Mateo 20:2 - Katɔti Ɔku Kedee

² Kemo ɔlati ku kabla bablane bénu lɛlɔ kalɔ ka badubɔƒɔ limeyi lɛyuƒɔla, na bátɔlɔ bésie-nwu kemo.

Mateo 20:2 Referans Kwoze

Budie Taatina 6:6

Línu ka kɔku kɔdi kɔ́si ngba batu ine bammɔ kudɔ aani ukyuli butemi, na lɛdi lɛmmɔ lɛ́su lɛnini, “Ya na kamu kalaku kenwi kuye kɔkɔ kutédu limeyi lɛyuƒɔla, na antabi kɔlaku ɛtɛ kuye lɛnɔ kɔkɔ kutédu limeyi lɛyuƒɔla. Nsu tavumana nnɔ iye ntɛ bɔmmɔ kuye!”

Timoteo 2 3:15

Ka ɔ́si-ɔ lɛnamu uwi ni, áti Bunweni Kedee Ɔku kemmo etemila ani náya-a na áda anu na ebo ngba bɔƒɔ etemila ɔkɛ Kristo bɔƒɔtaadi lɛlɔ.

Luka 10:35

Kadi kégye ni, údie egulabi adi úte keduokɔ lɛlɔ ɔnune ɔmmɔ ɔnii, ‘Taanu-nwu lɛlɔ. Na si lɛ́si líbo mɔɔví mɛni ni, ndubɔƒɔ-ɔ lɛla biala lɛni na adubɔsɔ ebile na nwuna lɛlɔ.’ ”

Luka 1:15

Ɔdubo ukyuli ubendi bɔbla na Katɔti anumi. Útalɛka ɔni ntɛ kpakplaa iye bɔbambadi bɔdi udu lɛnɔ. Na ɔ́si nwuna bɔwɔ uwi ni, Katɔti kɔyu kɔdubɔƒɔ-nwu lɛlɔ kemmo.

Mateo 22:19

Bɛtina-mi kaplɛ kani na biiti taaƒɔ kuyi kɔmmɔ na bɔnu.” Amu na béti ɔdi béboku-nwu.

Mateo 20:13

“Amu na kemo ɔlati ɔmmɔ ɔ́su-ma ɔnini, ‘Bakpana, binu kalɔ. Ńtaƒiɔ-mii. Ami ku-mii ƒui búnu kalɔ bɔnii limeyi kenye kayu ndi bina lɛyuƒɔla.

Mateo 18:28

“Amu ka ɔnana ɔmɛni ɔ́lɛ ni, útánu nwuna kabla ɔblane ɔkpana ɔni nda-nwu abuli atɛ lɛyuƒɔla kayu. Amu na úƒie-nwu na ɔ́da-nwu limɔ ɔ́mana momoomo na ɔ́su-nwu ɔnini, ‘Ƒɔ-mi kayu kani na ada-mi!’

Etemila 12:1

Taakali ƒula udiene lɛlɔ taanu uwi biala na ƒula lɛkloƒu uwi! Ɔsika uwi ɔdubo ɔni na kayawi ala adubukpi-ɔ ɔkwɛ na etila ani nsia-a lɛlɔ ɔsu.

Ala Alɛdi 2 34:3

Yosia úse kalɔ ku Katɔti bɔkpa uwi ɔni kani na ɔ́ƒɔ akwa leevu-aku aani nwuna nana Dawid kalɛ. Na akwa ene kama ni, ɔ́lɛ ugyii ka ɔ́yila kadi bamba baƒiɔ ku aƒiodu ani ƒui na akya Yuda ku Yerusalem ku lɛƒiɔgyii lɛni na bálɛ béte Asera baƒiɔ beledi ka bataakpa.

Baga 1 18:12

Nsu lɛɛɛgyi kesii kani na Unwoti Kɔyu kɔdubuti-ɔ kusienku si lɛ́tɔlɔ-ɔ kudɔ mɛni. Na si lísie ńtásu Ahab na úbo na útanu-ɔ ni, ɔdubo-mi bɔdu. Nsu ami ƒula kabla ɔblane líse kalɔ mɔɔkpá Unwoti mina lɛkloƒu uwi.

Samuel 1 3:21

Unwoti úsie anumi na uudie lɛlɔ taatina na Silo mmɔ ɔkɛnku ala ani na ɔɔsu Samuel lɛlɔ.

Samuel 1 3:1

Na uwi ɔmmɔ ni, Samuel ɔ́kya Eli kudɔ útaabla Unwoti kabla, ɔƒɛni lɛnɔ ni, Unwoti ulátɛmiku ukyuli pla pla na ulédie lɛlɔ lɛnɔ taatina ukyuli na kɔna kemmo pla pla.

Samuel 1 2:26

Na uwi ɔmmɔ kemmo ƒui ni, Samuel ɔɔlɛ́ lili geen na nwuna lɛlɔ lɛɛda Unwoti ku bekyuli bammɔ ƒui ebiti.

Samuel 1 2:18

Nsu uwi ɔmmɔ ƒui ni, na ubi Samuel ɔkya Katɔti kakpakɔ mmɔ ɔɔbla nwuna kabla. Na ɔkya bakpane awu ɔƒualadi kedee.

Mateo 9:37

Anwuɔsu únwini na úbo nwuna batɛyane bammɔ lɛgba ɔnini, “Edula ani néedu ka baƒɛ ni, emomo. Nsu bekyuli bani maƒɛ-nya beeemomo.

Mateo 20:1

“Katɔti lɛga bɔdi buse aani ɔmɛni kalɛ. Uwi ɔdi ni, ukyuli ɔdi ɔ́ta ɔtanta tutuutu ɔnii utáwia bekyuli badi na batuma nwuna kemmo bete-nwu na limeyi lɛyuƒɔla kenye.

Mateo 20:3

“Uwi ɔni na úbo lɛdɔ yaalenwi ni, ɔnana ɔmmɔ ɔ́sɔ úsie kuyeya na útánu banana badi ka benye ukpludi.

Marko 12:15

Ɔlɛka bɔƒɔ, munuu butaƒɔ?” Nsu Yesu ɔ́ti ka anumi lɛlɔ bekyuli badi, na úye-ma ɔnini, “Bi ɔsu na bɛɛyɔ́ ka bɛkywɛ-mi kakpagyuɛ? Biti kaplɛ kadi bite-mi na lɛnu.”

Luka 20:24

“Biti sika ɔƒualadi ubi ɔmmɔ bɛtina-mi. Ɔma bɔtaa ku lɛnyi nsia mɛni?”

Mateo 20:9

“Amu na báƒɔ limeyi lɛyuƒɔla kayu béte bekyuli bani nébo useyi lɛdɔ ɛlɔ kemmo.