Mateo 20:19 - Katɔti Ɔku Kedee

¹⁹ Na ama bani naaadi Yudaƒuɔ badubuti-mi babla lɛmala, na bebo-mi, na bakana-mi bamana ugyii lɛlɔ na likpi. Nsu emeyi atɛ kama ni, Katɔti ɔdubɔgyila-mi ɔlɛku bekpine akɔ.”

Mateo 20:19 Referans Kwoze

Mateo 16:21

Ɔ́si uwi ɔmmɔ kemmo ni, Yesu úse kalɔ ɔɔsu nwuna batɛyane bammɔ nwaa ɔnii, “Ɔlɛka lisie Yerusalem na ntébo abi na kadi benengu ku bakpane benengu ku ɔda bubo ala batinane enu kemmo. Badubɔdu-mi. Nsu limeyi lɛtɛdi lɛlɔ ni, Katɔti ɔdubɔgyila-mi ɔlɛku kekpine na nsɔ mbelie ngba.”

Batalane Kabla 2:23

Nsu na Ɔti bɔyɔ ku kakali kemmo ni, ɔ́nyonu-nwu úte-mii na bɛ́kɛ ekpidi bablane lɛlɔ na bɛ́du-nwu uwi ɔni na bɛ́kana-nwu bɛ́mana ugyii lɛlɔ.

Hosea 6:2

Ɔdubo bɔya na bɔsɔ bɔta na abu ku-nwu bɔsɔ bulie bɔsala na emeyi anyɔ ku atɛ kama.

Yesaia 53:3

Bekyuli békisi-nwu na béni-nwu ɔni na nwuna ngba ƒui bɔdi kɔnyana ku lɛbibo sɔɔn. Ukyuli ɔdi uláwia-nwu ulánu na búdie-nwu atu na bɔɔɔdaku-nwu lɛda!

Yesaia 26:19

Nsu bani na badi awɔ badi ina ka békpi ni, badubɔsɔ bata ku bana ɔlɔna na belie ngba. O amii bani nkya kaƒiɔtɔ kemmo, bɛta na bidie lɛnu ku lɛlɔyɔ! Ɔsika ɔtanta amii na adi muuwi-mii lɛlɔ. Na kalɔ kammɔ kadubo kana bekpine bammɔ bɔwɔ bɔlɛku mmɔ.

Kɔgya 35:16

Na anumi lɛlɔ bekyuli béese kalɔ baakun lɛmɛnɛ na baadu anyi na ami ɔsu teedumi-mi.

Batalane Kabla 21:11

Amu ka úbo-bu kudɔ ni, ɔ́ƒɛnimi kabuli kani nda Paulo kavobi na únyimi anwu ɔlati enu ku lɛgba na ɔ́su ɔnini, “Katɔti Kɔyu kɔɔsu ka lɛni na Yudaƒuɔ badubunyimi ukyuli ɔni mbo kabuli kamɛni na Yerusalem na beti-nwu bakya ama bani naaadi Yudaƒuɔ lɛlɔ badine enu kemmo.”

Batalane Kabla 4:27

Ɔdi litemi geen ka Herode ku Pontio Pilato ku Israelƒuɔ ku bani naaadi Israelƒuɔ básala lɛlɔ na ɔma ɔmɛni kemmo, na báta bénye ƒ'ubidi Yesu ɔni ndi Ukyuli Ɔƒunadi Kedee ɔmmɔ lɛlɔ.

Luka 24:46

Na ɔ́su-ma ɔnini, “Lɛni na bénweni banii Ukyuli Ɔƒunadi ɔmmɔ ɔdububo abi na ɔdubɔta ɔlɛ bekpine akɔ limeyi lɛtɛdi lɛlɔ.

Luka 23:11

Herode ku nwuna bekpone báma Yesu na bédumi-nwu. Na béti awu gyɔlɔɔ ɔbuni ɔdi bákya-nwu aani ɔga kalɛ, na básɔku-nwu bémene Pilato.

Marko 15:1

Ɔtanta tutuutu ni, bakpane benengu bátása ku Yudaƒuɔ benengu ku ɔda bubo ala batinane ku litemi batɛne ƒui. Ka béti litemi lɛmɛni lɛlɔ kasusu ku kalɛ na badubɔbla-ni ni, bényimi Yesu na bétiku-nwu bátɔlɔku bésienku aban unengu ɔni baalɔ Pilato kudɔ.

Marko 14:65

Bana akɔ badi bése kalɔ beetuo lisuo teewi Yesu. Na bényimi-nwu anumi, na badaku-nwu bubo ku bana enu. Na bakya baasu-nwu banini, “Ka agyi ala ƒui ni, su-bu ukyuli ɔni nébo-ɔ!” Amu na bagyumanane badi bétiku Yesu bátɔlɔku, na bétébo-nwu.

Mateo 12:40

Kalɛ na Yona ɔ́kya kabɛ kebendi kaƒɔ kemmo emeyi atɛ usien ku ɔƒɛ ni, lɛni kani na Ukyuli Ɔyawine Ubi lɛnɔ ɔdubɔkya kalɔ kemmo emeyi atɛ usien ku ɔƒɛ.

Hiob 30:8

Na si bátásala lisu ni, baabɔku-ma taatɔlɔku mmɔ aani bebuo ala betine bani neeebo kasusu.

Mateo 17:23

na badu-mi. Na emeyi atɛ kama ni, Katɔti ɔdubɔgyila-mi ɔsiku bekpine akɔ.” Mmɔ ni, batɛyane bammɔ enu áƒɛ-ma.

Mateo 27:26

Amu na Pilato ɔ́nyonu Baraba úte-ma. Na ka ɔ́ya na béti kɔbuli kɔni na bélii básala na bébo Yesu kaduɛ ni, ɔ́nyonu-nwu úte aban bekpone ɔnii bakana-nwu bamana ugyii lɛlɔ.

Mateo 27:63

Na básu-nwu banini, “Unengu, uwi ɔni na ɔkɔ ɔnyine ɔmmɔ úlie ngba ni, ɔ́su ɔnini, ‘Si líkpi ni, nsɔ ndubɔta lɛlɛ bekpine akɔ emeyi atɛ kama.’

Marko 15:15

Ka Pilato ɔɔyɔ́ ka ebiti ada-ma ɔsu ni, ɔ́nyonu Baraba úte-ma. Na ɔ́ya na bébo Yesu kaduɛ ku kɔbuli kɔni na bélii básala, na úti-nwu úte bekpone ɔnii batákana-nwu bamana ugyii lɛlɔ.

Luka 18:32

Bekyuli badubuti-mi bakya bekyuli bani naaadi Yudaƒuɔ enu kemmo na beti-mi babla lɛmala. Badubo-mi budumi na betuo lisuo bewi-mi lɛlɔ.