Mateo 20:7 - Katɔti Ɔku Kedee

⁷ “Bédie kenye banii, ‘Ukyuli ɔdi útete-bu kabla kadi ɔnii bɔbla.’ “Anwuɔsu ɔ́su-ma ɔnini, ‘Amu biteesie mina kemo.’

Mateo 20:7 Referans Kwoze

Hebriƒuɔ 6:10

Katɔti ɔɔbla lɛla biala ulu lɛlɔ. Na uláyiƒala bina ala ani na bɛ́bla. Ɔgyi ka bɛɛyɔ́-nwu ɔkɛnku kalɛ na bíbunku nwuna bekyuli. Na bɛmu biibunku-ma úbedu ɔƒɛni.

Koloseƒuɔ 1:26

Na litemi buni lɛni kalɔ mbo ɔkplu ku bunu mɛni ni, Katɔti úti ɔ́bala kuuku bekyuli. Nsu ɔƒɛni ni, údie-ni keyi ɔ́tina nwuna bekyuli.

Eƒesoƒuɔ 6:8

Si ukyuli ɔdi ɔɔbla ukyuli bamba kabla iye ɔɔbla anwu ɔlati kabla ni, ɔlɛka ɔbla-ka kaduɛ. Ɔsika ɔdubɔƒɔ lɛyuƒɔla ɔsiku Blɔti kudɔ.

Romaƒuɔ 16:25

Na ɔƒaani ni, bɛya bumwi Katɔti. Anwu ndubɔkana na ɔda-mii na binye kpakplaa aani kalɛ na mɔɔsu na litemi buni lɛni kudu na muubó kemmo ɔkɛnku Yesu Kristo lɛlɔ. Litemi buni lɛmɛni nkɛnku ala abɛdi ani na Katɔti údie keyi na ábɛ-bu na akwa pii ani návi kemmo.

Batalane Kabla 4:16

Badi béye banii, “Bi na ɔlɛka bɔbla ku bekyuli bamɛni? Bulakana buni bɔnii lɛla lɛni na bábla mɛni lɛɛɛdi akɔla budie taatina, ɔsika ukyuli biala na Yerusalem ɔgyi na únu litemi lɛmɛni.

Yohane 9:4

Si uwi ɔni na kadi kátasa tɔ ni, ɔdi ka butaabla Katɔti ɔni nátala-mi kabla. Ɔƒɛ ɔdubo bɔsa ɔni na ukyuli biala ɔsɔ ulakana lɛla lɛdi biala bɔbla.

Etemila 9:10

Kabla biala na ɔdi aabla ni, nye-ka lɛlɔ kpakplaa. Ɔsika uwi uletu asa na adubo-ka bɔda búwi na atɔlɔ etéduo kekpine, kesii kani na ukyuli ɔdi ɔsɔ ulabla kabla kadi iye ulie uteeti kasusu kadi iye ɔti lɛla lɛdi muedi.

Mateo 20:1

“Katɔti lɛga bɔdi buse aani ɔmɛni kalɛ. Uwi ɔdi ni, ukyuli ɔdi ɔ́ta ɔtanta tutuutu ɔnii utáwia bekyuli badi na batuma nwuna kemmo bete-nwu na limeyi lɛyuƒɔla kenye.

Mateo 20:6

Uwi ɔni na lɛdɔ ɛlɔ líbo ni, ɔ́sɔ úsie kuyeya mmɔ na útánu banana babambadi ka bénye mmɔ. Na úye-ma ɔnini, ‘Bi nébo ɔsu na amii bilie mɛni ɔmwi limeyi limodi na bítabla kabla kadi?’

Mateo 20:8

“Amu uwi ɔni na lɛdɔ ɛku líbo ni, kemo ɔlati ɔmmɔ ɔ́su batumane bammɔ lɛlɔ ɔnune ɔnini, ‘Lɔ batumane bammɔ ƒui na aƒɔ-ma kayu. Na ese kalɔ asi bekyuli bekplodi lɛlɔ atálɛ bedeedi lɛlɔ.’