Mateo 2:16 - Katɔti Ɔku Kedee

¹⁶ Uwi ɔni na Herode úti-nwu ka baƒɔ bani nási ɔƒɛ katukɔ mmɔ bátɔlɔ-nwu ni, úti kɔnyi geen. Anwuɔsu ɔ́ya na nwuna bekpone bésie Betlehem ku amadɔ mmɔ ƒui. Na bátádu bebi bananabi bani náaƒɔ akwa anyɔ ku bani nétedu tɔ lɛni aani kalɛ na baƒɔ bammɔ béti bátina ka lɛyabi lɛmmɔ lɛ́lɛ kenye.

Mateo 2:16 Referans Kwoze

Yesaia 59:7

Bɛkɛ usi uwi biala ka bitábla likpidi, na bɛdu bekyuli bani na bátabla-mii lɛla lɛdi, ku ekpidi bamba lidu lɛnɔ. Likpidi kasusu kani na biilie taabla uwi biala na ala bubile kani na baanu na bina kasiakɔ ƒui.

Agba 28:15

Ukyuli ukpidi ɔni mɔɔdi bekyuli lɛlɔ ni, ɔdanku ɔgbankpi bonwu ute bawabane aani kalɛ na ebuo ukpidi uuƒie bekyuli.

Budie Taatina 17:6

Amu na lɛ́nu ka uleku ɔmmɔ úkpi ntɛ na Katɔti bekyuli bani ubugya na ɔ́ni ku bani na ɔ́du ɔsika benye Yesu kama kpakplaa ɔsu. Uwi ɔni na lɛ́nu-nwu ni, ɔ́bla-mi kalɛ kadi.

Hosea 10:14

Kekpo kadubo bɔlɛ, na bina lɛma kɔgyumanakɔ kɔni na bɛ́tu ƒui kɔdubo bɔbwɛ. Na bina bekisine badubo-mii lɛla lɛni na Ɔga Salman ɔ́bla Bet-Arbel bɔbla. Na badubuti bebi ku bana beni ƒui baƒiɛmi atakpɛ lɛlɔ badu.

Daniel 3:13

Ɔmɛni ɔsu Ɔga Nebukadnesar ɔ́kɛ kɔnyi geen, na ɔ́ya na bététiku-ma béboku.

Yesaia 26:21

Ɔsika Unwoti ɔ́si ɔdubo na ubani kayawi bekyuli ƒui kɔtu na bana ekpidi ɔsu. Na kalɔ kammɔ kadubɔsu ubugya ɔni na bekyuli bádu béwi-ka lɛlɔ. Na ɔsɔ ulakana ɔdi bɔbɛla lɛnɔ.

Baga 2 8:12

Amu na Hasael úye-nwu ɔnini, “Ati, bi ɔsu na eewulo?” Amu na Elisa údie kenye ɔnini, “Ɔsika ngyi kalala kani na adubo Israelƒuɔ bɔbla. Adubo ogya bɔtu bɔkya bana lɛma lɛni bátu awodu bamana, na adu bana bakloƒu na kuwii kenye, na eƒwimi bana banamu wɛlɛ wɛlɛ aƒiɛmi kalɔ, na aya na bawawa bana beleku baƒɔndane.”

Litemi Batɛne 16:10

Mmɔ na Delila ɔ́su Simson ɔnini, “Ábu-mi kɔdɔlɔ na átɔlɔ-mi. Bo mɛni na asu-mi kalɛ ɔlɛka benyimi-ɔ.”

Ala Kalɔ Buse 49:7

Badubo bɔnuku-ni. Béyi ku kɔnyi kati kati na bebo kalala. Ndubo-ma bugyingya na Yakob badi akɔ. Na lɛgya-ma lɛkya na Israel badi akɔ.

Agba 28:17

Bekyuli ɔdune ɔni kasusu muukpóku-nwu ni, kaakpanku-nwu teetéduo kaƒiɔtɔ kemmo. Tada-nwu ulu!

Hiob 12:4

“Ɔƒɛni amu lɛ́ta línwini lɛmala líte mina bakpana, ina ka lɛ́kpali Unwoti na únu úte-mi. Ndi lɛmala, ina ka nda lɛlɔ siin na bɔƒiɔ buuubo-mi lɛlɔ.

Bumomo Bɔka 24:10

Mmɔ na Balak úti kɔnyi kati kati ɔ́kya Bileam. Na ɔ́gya anukpɛ na ɔ́su-nwu ɔnini, “Bɔlɔ na lɛ́lɔ-ɔ ka bo na ebewida mina bekisine. Mmomu kusɛ kusɛ na éte-ma kɔtɛ kɔmɛni sɛɛn.

Bumomo Bɔka 22:29

Amu na Bileam údie ebuo ɔmmɔ kenye ɔnini, “Ɔsika ábu-mi kɔdɔlɔ! Na si kewii na nka nda ni, nka ndubo-ɔ bɔdu ɔƒɛni kani.”

Ala Kalɔ Buse 39:17

Amu na ɔ́nwi kɔtɛ kɔmɛni ɔ́su ɔgyani ɔnini, “Hebrini kabla ɔblane ɔni na áƒɔ ábakya kaduli mmɔ ni, úbo-mi kudɔ ɔnii ubeƒie-mi ɔyɔ.

Ala Kalɔ Buse 39:14

ɔ́lɔ nwuna kaduli kabla bablane. Mmɔ na ɔ́su-ma ɔnini, “Bɛnu ka Hebrini ɔni na bákpanku béboku mɛni úbo úbanu-bu ɔ́wɔlɔ. Úbo ɔnii ubatɛ-mi kudɔ.

Mateo 2:1

Uwi ɔni na Herode ɔɔdi lɛga ni, báwɔ Yesu na ɔma ɔni baalɔ Betlehem na Yudea kalɔ lɛlɔ. Na uwi ɔmmɔ kani kemmo ni, benengu bani mɔɔtɛya ala ani mɔɔlɛ́ na ayabi lɛlɔ taati badi bási ɔƒɛ katukɔ bébo Yerusalem.

Mateo 2:7

Anwuɔsu Herode ɔ́lɔ baƒɔ bani nási ɔƒɛ katukɔ mmɔ úsienku kɔƒɛlɛ, na úye-ma únu uwi ɔni geen bánu ka lɛyabi lɛmmɔ lɛ́lɛ.

Mateo 2:17

Banamu bamɛni bɔdu bɔ́ya na lɛla lɛni na Katɔti Kenye Udiene Yeremia ɔ́su úse líbo líte lɛni sɔsɔ ɔnii,

Budie Taatina 12:4

Na kútiku kayaa ayabi lɛkpa lɛtɛdi ƒui ku nwuna ɔka úbo úbewi kalɔ lɛlɔ. Kunye uleku ɔmmɔ lɛtɔtɔ kalɛ na kuti ubi ɔni na uleku ɔmmɔ wawɔ ɔkun si ɔ́nya ɔ́wɔ-nwu.