Mateo 2:11 - Katɔti Ɔku Kedee

¹¹ Na ka béduo ɔtɔ ɔmmɔ kemmo na bánu ubi ɔmmɔ ku uni Maria ni, bálɛ akɔnkɔ na bémwi-nwu. Na báƒɛnimi bana kɔvumi na béte-nwu ala abuni adi ani ndi sika ugyiedi ku oloƒui ku klobo.

Mateo 2:11 Referans Kwoze

Yesaia 60:6

Na bina kalɔ ƒui kadubuyi ku kɛɛkɛ lɛni na bebuo ala betine bani bási Midia ku Eƒa ku ala abuni pii bebeyile ɔma ɔmmɔ. Na Seeba kadi bekyuli badubɔsiku bana sika ugyiedi ku oloƒui beboku na adubunu ka beemwi Unwoti lɛnyi.

Kɔgya 72:10

Tarsis ɔga ku ntuntɛ kɔlɔ baga ƒui bataaƒɔ lɛlɔ bɔdi kayu teete ƒula ɔga. Na Sieba ku Seba baga lɛnɔ beti etela beboku ɔga ɔmmɔ.

Luka 2:16

Amu na bábabla bésie na bátánu Maria ku Yoseƒ ku ubiwɔ ɔni ntɛ bebuo kadikɔ mmɔ.

Mateo 2:2

Na béye banini, “Wɛ na báwɔ ubi ɔni ndubɔdi lɛga na Yudaƒuɔ kalɔ lɛlɔ? Bɔ́nu nwuna lɛyabi na ɔƒɛ katukɔ. Na búbo bɔnii bubemwi-nwu.”

Kɔgya 95:6

Bibo na bɔkya lili kalɔ bɔkpa Unwoti. Na bɔlɛ-nwu akɔnkɔ kalɔ, ɔsika anwu ndi bula Unwoti na anwu nédie-bu.

Kɔgya 72:15

Ya na Ɔga ulie ngba gyɔlɔɔ na beti sika ugyiedi basiku Seba beboku-nwu. Na bekyuli bataakpali Katɔti uwi ndi uwi na nwuna lili. Na beteete-nwu kusɛ kusɛ limeyi ndi limeyi.

Baga 1 10:2

Na ka úsela ni, ɔda bekyuli pii, na bebuo ala betine lɛnɔ béti ala ani muunwenyi ƒɛƒɛɛ ku sika asɛɛ lidu lidu ku sika ugyiedi béboku Salomo. Na bátɛmi básiku ala ani ƒui nkya-nwu kasusu kemmo lɛlɔ.

Bumomo Bɔka 7:14

ku sika ugyiedi lɛkyami linwi, aani edula ebi lɛkɔkɔ linwi unu, na úyile-ni ku oloƒui,

Budie Taatina 19:10

Mmɔ ni, lɛ́yu líbi kalɔ na nwuna lɛgba akɔ na límwi-nwu aani Katɔti kalɛ. Nsu ɔ́su-mi ɔnini, “Tabla lɛni! Ami lɛnɔ kabla ɔblane ɔkpana na ndi aani ƒula kalɛ ku ƒula banwa bakladi bani nsiaku Blɔti Yesu ala bɔtina kama. Katɔti kani na ɔlɛka emwi lɛni. Ɔsika ala ani na Yesu ɔ́tina ni, ana kenye budie ndi Kɔyu ɔyikun ɔni nákya Katɔti kenye bediene lɛlɔ kemmo.”

Mateo 14:33

Amu na batɛyane bammɔ bábu-nwu geen. Na básu-nwu banini, “Katɔti Ubidi geen na adi!”

Budie Taatina 5:8

Na uwi ɔni na Koƒonu Ubi ɔmɛni ɔɔƒɔ́ kakunkɛ kamɛni ni, ngba batu ine bammɔ ku benengu aavlanyɔ-ine bammɔ báyu bébi kalɔ na Koƒonu Ubi ɔmmɔ anumi. Ɔdi biala ɔda agyala ani béti kɔbuli bábla na baagyá taatu lɛnu. Na ɔdi biala ɔda sika ugyiedi kɔlaku kɔni néyi ku oloƒui. Na oloƒui ɔmɛni unye ute Katɔti bekyuli katɔ bɔkpali.

Luka 2:38

Uwi ɔmmɔ kani kemmo ni, anwu lɛnɔ úbo na úti linugya úte Katɔti, na útemi ɔ́siku ubi ɔmmɔ lɛlɔ úte bekyuli bani ƒui nnye baanu Katɔti ulu ka waƒɔ Yerusalem.

Samuel 1 10:27

Nsu bekyuli badi bákya unyeƒi na Saul lɛlɔ básu banini, “Dɛ na ukyuli ɔmɛni udu wakana na waƒɔ-bu?” Anwuɔsu nwuna lɛlɔ lítada-ma kubiti, na béteboku-nwu etela adi. Nsu Saul útakpete-ma.

Bumomo Bɔka 7:86

Na sika ugyiedi akyami leevu-anyɔ ani na béyile ku oloƒui mmɔ ɔdi biala unu ɔbla edula ebi lɛkɔkɔ linwi unu na kakpakɔ ala bɔkɔku kenye, na ɔnaƒui kasala ɔdi edula ebi lɛkyami kakɛ unu.

Lewiƒuɔ Ɔda Bubo 6:15

Na ɔkpane ɔmmɔ ɔdubɔma akpala etela ammɔ ɔlaaƒɔ ɔni muukeye lɛkɔkɔ linwi ku nwuna lɛlɔ nnɔ ku oloƒui ɔna ƒui ɔni nsia etela ammɔ lɛlɔ. Na ɔdubuti ɔkyula na lɛkpabi lɛmmɔ lɛlɔ aani lɛkpabi lɛlɔ enyimo likposela adila bɔkyula ƒui akpala na uyɔ ɔmmɔ ɔnyi ƒɛƒɛɛ ɔyɔ-mi kaƒɔ.

Israelƒuɔ Bɔlɛ 30:34

Amu na Unwoti ɔ́su Mose ɔnini, “Wia ala ani muunwenyi ƒɛƒɛɛ na abla oloƒui. Ti mira ku klobo ku onika ku galbanum te ukyuli ɔni ngyi-nwu kabla kaduɛ, na ubunku mma uti ɔbla oloƒui sɛsɛɛ kedee ɔmmɔ.

Ala Kalɔ Buse 43:11

Mmɔ na bana ɔti Israel údie kenye ɔnini, “Si lɛni kani na ɔdi ka bɔbla na kavumana biala kasɔ kelebo ni, amu mɔɔyɔ́ ka bɛbla lɛla lɛdi. Bɛƒuna ala abuni ani na abu lɛnɔ bɔɔkana bɔbla na bula kalɔ lɛlɔ mɛni. Na biti bitéte unengu ɔmmɔ aani bula etela ani na abu lɛnɔ bɔda buute-nwu. Bɛwia ala aani uwɔ ku ala awɛɛdi ƒɛƒɛɛ ku kutu akyala ku egyiibi lidu lidu.

Malakai 1:11

Ɔ́si ɔƒɛ katukɔ útédu ɔƒɛ kanukɔ ni, bekyuli badubumwi-mi lɛnyi na bakyula oloƒui na kadi biala bekyuli akɔ na kalɔ lɛlɔ, na badubɔbla akpala ani námanku bete-mi.

Kɔgya 45:8

Ƒula awu ɔni na akya ni, ugyulo ƒɛƒɛɛ lidu lidu ɔnyi ɔ́ƒɔ-nwu kemmo. Na ɔtunkpɛ sɔɔn na béti bákya ƒula lɛgbanya lɛmmɔ bɔdia. Na lɛbentaa na baagyá taakya-a lɛga ebiti.

Kɔgya 2:12

Na biboku eli kalɔ bite-nwu. Na si ɔɔɔdi lɛni ni, Unwoti ɔdubɔkɛku-mii kɔnyi geen na ɔyila-mii udu kɔnakunwi. Nsu lɛlɔ litaayɔ bekyuli bani muukeli teesie-nwu kudɔ ka ɔgyumana-ma.

Baga 1 10:10

Amu na úte Ɔga Salomo sika ugyiedi aani antabi aƒo liti ku ala ani muunwenyi ƒɛƒɛɛ lidu lidu pii ku sika asɛɛ. Na ala ƒɛƒɛɛ lidu lidu ani na Seeba Beleku Ɔga úte Salomo mmɔ ni, emomo ɔni na ukyuli biala útete-nwu ammɔ udu kudii.

Israelƒuɔ Bɔlɛ 30:23

“Wia nnɔmii bɔni nse kede kede lɛkyami linwi ku ala ani muunwenyi ƒɛƒɛɛ te ukyuli ɔni ngyi bɔsala kabla kaduɛ, na uti mira ɔɔƒɛɛ unwi ku sinamon ɔɔƒɛɛ kakɛ ku kalamus ɔɔƒɛɛ kakɛ ku kasia ɔɔƒɛɛ unwi ɔsala-mu. Nnɔmii bɔmɛni bɔdubɔbla likposela nnɔmii sɛsɛɛ.

Lɛnu Ƒui Ɔnu 3:6

Ukyuli ɔmani na bɔɔnu ka ɔ́si kalɔ kakwiidi lɛlɔ ɔdubo mɛni aani liƒlukutu uyɔ ɔdi udu? Uyɔ ɔmmɔ ɔdanku nard ugyulo ku oloƒui ku kutu akyala ƒɛƒɛɛ ɔnyi.

Mateo 1:18

Ɔmɛni ndi kalɛ na ɔ́bla asa na badubɔwɔ Yesu Kristo. Bévele Maria béte Yoseƒ, nsu asa na badubuti lɛlɔ ni, Maria ɔ́nu ɔ́ti ka ɔda kaƒɔ. Katɔti Kɔyu ɔyikun náya na úbo úte lɛni.

Mateo 12:46

Uwi ɔni na Yesu ɔkya uutemiku bekyuli bammɔ ni, nwuna banwani ku uni bébo bébenye keyi banii baawia ka batɛmiku-nwu.

Yohane 19:39

Na Nikodemo ɔni nábɛ útánu Yesu usien ɔdi ni, anwu lɛnɔ ɔsiaku Yoseƒ ɔmɛni. Na evogyii ani na beeti taaklibi ukpine ni, Nikodemo ɔ́ya na béti-nya pii geen basiaku-ma.