Mateo 2:22 - Katɔti Ɔku Kedee

²² Nsu uwi ɔni na Yoseƒ únu ɔnii Arkelao ɔni ndi Herode ubidi nébo úbelie ɔti kenye aani Yudea ɔga ni, ɔ́yia mmɔ busie. Na ka Katɔti ɔtu ɔdi úbo-nwu ɔda na kɔna kemmo ɔnii utesie mmɔ ni, údeyi úsie Galilea kalɔ lɛlɔ.

Mateo 2:22 Referans Kwoze

Luka 2:39

Na ka Yoseƒ ku Maria báwɔlɔ bana ɔdi bɔbla aani kalɛ na Katɔti ɔda bubo ɔku ɔ́tina kalɛ ni, bénwini bésie bana ɔma Nasaret na Galilea kalɔ lɛlɔ.

Yohane 7:52

Nsu bédie kenye béye-nwu banini, “Awɔ lɛnɔ Galilea na ási yoo? Duo lɛku kemmo na anu ati ka Katɔti kenye udiene ɔdi ulási Galilea.”

Mateo 3:13

Na uwi ɔmmɔ kemmo ni, Yesu ɔ́si Galilea úbo Yohane kudɔ na Yordan Ketu kɔtu ɔnii Yohane ɔkpila-nwu ntu.

Mateo 2:19

Ka Herode úkpi ni, Katɔti ɔtu ɔdi údie lɛlɔ ɔ́tina Yoseƒ na kɔna kemmo na Egyipte.

Mateo 1:20

Ka ɔ́bla kasusu kamɛni na útátɛ ni, Katɔti ɔtu ɔdi údie lɛlɔ ɔ́tina-nwu na kɔna kemmo, na ɔ́su-nwu ɔnini, “Yoseƒ, Dawid kaba kemmo ubi, tayia ka eti Maria aani ƒ'ulekudi kalɛ. Ɔsika kaƒɔ kani na ɔda mɛni ni, Katɔti Kɔyu ɔyikun kemmo na ɔ́si.

Yesaia 30:21

Na si kɔdianu na bídeyi bésie o-o, kɔmii na bídeyi bísie o-o ni, bɛdubunu ka lɛdi lɛdi lɛɛtɛmiku-mii na kama lɛnini, “Aanu kasiakɔ mɛni! Bo na abasia-nwu lɛlɔ.”

Kɔgya 121:8

Na ƒula busie teebo ƒui ni, Unwoti Katɔti ɔdubɔnu-ɔ lɛlɔ ɔ́si ɔƒɛni úsela uwi ƒui kemmo.

Kɔgya 73:24

Awɔ mɔɔtɔnku-mi ɔkɛnku kasusu kani na aakya-mi kemmo. Na kawɔlɔkɔ ni, adubɔƒɔ-mi na liduo ƒula bukeye kemmo.

Kɔgya 48:14

Ɔsika Unwoti Katɔti ɔmɛni ndi bula Unwoti ɔsi ɔƒɛni úsela ƒui. Na anwu ndubɔtɔnku-bu uwi biala.

Samuel 1 16:2

Nsu Samuel údie kenye ɔnini, “Dɛ na ndubo ulu bɔyu buteesie mmɔ? Saul ɔdubo bunu na ubo ubadu-mi.” Mmɔ na Unwoti ɔ́su-nwu ɔnini, “Ti koƒonu kɔkɔdi da na asu bekyuli bammɔ anii akpala na ébo ababla ete-mi.

Mateo 2:1

Uwi ɔni na Herode ɔɔdi lɛga ni, báwɔ Yesu na ɔma ɔni baalɔ Betlehem na Yudea kalɔ lɛlɔ. Na uwi ɔmmɔ kani kemmo ni, benengu bani mɔɔtɛya ala ani mɔɔlɛ́ na ayabi lɛlɔ taati badi bási ɔƒɛ katukɔ bébo Yerusalem.

Mateo 2:21

Anwuɔsu Yoseƒ ɔ́ta na úti ubi ɔmmɔ ku uni na bátɔlɔ bésie Israel kalɔ lɛlɔ.