Mateo 2:12 - Katɔti Ɔku Kedee

¹² Nwuna kama ni, Katɔti ɔ́lɛ-ma na kɔna kemmo ɔnii basɔ batasia Herode kudɔ. Anwuɔsu básia ulu ɔbambadi lɛlɔ bésie bana kalɔ lɛlɔ.

Mateo 2:12 Referans Kwoze

Mateo 2:22

Nsu uwi ɔni na Yoseƒ únu ɔnii Arkelao ɔni ndi Herode ubidi nébo úbelie ɔti kenye aani Yudea ɔga ni, ɔ́yia mmɔ busie. Na ka Katɔti ɔtu ɔdi úbo-nwu ɔda na kɔna kemmo ɔnii utesie mmɔ ni, údeyi úsie Galilea kalɔ lɛlɔ.

Mateo 2:19

Ka Herode úkpi ni, Katɔti ɔtu ɔdi údie lɛlɔ ɔ́tina Yoseƒ na kɔna kemmo na Egyipte.

Mateo 2:13

Ka baƒɔ bammɔ bátɔlɔ kama ni, Katɔti ɔtu ɔdi údie lɛlɔ ɔ́tina Yoseƒ na kɔna kemmo. Na ɔ́su-nwu ɔnini, “Herode ɔdubɔya na bawia ubi ɔmmɔ kama ulu na badu-nwu. Anwuɔsu ta, na eti ubi ɔmmɔ ku uni na bikeli bisie Egyipte kalɔ lɛlɔ. Na bitélie mmɔ utédu uwi ɔni na masu-ɔ nnii, ‘Sɔ nwini bo.’ ”

Mateo 27:19

Na uwi ɔni na Pilato ɔkya ɔɔtɛ litemi ni, ulekudi ɔ́tala ɔtu ɔ́kya-nwu ɔnii, “Die enu na ukyuli ɔni nátaƒiɔ ɔmɛni litemi kemmo. Ɔsika kamaadi usien lígye kɔna na nwuna lɛlɔ kɔni náya na liƒu lɛ́da-mi geen!”

Mateo 1:20

Ka ɔ́bla kasusu kamɛni na útátɛ ni, Katɔti ɔtu ɔdi údie lɛlɔ ɔ́tina-nwu na kɔna kemmo, na ɔ́su-nwu ɔnini, “Yoseƒ, Dawid kaba kemmo ubi, tayia ka eti Maria aani ƒ'ulekudi kalɛ. Ɔsika kaƒɔ kani na ɔda mɛni ni, Katɔti Kɔyu ɔyikun kemmo na ɔ́si.

Israelƒuɔ Bɔlɛ 1:17

Nsu ka beleku bamɛni baayia Katɔti ɔsu bátabla bátasiaku kalɛ na Ƒarao ɔ́su-ma mmɔ lɛlɔ, mmomu báya na beli ngba.

Ala Kalɔ Buse 31:24

Amu na Unwoti Katɔti údie lɛlɔ ɔ́tina Laban na kɔna kemmo na usientɛ. Na ɔ́su-nwu ɔnini, “Nu lɛlɔ kemmo kaduɛ na alasu Yakob lɛla lɛdi. Likpidi o-o lɛbuni o-o ni, tasu-nwu lɛla lɛdi.”

Hebriƒuɔ 11:7

Uwi ɔni na Katɔti ɔ́lɛ Noa kpakplaa na ala ani na útanu tɔ lɛlɔ ni, Noa ɔ́ƒɔ ɔ́di. Anwuɔsu ɔ́nwi ɔkɔlɔ ubendi ɔni kemmo na anwu ku nwuna kaduli bekyuli béduo bákɛ bɔƒɔ na bɔyia bɔni na úti úte Katɔti ɔsu. Noa bɔƒɔtaadi bɔmɛni búnwini kɔtɔ bɔdu úte kayawi bekyuli ƒui. Na ka Noa ɔ́ƒɔ Katɔti ɔ́di ɔsu ni, Katɔti ɔ́su ka Noa ɔdi ukyuli ɔni nse siin.

Batalane Kabla 5:29

Mmɔ na Petro ku batalane bammɔ bédie kenye banini, “Ɔlɛka bɔka Unwoti bɔbu asa bɔbu bekyuli bayawine.

Batalane Kabla 4:19

Amu na Petro ku Yohane bédie kenye banini, “Amii alati bɛbu bɛnu. Bi mada Unwoti kubiti? Si bunu bina ɔda bubo munuu Unwoti bɔdi?

Daniel 2:19

Usien ɔmmɔ ni, Katɔti údie ɔga ɔmɛni kɔna kɔmmɔ ɔ́tina Daniel na kɔyu kemmo ala bɔnu kemmo ku kuna kalɔ budie. Anwuɔsu úmwi Katɔti ɔni nli mɔɔdi lɛlɔ ɔ́si katɔ kakaaka ƒui ɔ́su ɔnini,

Korintoƒuɔ 1 3:19

Ɔsika lɛla lɛni na bayawine baanu aani lɛnunda na kayawi ni, ani ndi kɔdɔlɔ na Katɔti anumi. Na lɛni na Bunweni Kedee Ɔku ɔ́su ɔnini, “Banundane kakwɛ na Katɔti uuti taakywɛ ama alati kakpagyuɛ.”

Luka 2:26

na kúse-nwu kayi ka ulekpi wetédu lebo lɛni na ɔ́nu ka báwɔ Ukyuli Ɔƒunadi ɔni kenye na Katɔti ɔ́su úse.

Batalane Kabla 10:22

Amu na básu-nwu banini, “Batu na bɔdi, bɔ́si Kornelio ɔni ndi Romaƒuɔ kekpo unengu kudɔ. Ɔdi ukyuli ɔbuni na ɔɔbu Katɔti. Na Yudaƒuɔ ƒui baayɔ́-nwu litemi geen. Katɔti ɔtu ɔdi násu-nwu ɔnii ɔtala na babalɔ-ɔ na unu ƒula kenye kemmo litemi.”

Hebriƒuɔ 8:5

Baabla kabla na bana kakpakɔ kani nálɛ kani geen nkya katɔ. Ɔmmɔ geen ɔsu na Katɔti úbo Mose ɔda uwi ɔni na ɔ́su-nwu ɔnii ɔtu bana kakpakɔ. Na ɔ́su-nwu ɔnini, “Nu kaduɛ na atu kakpakɔ kammɔ na kamanku ulu ɔni na lɛ́tina-a na kɔbi lili mmɔ lɛlɔ.”