Mateo 2:20 - Katɔti Ɔku Kedee

²⁰ Na ɔ́su-nwu ɔnini, “Ta, na eti ubi ɔmmɔ ku uni na asɔ enwini esie Israel kalɔ lɛlɔ. Bekyuli bani náwia ka badu ubi ɔmmɔ béekpi.”

Mateo 2:20 Referans Kwoze

Israelƒuɔ Bɔlɛ 4:19

Uwi ɔni na Mose ɔ́mu ɔkya Midian kalɔ lɛlɔ ni, Unwoti ɔ́su Mose ɔnini, “Nwini teesie Egyipte kalɔ lɛlɔ, ɔsika bekyuli bani ƒui nkya mmɔ na baawia-a badu béekpi.”

Mateo 2:13

Ka baƒɔ bammɔ bátɔlɔ kama ni, Katɔti ɔtu ɔdi údie lɛlɔ ɔ́tina Yoseƒ na kɔna kemmo. Na ɔ́su-nwu ɔnini, “Herode ɔdubɔya na bawia ubi ɔmmɔ kama ulu na badu-nwu. Anwuɔsu ta, na eti ubi ɔmmɔ ku uni na bikeli bisie Egyipte kalɔ lɛlɔ. Na bitélie mmɔ utédu uwi ɔni na masu-ɔ nnii, ‘Sɔ nwini bo.’ ”

Baga 1 11:40

Ɔga Salomo ɔ́kya ɔkplu ka nka ɔdu Yerobeam. Nsu Yerobeam úkeli útábɛ na Egyipte na Ɔga Sisak kudɔ, na ɔ́kya mmɔ laa útédu ka Ɔga Salomo úkpi.

Baga 1 11:21

Uwi ɔni na Hadad únu na Egyipte ka Dawid úkpi, na Yoab ɔni ndi nwuna ukpone ɔtɔnkune lɛnɔ úkpi ni, Hadad ɔ́su Ɔga Ƒarao ɔnini, “Ya na nteesie mina ɔma.”

Mateo 2:19

Ka Herode úkpi ni, Katɔti ɔtu ɔdi údie lɛlɔ ɔ́tina Yoseƒ na kɔna kemmo na Egyipte.

Mateo 2:21

Anwuɔsu Yoseƒ ɔ́ta na úti ubi ɔmmɔ ku uni na bátɔlɔ bésie Israel kalɔ lɛlɔ.