Mateo 21:16 - Katɔti Ɔku Kedee

¹⁶ Anwuɔsu béye Yesu banii, “Eenú lɛla lɛni na banamu bammɔ baasu mɛni?” Na Yesu údie kenye ɔnini, “Muunú. Na ngyi lɛnɔ ka bɛ́ka ɔmɛni na Bunweni Kedee Ɔku kemmo ka ni, “ ‘Ábla banamu ku bebiwɔ anii beti bumwi bɔni náƒɔ kuye geen bete-ɔ.’ ”

Mateo 21:16 Referans Kwoze

Kɔgya 8:2

Ábla banamu ku bebiwɔ anii beti bumwi bɔni náƒɔ kuye geen bete-ɔ. Elie kalɔ kpi ɔni na ƒula ukisine ɔdi ulakana-a bɔni bude kudii. Na bekyuli bani mɔɔta teenye-ɔ lɛlɔ ƒui aayila-ma udu.

Mateo 11:25

Uwi ɔmmɔ kemmo ni, Yesu ɔ́sɔ ɔ́kpali katɔ ɔnini, “Ati, katɔ ku kalɔ Unwoti, mɔɔgyá-a enu. Éti ala amɛni ábɛla banundane ku bakutine, na édie-nya átina bani nétesie anumi na lɛlati lɛdi kemmo.

Mateo 19:4

Yesu údie kenye ɔnini, “Bítaka na Bunweni Kedee Ɔku kemmo ka kalɔ kesekɔ ni, Katɔti údie ɔnana ku uleku?

Mateo 12:3

Mmɔ na Yesu údie kenye na úye-ma ɔnini, “Bítaka Bunweni Kedee Ɔku kemmo ala bítenu lɛla lɛni na Dawid ɔ́bla uwi ɔni na kɔka kɔɔda anwu ku nwuna bekyuli?

Marko 2:25

Mmɔ ni, Yesu úye-ma ɔnini, “Bítaka Katɔti Bunweni Kedee Ɔku kemmo bítenu lɛla lɛni na Ɔga Dawid ɔ́bla? Uwi ɔni na kɔka kɔɔda anwu ku nwuna bakpana ni, Dawid úsie útéduo Katɔti kakpakɔ na lebo lɛni na ukyuli ɔni baalɔ Abiatar ɔdi ɔkpane unengudi. Údie bodobodo kedee ɔni nse nte bakpane lɛti pɛ na kakpakɔ mmɔ ɔ́di, na úti ɔdi lɛnɔ úte nwuna bakpana na bádi. Ɔmɛni lɛnɔ na nka ɔda bubo bútéte kuƒi, nsu bátasu-ma lɛla lɛdi.”

Mateo 22:31

Bítaka lɛla lɛni na Katɔti ɔ́su-mii ɔ́si kalɛ na bekyuli badubɔsɔ bata lɛlɔ? Katɔti ɔ́su ɔ́siku bina bati kuuku lɛlɔ ɔnini,

Marko 13:17

Uwi ɔmmɔ ɔdubo ɔkplu bɔyu bute beleku bani nda kaƒɔ ku bani muute bebi lɛnyi.

Luka 21:23

Ɔdubɔyu ɔkplu geen ute beleku bani nda kaƒɔ ku bebi beni bani muute bebi lɛnyi. Lɛbibo bonwu lɛdi lɛdubo kalɔ kamɛni lɛlɔ. Na Katɔti kɔtu bɔni bɔdubo bekyuli bamɛni lɛlɔ.