Mateo 20:21 - Katɔti Ɔku Kedee

²¹ Na Yesu úye-nwu ɔnini, “Bi na aawia?” Amu na uleku ɔmmɔ údie kenye ɔnini, “Mɔɔwia ka ese-mi kayi na si éduo ƒula lɛga kadikɔ ni, na ete kuƒi na mina bebi bananabi inyɔ bamɛni belie ƒula kɔdianu kakɛ ku ƒula kɔmii kakɛ.”

Mateo 20:21 Referans Kwoze

Mateo 19:28

Yesu ɔ́su-ma ɔnini, “Amii bɛkɛ kayi. Uwi ɔni na ami Ukyuli Ɔyawine Ubi mebo na mina lɛlɔyɔ kemmo na nlie mina lɛgaboku lɛlɔ na kayawi kawɔdi kammɔ kemmo ni, bina leevu-inyɔ bani nsiaku-mi lɛnɔ bɛdubulie agaboku lɛlɔ na bɛdi Israelƒuɔ adukpa leevu-inyɔ lɛlɔ.

Ester 5:3

Amu na úye-nwu ɔnini, “Mina Uleku Ɔga Ester, bi nébo? Su-mi lɛla lɛni na aawia, ina mina lɛga kadikɔ kakɛ kenwi na aawia muedi ndubute-ɔ.”

Mateo 18:1

Uwi klukui ɔdi kama ni, batɛyane bammɔ bébo Yesu kudɔ na bébeye-nwu banii, “Ɔma náƒɔ kuye utulo na Katɔ Ɔga Ɔma?”

Kɔgya 110:1

Unwoti ɔ́su mina Unwoti ɔnini, “Sɔ lie-mi kɔdianu wetédu uwi ɔni na meti ƒula bekisine makya-a lɛgba kalɔ.”

Batalane Kabla 1:6

Ɔmɛni ɔsu ka batalane bamɛni ku Yesu básɔ bása ni, béye-nwu banini, “Unwoti, ɔƒaani na aawia ka asɔku Israel lɛga kadikɔ ese yoo?”

Marko 6:22

Herode ubidi ugblebi úbatɔ na ɔkya Herode ku nwuna bakpana ebiti na kadikɔ mmɔ. Anwuɔsu Herode úye ugblebi ɔmɛni ɔnini, “Bi na aayɔ́ ka lite-ɔ?”

Mateo 20:32

Yesu údi únye na ɔ́lɔ-ma úboku na úye-ma ɔnini, “Bi na bɛɛwia bɛnii mbla nte-mii?”

Baga 1 3:5

Na Gibeon mmɔ ni, Unwoti údie lɛlɔ ɔ́tina Salomo na kɔna kemmo usien ɔdi. Na Katɔti ɔ́su Salomo ɔnini, “Vele-mi lɛla biala na aayɔ́ na ndubuti-ni lite-ɔ.”

Koloseƒuɔ 3:1

Ka amii ku Kristo na Katɔti ɔ́gyila ɔ́lɛku bekpine akɔ ɔsu ni, bɛwia ala ani nkya katɔ kama ulu na kesii kani na Kristo ulie ɔɔdiku Katɔti lɛga.

Romaƒuɔ 12:10

Biti bɔyɔ bite lɛlɔ ku kayi ƒaa aani banwa baƒɔtaadine. Na bɛbu bina bakpana bitulo lɛlɔ.

Yohane 15:7

Si biliku-mi na mina etemila ákɛ keliekɔ na bina lɛlɔ kemmo ni, bivele lɛla biala na bɛɛwia, na ndubute-mii.

Luka 22:24

Unyeƒi ɔdi úbeduo batɛyane bammɔ akɔ ɔ́si bana akɔ ɔni baakali banii anwu ntulo ƒui lɛlɔ.

Luka 19:11

Amu na bekyuli bammɔ bakɛ beenú ala ani na Yesu ɔkɛ ɔɔsu-ma. Na úsie anumi na úbo-ma lɛgba lɛdi, ɔsika ɔ́ɔkpɛ úde Yerusalem na bákali banii Katɔti lɛga kadikɔ kammɔ kéede geen ɔƒɛni.

Luka 18:41

“Bi na aawia-mi anii mbla nte-ɔ?” Ɔnumbwɛne ɔmmɔ údie kenye ɔnini, “Ati, mɔɔyɔ́ ka lɛsɔ ntaanu.”

Marko 10:51

Yesu úye-nwu ɔnini, “Bi na aawia ka lɛbla lite-ɔ?” Ɔnumbwɛne ɔmɛni ɔ́su-nwu ɔnini, “Unwoti, ya mina anumi alɛmi na ntaanu!”

Yeremia 45:5

Ndubo bɔya na ɔgbankpi utaalɛ kesii biala. Anwuɔsu tabla kasusu na ala ebendi adi bɔbla lɛlɔ ete lɛlɔ. Nsu muusé kenye ka ndubo-ɔ bɔgyumana na elekpi na ɔmɛni kemmo. Ami Unwoti násu.”

Kɔgya 45:9

Beleku baƒunadi bani mɔɔkpanku-ɔ ni, baga bebi belekubi bakya-ma akɔ. Na ƒula kɔdianu kakɛ ni, ƒula uleku ɔga unye na ɔda sika ugyiedi adala abuni ƒui.

Romaƒuɔ 8:34

Na ɔma ndubɔkana na ɔdu-ma kɔtɔ? Kristo Yesu ndi ukyuli ɔni nékpi, na ɔni nsɔ nsia ndi ka Katɔti ɔ́gyila-nwu ɔ́lɛku bekpine akɔ na ɔ́sɔ úbo uli ngba na ulie Katɔti kɔdianu na uuvele-nwu teete-bu.

Baga 1 2:19

Uwi ɔni na Bat-Seba úsie Ɔga Salomo kudɔ ka útáda litemi lɛmmɔ ɔ́va-nwu anumi ni, ɔga ɔmmɔ ɔ́ta ka ɔ́nu-nwu na útasiaku-nwu na ɔ́kya-nwu lili kalɔ. Na ɔ́sɔ únwini útélie nwuna liboku lɛlɔ. Mmɔ na ɔ́ya na béti lɛgaboku bamba béboku uni na ɔ́ya na úlie-nwu kɔdianu kakɛ.

Marko 16:19

Uwi ɔni na Blɔti Yesu ɔ́tɛmiku-ma mmɔ kama ni, Katɔti úti-nwu úsienku katɔ na útélie keliekɔ kenengudi kani nsiaku Ɔti kadi.

Mateo 20:22

Yesu ɔ́su-ma ɔnini, “Bɛɛɛgyi lɛla lɛni geen na biiye. Lɛbibo lɛni ndubo buti ni, amii lɛnɔ bɛdubɔkana-nya buti?” Amu na bedie kenye banii, “Ɛɛn, bɔdubɔkana.”