Mateo 20:14 - Katɔti Ɔku Kedee

¹⁴ Anwuɔsu bɛƒɔ bina lɛyuƒɔla na biteesie kaduli. Mɔɔyɔ́ ka lite bekyuli bekplodi bamɛni lɛyuƒɔla lɛni kani na líte-mii.

Mateo 20:14 Referans Kwoze

Yohane 17:2

Ɔsika éti ɔyikun unengudi éte-mi na kayawi bekyuli ƒui akɔ kalɛ na lɛya na bani ƒui na éti éte-mi ni, belie ngba bɔni nsɔ naaadubo bɔsa kudii.

Luka 15:31

“Mmɔ na ɔti ɔ́su-nwu ɔnini, ‘Mina ubi, awɔ akya-mi kudɔ uwi biala na ala ani na mbo ƒui ni, awɔ adi na adi.

Romaƒuɔ 3:19

Ɔƒɛni ni, bɔgyi ka ala ani ƒui básu na Mose ɔda bubo ɔku kemmo adanku bekyuli bani nkya ɔda bubo bɔmɛni kalɔ. Na ɔyawine ɔdi ulakana kenye kadi budie na Katɔti litemi bɔtɛ kemmo. Ɔsika Katɔti ɔdubɔtɛku kayawi ƒui litemi.

Romaƒuɔ 3:4

Kudii! Ina ukyuli biala ɔdi ɔkɔ ɔnyine muedi ni, bɛya bɔti ka Katɔti ɔɔdi nwuna litemi lɛlɔ. Lɛni na bénweni na Bunweni Kedee Ɔku kemmo banini, “Lɛla biala lɛɛtina ka ƒula kenye etemila adi litemi geen. Na aatɛku bekyuli ƒui litemi ulu siin lɛlɔ.”

Mateo 6:16

“Na si biilie kɔka ni, bitabla anumi nyanyaanya aani anumi lɛlɔ bekyuli kalɛ. Baanyina anumi kalɛ na ukyuli biala ɔnu-ma ɔti ka beelie kɔka sɔsɔ. Mɔɔsu-mii nwaa nnii báaƒɔ bana lɛyuƒɔla ƒui báwɔlɔ.

Mateo 6:6

Na si aakpali katɔ ni, duo ƒula katɔma na akalɛ ɔtɔ, na akpali ƒ'ɔti ɔni na balanu. Na anwu ɔni mɔɔnu-ɔ uwi ɔni na bekyuli bamba balánu-ɔ ni, ɔdubɔƒɔ-ɔ kayu.

Mateo 6:2

Anwuɔsu si éte ukyuli lɛla lɛdi ni, tebo-ni kudu aani kalɛ na anumi lɛlɔ bekyuli baabla. Ama beebó kudu na kasalakɔ ku ɔma kemmo kalɛ na bekyuli bemwi-ma. Na mɔɔsu-mii geen nnii báakɛ bana lɛyuƒɔla na kayawi kamɛni kemmo.

Baga 2 10:16

Na Yehu ɔ́su-nwu ɔnini, “Siaku-mi na awɔ ɔlati anu ku ƒula anumi kalɛ na mbo kogyoklo nte Unwoti kabla.” Amu na bana inyɔ ƒui bélie ɔpɔnkɔ kɛɛkɛ ɔmmɔ bésie Samaria.

Luka 16:25

“Nsu Abraham ɔ́su-nwu ɔnini, ‘Ubi, nyimo ka na ƒula ngba bɔni na élie kemmo ni, ala abuni sɔɔn na áƒɔ. Na Lasaro anwu ni, ala ekpidi sɔɔn na ɔ́ƒɔ. Nsu ɔƒɛni ni, ɔɔkɛ́ ebiti na awɔ eebó abi.

Mateo 20:13

“Amu na kemo ɔlati ɔmmɔ ɔ́su-ma ɔnini, ‘Bakpana, binu kalɔ. Ńtaƒiɔ-mii. Ami ku-mii ƒui búnu kalɔ bɔnii limeyi kenye kayu ndi bina lɛyuƒɔla.

Mateo 20:15

Mbo kuƒi na lɛblaku mina egulabi kalɛ na mɔɔyɔ́. Anwuɔsu ɔƒɛ utada-mii na mina lɛƒɔndia lɛlɔ.’ ”