Mateo 20:11 - Katɔti Ɔku Kedee

¹¹ Na ka báƒɔ egulabi ammɔ ni, bése kalɔ baadɔnku kemo ɔlati ɔmmɔ banii,

Mateo 20:11 Referans Kwoze

Tesalonikaƒuɔ 1 2:16

Béti básia lɛlɔ banii butasu bani naaadi Yudaƒuɔ litemi buni lɛmɛni kalɛ na bakɛ ngba ƒui. Na baatɛ ekpidi etila taasia ekpidi kama teete lɛlɔ ani nédu kesii kani na Katɔti kɔtu bɔni bubo-ma lɛlɔ.

Luka 19:7

Bekyuli bammɔ ƒui bése kalɔ beetemi na Yesu lɛlɔ kalɔ kalɔ banii, “Ɔnana ɔmɛni úsela utéduo ukyuli ɔni ndi alaekpidi ɔblane ɔmɛni kudɔ.”

Yuda 1:16

Bekyuli bamɛni baadɔ na bana lɛlɔ kemmo. Na beedie bekyuli bamba bɔƒiɔ. Baakun lɛlɔ lɛmɛnɛ, na bekyuli bamba ala alaƒɔ-ma anu amu ntu uwi ɔni na bákɛ-ma lɛlɔ kɔsia kani. Bana likyulikpi ala ani mɔɔda-ma ɔkwɛ kani na baabla uwi biala.

Batalane Kabla 13:45

Na uwi ɔni na Yudaƒuɔ benengu bánu bekyuli lisu lɛni nébo kasalakɔ mmɔ ni, anumi égyie-ma, na bákyaku Paulo unyeƒi na bédumi-nwu.

Luka 15:2

Mmɔ na Ƒarisiƒuɔ ku ɔda bubo ala batinane bése kalɔ beetemi teewi-nwu na bana lɛlɔ kemmo banii, “Ukyuli ɔmɛni ɔɔƒɔ́ alaekpidi bablane na anwu ku-ma baadi muedi!”

Luka 5:30

Ƒarisiƒuɔ ku ɔda bubo ala batinane bani nkya kasalakɔ mmɔ bákyaku Yesu basiakune unyeƒi banii, “Bi ɔsu na bɛɛdi na bɛɛní ku kuyi baƒɔne ku alaekpidi bablane babambadi bamɛni?”

Mateo 20:10

Na uwi ɔni na údu bani néesie ɔtanta lɛdɔ ɛku lɛlɔ ni, básusu banii ama badubɔkɛ betulo bana bakpana. Nsu ama lɛnɔ ɔdi biala ɔ́kɛ limeyi kenye lɛyuƒɔla.

Mateo 20:12

‘Bekyuli bani nábla kabla ɔdɔ unwi ku abu bani nénye ɔƒɛ lɛlɔ limeyi limodi ƒui bɔ́ƒɔ lɛyuƒɔla linwi!’

Marko 14:5

Ɔkana na nka uti-mu uye na ɔkɛ aani lɛkwa limodi kabla lɛyuƒɔla na uti ɔmmɔ ute bekyuli bani neeebo lɛla lɛdi.” Na ɔmɛni ɔsu ni, bádɔnku-nwu momoomo.

Yohane 6:41

Amu na Yudaƒuɔ bammɔ bése kalɔ baatɛmi teewi-nwu, ɔsika ɔ́su ɔnii, “Ami ndi adila ani nási katɔ líbo” ɔsu.

Yohane 6:61

Nsu ina ka ukyuli ɔdi útasu Yesu lɛla lɛdi ni, únu ka baadɔ na bana lɛlɔ kemmo na úye-ma ɔnini, “Lɛla lɛmɛni lɛtu-mii atu?