Mateo 2:13 - Katɔti Ɔku Kedee

¹³ Ka baƒɔ bammɔ bátɔlɔ kama ni, Katɔti ɔtu ɔdi údie lɛlɔ ɔ́tina Yoseƒ na kɔna kemmo. Na ɔ́su-nwu ɔnini, “Herode ɔdubɔya na bawia ubi ɔmmɔ kama ulu na badu-nwu. Anwuɔsu ta, na eti ubi ɔmmɔ ku uni na bikeli bisie Egyipte kalɔ lɛlɔ. Na bitélie mmɔ utédu uwi ɔni na masu-ɔ nnii, ‘Sɔ nwini bo.’ ”

Mateo 2:13 Referans Kwoze

Batalane Kabla 12:11

Na ɔmmɔ kama ni, Petro úbati lɛla lɛni nébo. Na ɔ́su lɛlɔ ɔnini, “Sɔsɔ geen na ɔdi ka ni, Unwoti nátala ɔtu ɔmɛni ɔnii ubedie-mi ɔsiku Herode enu kemmo ku ala ani na Yudaƒuɔ baasusu ka badubɔbla-mi lɛnɔ kemmo!”

Batalane Kabla 10:7

Amu ka Katɔti ɔtu ɔmɛni ɔ́tɔlɔ ni, Kornelio ɔ́lɔ nwuna kaduli nkyuli inyɔ ku bekpone bani mɔɔgyumana-nwu mmɔ akɔ unwi ɔni lɛnɔ ndi ukyuli ɔbuni.

Batalane Kabla 5:19

Nsu usientɛ ni, Katɔti ɔtu ɔdi úbalɛmi ɔtɔ ɔmmɔ kayakun na ɔ́da-ma údie.

Mateo 2:12

Nwuna kama ni, Katɔti ɔ́lɛ-ma na kɔna kemmo ɔnii basɔ batasia Herode kudɔ. Anwuɔsu básia ulu ɔbambadi lɛlɔ bésie bana kalɔ lɛlɔ.

Mateo 1:20

Ka ɔ́bla kasusu kamɛni na útátɛ ni, Katɔti ɔtu ɔdi údie lɛlɔ ɔ́tina-nwu na kɔna kemmo, na ɔ́su-nwu ɔnini, “Yoseƒ, Dawid kaba kemmo ubi, tayia ka eti Maria aani ƒ'ulekudi kalɛ. Ɔsika kaƒɔ kani na ɔda mɛni ni, Katɔti Kɔyu ɔyikun kemmo na ɔ́si.

Israelƒuɔ Bɔlɛ 1:22

Amu na Ɔga Ƒarao úbo nwuna bekyuli ɔda ɔnini, “Si bɛ́nu ka Hebrini uleku ɔdi ɔ́wɔ ubi ɔnanabi ɔdi ɔda ni, na bibo-nwu bɛkya Nil Ketu kemmo. Nsu si ulekubi na ɔdi ni, na bɛya na ɔsɔ ɔkya ngba.”

Mateo 2:16

Uwi ɔni na Herode úti-nwu ka baƒɔ bani nási ɔƒɛ katukɔ mmɔ bátɔlɔ-nwu ni, úti kɔnyi geen. Anwuɔsu ɔ́ya na nwuna bekpone bésie Betlehem ku amadɔ mmɔ ƒui. Na bátádu bebi bananabi bani náaƒɔ akwa anyɔ ku bani nétedu tɔ lɛni aani kalɛ na baƒɔ bammɔ béti bátina ka lɛyabi lɛmmɔ lɛ́lɛ kenye.

Hiob 33:15

Usien uwi ɔni na ukyuli ɔtɛ ɔlɛɛ momoomo na úusie ɔgyu ni, ɔɔyá na uugyé ana na uudie ayiala bonwu taatina-nwu.

Hiob 33:17

“Ɔɔwia ka bekyuli benwini na bada bana udu ukpidi ku lɛlɔ katɔ bɔkɔliku baya.

Yosua 4:18

Na ka bakpane bammɔ bánya bákɔ balɛ Yordan Ketu kemmo na bedu kalɔ lɛlɔ kani na ntu na ntu bɔmmɔ búse kalɔ bɔɔgbá na kasɔ keyi ku atu.

Budie Taatina 12:14

Amu na Katɔti úte uleku ɔmmɔ aasɛ bonwu avwi kalɛ na uveyi uteesie nwuna keliekɔ na ketele kemmo. Mmɔ na badubo-nwu bɔgyumana akwa atɛ ku kakɛ ɔsiku kɔlakpi kɔmmɔ kudɔ.

Batalane Kabla 16:36

Amu na bana lɛlɔ ɔnune ɔmɛni ɔ́su Paulo ku Silas ɔnini, “Litemi batɛne banii nnyonu-mii na biteesie. Anwuɔsu biteesie ku keyi buɛɛ.”

Batalane Kabla 10:22

Amu na básu-nwu banini, “Batu na bɔdi, bɔ́si Kornelio ɔni ndi Romaƒuɔ kekpo unengu kudɔ. Ɔdi ukyuli ɔbuni na ɔɔbu Katɔti. Na Yudaƒuɔ ƒui baayɔ́-nwu litemi geen. Katɔti ɔtu ɔdi násu-nwu ɔnii ɔtala na babalɔ-ɔ na unu ƒula kenye kemmo litemi.”

Batalane Kabla 7:19

Ƒarao ɔmɛni ɔ́bla bula kadi bekyuli bamɛni kalala na únye-ma lɛlɔ na beeti bana bebiwɔ teetévaakun na beekpi.

Mateo 10:23

Si beekpóku-mii na ɔma unwi kemmo ni, bikeli bisie ɔbambadi kemmo. Na mɔɔsu-mii geen ka bilawɔlɔ bina kabla na Israel lɛma ƒui kemmo asa na ami, Ukyuli Ɔyawine Ubi, masɔ mebo.

Yosua 3:17

Na Katɔti bakpane bani nti Bunyimi Adaka ɔmmɔ benye ketu kakwiidi kammɔ ntɛntɛ úti útédu ka bekyuli bammɔ ƒui bávia báwɔlɔ.

Budie Taatina 12:6

Na uleku ɔmmɔ úkeli úsie ketele kemmo likpo lɛni na Katɔti ɔ́klibi úse-nwu. Mmɔ na badubo-nwu lɛlɔ bɔnu emeyi apim unwi eti alɔ ku leevu.

Yosua 4:10

Na bakpane bani nti Unwoti Bunyimi Adaka mmɔ básɔ bénye Yordan Ketu ntɛ mmɔ úti útédu ka Yosua ɔbla ala ani ƒui na Unwoti úbo-nwu ɔda ka babla ku kalɛ na Mose lɛnɔ ɔ́su Yosua úse. Na Israelƒuɔ bammɔ bábabla na bávia Yordan Ketu.

Yosua 3:13

Na uwi ɔni kani na bakpane bani nti Unwoti Bunyimi Adaka badubɔnya ntu bɔmmɔ kemmo ni, Yordan Ketu kammɔ kadubɔda bɔgba bɔya kɔnakunwi. Na ntu bɔni mɔɔgbá taasi katɔ kakɛ bɔdubo ni, bɔdubudi bunye liku linwi.”

Budie Taatina 12:4

Na kútiku kayaa ayabi lɛkpa lɛtɛdi ƒui ku nwuna ɔka úbo úbewi kalɔ lɛlɔ. Kunye uleku ɔmmɔ lɛtɔtɔ kalɛ na kuti ubi ɔni na uleku ɔmmɔ wawɔ ɔkun si ɔ́nya ɔ́wɔ-nwu.

Mateo 2:22

Nsu uwi ɔni na Yoseƒ únu ɔnii Arkelao ɔni ndi Herode ubidi nébo úbelie ɔti kenye aani Yudea ɔga ni, ɔ́yia mmɔ busie. Na ka Katɔti ɔtu ɔdi úbo-nwu ɔda na kɔna kemmo ɔnii utesie mmɔ ni, údeyi úsie Galilea kalɔ lɛlɔ.

Baga 1 3:5

Na Gibeon mmɔ ni, Unwoti údie lɛlɔ ɔ́tina Salomo na kɔna kemmo usien ɔdi. Na Katɔti ɔ́su Salomo ɔnini, “Vele-mi lɛla biala na aayɔ́ na ndubuti-ni lite-ɔ.”

Mateo 2:14

Usien ɔmmɔ kani na Yoseƒ útiku ubi ɔmmɔ ku uni na békeli bésie Egyipte.

Batalane Kabla 12:7

Kɔnakunwi ni, bukeye bɔdi búbewi ɔtɔ mmɔ. Na Katɔti ɔtu ɔdi úbenye Petro kudɔ. Amu na ɔ́lɛ-nwu kɔnu lɛmangba buɛɛ, na ɔ́gyila-nwu ɔnini, “Babla, na ata!” Na kɔgba kɔmmɔ kɔ́lɛ-nwu enu kúwi kalɔ.

Baga 1 11:17

Nsu Hadad úkeli úsie Egyipte uwi ɔni na ɔmu ɔdi ɔnamu, anwu ku Edomƒuɔ bakutine bani nátaabla kabla teete ɔti.