ́sala bɛɛdi Blɔti adila ammɔ. Beedie lɛlɔ na ama lɛti baadi teemo kalɛ na baayɔ́. Bese aani ɔnantu ɔni nánwu, nsu ulána kudii, na ɔƒɛƒɛɛ kani muubó-nwu taavinku. Na bese lɛnɔ aani egyii ani naaanwu ina egyiibi bɔnwu uwi muedi. Bese aani egyii ani na bágyu-nya ku ligyiitu na ékpi ƒui.

Timoteo 2 3:5

Bekyuli bamɛni udu mɔɔtina ku kenyekplu ka badi bekyuli babuni, nsu beení Katɔti ɔyikun ka ɔdi-ma lɛlɔ na bana keliela kemmo. Da lɛlɔ mamiku bekyuli bamɛni lɛlɔ.

Yesaia 5:2

Ɔ́tu kalɔ kammɔ únwini na údie atabi ammɔ ƒui. Na ɔ́va adingyii ebi abuni ani ndia geen. Na ɔ́tu bagyumanane kenyekɔ únyene-ka ntɛ. Na údie egyiibi ammɔ ntu kewikɔ ubu. Na unye ɔgya egyiibi ammɔ bugyie na bede. Nsu ebi ani na adingyii ammɔ ánwu ni, ana ntu ese nyanyaanya na aaadia.

Yeremia 8:13

“Ndubo-ma udu bɔyila budie kalɔ kammɔ lɛlɔ ƒui. Ɔsika bese aani egyiibi kɔbuli kɔni lɛlɔ na egyiibi aaasia iye kɔnwingyie kɔni lɛlɔ na ebi iye evete aaasia. Na ala ani na lɛ́su-ma ƒui bátabla ɔdi! Ami Unwoti násu lɛni.”

Mateo 21:20

Ka batɛyane bammɔ bánu lɛni ni, kasusu kéƒu-ma. Na béye banini, “Bi náya na kɔdingyii kɔmɛni kúkpi kɔnakunwi lɛni?”

Marko 11:20

Kadi kégye ɔtanta uwi ɔni na bákɛ ulu lɛlɔ bésela ni, bánu ka kɔdingyii kɔmmɔ kúkpi ku lidu.