Mateo 20:22 - Katɔti Ɔku Kedee

²² Yesu ɔ́su-ma ɔnini, “Bɛɛɛgyi lɛla lɛni geen na biiye. Lɛbibo lɛni ndubo buti ni, amii lɛnɔ bɛdubɔkana-nya buti?” Amu na bedie kenye banii, “Ɛɛn, bɔdubɔkana.”

Mateo 20:22 Referans Kwoze

Luka 22:42

Na ɔ́su ɔnini, “Ati, si átuna ni, na aƒɔ lɛbibo ɔɔƒɛɛ ɔmɛni na mina kudɔ. Nsu ni, tabla mina lɛyɔla, mmomu bla ƒula lɛdi.”

Mateo 26:42

Amu na Yesu ɔ́sɔ únwini úsie kunyɔdi na ɔ́kpali ɔnini, “Mina Ɔti, si lɛbibo lɛni ndubo buti mɛni lilávi-mi lɛlɔ na ɔdi-ɔ lɛƒɔyɔ ka liti-ni ni, ya na ɔlɛ lɛni.”

Yohane 18:11

Nsu Yesu ɔ́su Petro ɔnini, “Sɔku ƒula kewii kya livuo kemmo! Aakali anii lɛbibo ɔɔƒɛɛ ɔni na mina Ɔti úte-mi ɔnii nnii ni, naaani-nwu?”

Marko 14:36

Amu na ɔ́su ɔnini, “Ati, mina Ɔti! Akana na abla lɛla biala. Si átuna ni, na aƒɔ lɛbibo ɔɔƒɛɛ ɔmɛni na mina kudɔ. Nsu ni, tabla mina lɛyɔla, mmomu bla ƒula lɛdi.”

Mateo 26:39

Amu ka úsie lɛtɔtɔ blii ni, ɔ́yu úbi kalɔ na ɔ́kpali katɔ ɔnini, “Mina Ɔti, si wadia ni, na aƒɔ lɛbibo ɔɔƒɛɛ ɔmɛni na mina kudɔ. Nsu ni, tabla mina lɛyɔla, mmomu bla ƒula lɛdi.”

Romaƒuɔ 8:26

Na ulu ɔmɛni lɛlɔ na Katɔti Kɔyu kuute-bu kebunku, ɔsika buse kpɛtɛ kpɛtɛ, na bɔɔɔgyi kalɛ bɔkpali Katɔti bɔvinku. Nsu nwuna Kɔyu kɔmmɔ ɔlati kuuvele na kuudumo teete-bu kalɛ udu na abu bulaka budie bɔtina.

Yesaia 51:22

Bina Unwoti Katɔti ɔni muubunku-mii na ɔɔgyumana-mii ɔnini, “Lɛ́ƒɔ mina kɔnyi kɔni nse aani ntɛ ɔɔƒɛɛ ɔni kemmo na bɛ́ni lɛbibo bíkpi aani ntɛ mmɔ. Na basɔ belenye-mii lɛlɔ banii bɛni lɛbibo lɛmmɔ udu lɛnɔ.

Yakobo 4:3

Si ina bívele Katɔti muedi ni, ulákpete-mii. Ɔsika ɔɔɔdi kasusu kabuni kemmo na biiye-nwu ala ammɔ. Na lɛla lɛni kani na bɛɛwia ka biti lɛlakɛ lɛmmɔ bɛbla ndi ka biti-nya bɛsiaku kayawi ebiti ekpludi kama.

Luka 12:50

Lɛƒɛda bonwu lɛdi lɛdubo-mi lɛlɔ aani kalɛ na ketu keeti ukyuli. Na liiibo bɔnwuna bɔdi úti utédu uwi ɔni na lɛƒɛda lɛmɛni líbo líbavi.

Yeremia 49:12

“Na kadi bani bekyuli na útalɛka nka bani-ma kɔtu muedi ni, badubo mina kɔnyi bɔni aani kalɛ na baaní lɛla lɛdi na ɔɔƒɛɛ kemmo na bebo abi. Anwuɔsu bina ɔdi ulakana bulekeli.

Mateo 26:56

Nsu ala amɛni ƒui álɛ lɛni kalɛ na ala ani na básu bése na Bunweni Kedee Ɔku kemmo ébo éte lɛni.” Amu na nwuna batɛyane ƒui békeli bátɔlɔ-nwu kudɔ.

Agba 16:18

Lɛlɔ katɔ bɔtalaku mɔɔgyú taatɔ asa na ukyuli ɔɔyii udu. Na kayi kekpidi buse taabla ala mɔɔyá na ukyuli uubuli.

Kɔgya 75:3

Ina dɛ na lɛlɔ lɛɛtɔ́ kayawi ala ediedi ƒui na kalɔ kemodi kammɔ kaakunku dɛ ni, ndubɔda-ka linyene kana ɔka lɛlɔ na kalɔ kemmo lɛtabi kpakplaa lɛlɔ.

Mateo 26:35

Petro údie kenye ɔnini, “Si ina ɔlɛka badu ami ku-ɔ muedi ni, lɛɛɛdubo bɔsu nnii lɛɛɛgyi-ɔ.” Na lɛni kani na nwuna batɛyane bammɔ ƒui básu.

Yesaia 51:17

Yerusalem kadi bekyuli, bɛta! Bɛta binye, ɔsika Unwoti lɛtuni lɛni na úte-mii na bɛ́ni aani ntu na ɔɔƒɛɛ kemmo límo-mii lɛ́vili ɔƒaamu. Bɛ́ni lɛla biala útédu eku ekplodi na bɛsɔ bilakana na bisie ligeen.