Mateo 19:5 - Katɔti Ɔku Kedee

⁵ Na Katɔti ɔ́su ɔnini, ‘Ɔmɛni ɔsu ni, ɔnana ɔdubɔmami ɔti ku uni lɛlɔ na uti lɛlɔ utámana ulekudi na bana inyɔ babla ɔlɔna unwi.’

Mateo 19:5 Referans Kwoze

Korintoƒuɔ 1 7:4

Ɔsika uleku ɔlɔna ɔɔɔdi anwu lɛti ɔdi. Mmomu ɔdi ɔgyani lɛnɔ ɔdi. Na lɛni kani na ɔnana ɔlɔna lɛnɔ ɔɔɔdi anwu lɛti ɔdi. Mmomu ulekudi lɛnɔ ɔdi na ɔdi.

Korintoƒuɔ 1 7:2

Nsu ka lɛsɔnɔdi lɛ́bɔ ɔsu ni, ɔlɛka ɔnana biala ɔkɛ nwuna uleku. Na uleku biala lɛnɔ ɔkɛ nwuna ɔgya.

Eƒesoƒuɔ 5:31

Bunweni Kedee Ɔku ɔɔsu ɔnii, “Ɔmɛni ɔsu na ɔnana ɔdubɔmami ɔti ku uni lɛlɔ na uti lɛlɔ utámana ulekudi na bana inyɔ badubɔbla ɔlɔna unwi.”

Korintoƒuɔ 1 6:16

Bɛgyi lɛnɔ ka si ukyuli úti nwuna ɔlɔna útámanaku ɔyalɛ ɔdi lɛlɔ ni, ɔ́blaku-nwu unwi na ɔlɔna kemmo. Bunweni Kedee Ɔku ɔ́su nwaa ɔnii, “Bana inyɔ badubɔbla ɔlɔna unwi.”

Kɔgya 45:10

O Ɔga ule ɔbuni, se atu kaduɛ na enu litemi lɛmɛni. Yiƒala ƒula lɛlɔ bekyuli ƒui ku ƒ'ɔti kaduli bekyuli ƒui.

Romaƒuɔ 12:9

Bɛya na bina bekyuli bɔyɔ bɔbla bɔyɔ geen. Bikisi likpidi na biƒie lɛla lɛbuni bɛda.

Kɔgya 63:8

Awɔ na líƒie nda kpakplaa, na awɔ lɛnɔ ada-mi kpakplaa ku ƒula kɔdianu kɔni mɔɔtina ƒula ɔyikun.

Samuel 1 18:1

Ka Dawid ku Saul báwɔlɔ butemi kama ƒui ni, bɔyɔ bɔdi búbeduo Yonatan ku Dawid ntɛ. Na Yonatan ɔ́yɔ Dawid geen aani kalɛ na anwu Yonatan ɔɔyɔ́ nwuna lɛlɔ.

Lɛkpa Ulu 11:22

Bɛdi ɔda bubo bɔni ƒui na bina Unwoti Katɔti úti úte-mii mɛni lɛlɔ kaduɛ na bɛyɔ-nwu. Na bɛbla lɛla biala na wasu-mii. Na bɛda-nwu kpakplaa.

Lɛkpa Ulu 10:20

Na biti ɔbu bite bina Unwoti Katɔti na bitaakpa anwu lɛti pɛ. Bɛsiaku-nwu kama kpakplaa.

Lɛkpa Ulu 4:4

Nsu amii bani nsiaku Katɔti kama kpakplaa bɛmu bilie ngba úti úbedu ɔmwi kadi.

Ala Kalɔ Buse 34:3

Ɔ́si ɔmmɔ lɛlɔ ni, Yakob ubidi Dina litemi lɛ́da Sekem kayi geen. Na ka ɔɔyɔ́-nwu ɔsu ni, ɔɔtɛmiku-nwu kpɛtɛ kpɛtɛ.

Baga 1 11:2

Na beleku bammɔ bási kadi bani bekyuli akɔ na Unwoti ɔ́su Israelƒuɔ ɔnini, “Amii ku kadi bammɔ bekyuli biteti lɛlɔ, ɔsika badubɔtɔlɔ-mii batákya bana lɛƒiɔkpa kemmo.” Nsu ɔmɛni ƒui kama kadi kammɔ beleku bɔyɔ bɔkya Salomo kayi geen.

Samuel 2 1:26

O Yonatan, mina ɔnwani, líduo kɔnyana ɔsika mɔɔyɔ́-ɔ geen. Ƒula bɔyɔ bɔni na ebo ete-mi búbomo geen. Na beleti-mu balákɔku ɔnana ku uleku bɔyɔ.

Malakai 2:15

Budie na Katɔti údie awɔ ku ƒ'ulekudi ka bɛbla aani ukyuli unwi. Na bi ɔsu na ɔ́bla lɛni? Ɔdi ka bɛwɔ bebi na bɛtɔnku-ma na benwini Katɔti bekyuli. Anwuɔsu bɛda bina ngba kaduɛ, na bitalɛ bina lɛkloƒu uwi uleku kama kudii.

Mateo 19:6

Ɔmɛni ɔsu ni, basɔ baaadi nkyuli inyɔ. Mmomu bénwini ukyuli unwi. Anwuɔsu útalɛka ukyuli ugyingya lɛla lɛni na Katɔti úti ɔ́sala.”

Samuel 1 25:43

Asa na Abigail ɔdubusie utélieku-nwu ni, na Dawid úuti uleku ɔni baalɔ Ahinoam ɔ́siku Yesreel ɔma, anwuɔsu bana inyɔ nákya-nwu kesii aani nwuna beleku.