Mateo 21:11 - Katɔti Ɔku Kedee

¹¹ Na bekyuli bamba bédie kenye banini, “Ɔmɛni ndi Katɔti Kenye Udiene Yesu ɔni nási Nasaret na Galilea kalɔ lɛlɔ!”

Mateo 21:11 Referans Kwoze

Yohane 6:14

Amu ka bekyuli bammɔ bánu akɔla budie taatina bɔmɛni ni, básu banini, “Sɔsɔ anwu ndi Katɔti Kenye Udiene ɔni mebo kayawi.”

Yohane 7:40

Ka bénu etemila amɛni ni, bana badi básu banii, “Sɔsɔ ukyuli ɔmɛni ndi Katɔti Kenye Udiene ɔmmɔ.”

Luka 7:16

Bekyuli bammɔ ƒui báyia geen, na bémwi Katɔti. Ɔmɛni ɔsu básu banini, “Katɔti kenye udiene ɔni náƒɔ kuye geen ɔ́da ɔ́lɛ-bu akɔ! Katɔti ɔ́yu úbo ɔnii ubedie nwuna bekyuli!”

Batalane Kabla 7:37

“Mose ɔmmɔ ɔlatidi násu Israelƒuɔ ɔnini, ‘Katɔti ɔdubudie kenye udiene ɔdi aani ami kalɛ, na ɔdubudie-nwu ɔlɛku bina kaba kemmo.’

Yohane 9:17

Amu na Ƒarisiƒuɔ bammɔ básɔ béye ɔnana ɔmmɔ banini, “Ka aasu anii anwu nábwi-ɔ lɛnumbwɛ ni, bi na awɔ ɔlati aasu taasiku ukyuli ɔmmɔ lɛlɔ?” Amu na ɔnana ɔmmɔ údie kenye ɔnini, “Katɔti kenye udiene na ɔdi.”

Mateo 2:23

Na ka úduo mmɔ ni, útélie ɔma ɔni baalɔ banii Nasaret. Na bana mmɔ bulie ɔ́ya na Katɔti kenye udiene litemi lɛni na ɔ́su úse ɔnii, “Bekyuli badubɔlɔ-nwu banii Nasareni,” úbo úte lɛni sɔsɔ.

Yohane 4:19

Mmɔ ni, uleku ɔmɛni údie kenye ɔnini, “Ɔbune, mɔɔtí ka Katɔti kenye udiene na adi!

Yohane 1:21

Bakpane bammɔ básɔ béye-nwu banini, “Amu ɔma na adi? Katɔti Kenye Udiene Elia na adi?” Údie kenye ɔnini, “Ɔɔɔdi anwu na ndi.” Béye-nwu banii, “Na awɔ ndi Kenye Udiene ɔni básu bése ka ɔdubo?” Na ɔ́sɔ ɔ́su-ma ɔnini, “Oowo.”

Marko 6:15

Badi lɛnɔ baasu banii, “Anwu ndi Elia.” Babambadi lɛnɔ básu ka, “Kenye udiene na ɔdi, use aani Katɔti kenye bediene bakukudi bammɔ kemmo unwi.”

Luka 24:19

Amu na Yesu úye-ma ɔnini, “Bi ala?” Na bédie kenye banii, “Ala ani nálɛku Yesu Nasareni. Ukyuli ɔmɛni ɔdi Katɔti kenye udiene ɔni na Katɔti ku bekyuli ƒui bánu ka ubo ɔyikun geen na nwuna ablala ku ala ani na ɔ́su ƒui kemmo.

Yohane 1:25

Anwuɔsu béye-nwu banini, “Si aaadi bekyuli bani na Katɔti ɔ́su úse ka badubo akɔ unwi aani Ukyuli Ɔƒunadi, iye Elia, iye Kenye Udiene ɔmmɔ ni, bi ɔsu na aabla ketu kemmo ntu bɔkpila ɔdi ɔmɛni?”

Luka 13:33

Anwuɔsu ɔ́bla bi ɔ́bla dɛ ni, ndubusie anumi ɔmwi utálɛ kɔnaadi ku keegye. Ɔsika útalɛka badu Katɔti kenye udiene ɔdi na likpo bamba si ɔɔɔdi Yerusalem ɔma kemmo.

Luka 7:39

Ka Ƒarisini ɔni nálɔ Yesu bɔdi ɔ́nu ɔmɛni ni, ɔ́bla kasusu ɔnii, “Si ukyuli ɔmɛni ɔdi Katɔti kenye udiene geen ni, nka ɔlɛka ɔnu ɔti uleku ɔni udu nébo uutuku-nwu mɛni, na ɔti lɛyalɛ ngba bɔni lɛnɔ na ulie!”

Mateo 21:10

Uwi ɔni na Yesu úduo Yerusalem ni, nwuna lɛlɔ litemi lɛ́ƒɔ ɔma ɔmmɔ ƒui. Na bekyuli béye lɛlɔ banii, “Ɔma na ɔdi?”

Mateo 21:26

Nsu si bɔ́su bɔnii ukyuli kudɔ na ɔ́kɛ-ka ɔ́siku ni, bɔɔyia ka bekyuli badubɔbla-bu lɛla lɛdi, ɔsika bana ƒui báƒɔ bádi banii Katɔti kenye udiene na ɔdi.”

Mateo 21:46

Anwuɔsu báwia ka beƒie-nwu. Nsu baayia bekyuli pii bammɔ, ɔsika bana ƒui baabu Yesu aani Katɔti kenye udiene.