Mateo 19:22 - Katɔti Ɔku Kedee

²² Nsu ka okloƒu ɔmmɔ únu lɛla lɛmɛni ni, ebiti átada-nwu na ɔ́gyu ɔ́tɔlɔ, ɔsika ubo egulabi pii.

Mateo 19:22 Referans Kwoze

Mateo 6:24

“Ukyuli biala ulákana na wabla benwoti inyɔ kabla. Ɔdubukisi unwi na ɔyɔ ɔkladi litemi. Na ɔdubɔdi unwi etemila lɛlɔ, na ɔta unye ɔkladi etemila lɛlɔ. Alakana Katɔti ku lɛlakɛ kabla bɔsala.

Esekiel 33:31

Anwuɔsu bana ƒui beebo teebenu lɛla lɛni na adubɔsu, nsu béni na balabla taasiaku kalɛ na ásu-ma. Ama baasu ka basiaku-mi kama siin, nsu baanya bana bakpana taakya na beeyu bana egulabi.

Mateo 13:22

Na edula ani néduo ákya liyu livo akɔ ni, anya ndi bekyuli bani muunú litemi lɛmmɔ. Nsu ka béti kasusu pii básia kayawi kamɛni ala lɛlɔ ku lɛlakɛ ɔsu ni, litemi lɛmmɔ lílaƒɔ bana lɛlɔ kemmo na babla ala abuni.

Koloseƒuɔ 3:5

Anwuɔsu ni, bɛdu ɔlɔna kemmo ɔkwɛ adala biala nkya-mii lɛlɔ kemmo. Na bitasiaku-nya kama aani lɛsɔnɔdi ku ala ani muusé lɛlɔ ku ɔlɔna ɔkwɛ adala ani muuti ukyuli teesienku likpidi bɔbla kemmo na aayá na ukyuli uuti kasusu kekpidi ku ɔdivo udu biala ɔni ndi lɛƒiɔkpa.

Eƒesoƒuɔ 5:5

Ɔsika amii alati bɛgyi bise ka ukyuli ɔni mɔɔbla lɛnungyie lɛni ndi lɛƒiɔkpa iye ɔni mɔɔbla lɛsɔnɔdi iye lɛyalɛ ni, uuubo kadikɔ kadi na Kristo ku Katɔti lɛgadi kemmo.

Marko 10:22

Ka ɔnana ɔmɛni únu litemi lɛmɛni ni, enu áƒɛ-nwu na ɔ́tɔlɔ ku kɔnyana, ɔsika ubo ala pii.

Mateo 16:26

Bi kɔsia na ukyuli ɔdubɔkɛ si ɔ́kɛ kayawi ala ƒui na ɔ́yila ngba geen bɔmmɔ. Munuu bi na ukyuli ubo na uti ɔvumana na ɔkɛ ngba geen bɔmmɔ?

Luka 18:23

Nsu uwi ɔni na ɔnana ɔmmɔ únu lɛla lɛmɛni ni, lɛlɔ lɛ́yuɛ-nwu ɔsika ubo lɛlakɛ geen.

Mateo 14:9

Lɛla lɛni na ulekubi ɔmɛni úye ɔ́bla Herode kɔnyana. Nsu ɔ́si kenye kani na úse na benengu bammɔ ƒui anumi ɔsu ni, ɔ́su ka babla ugblebi ɔmmɔ lɛyɔla bete-nwu.

Marko 6:26

Ɔmɛni ɔ́bla Ɔga Herode kɔnyana, nsu ulakana ɔda budie na ala ani na ɔ́kpali na bekyuli benengudi bamɛni anumi ɔsu.

Kɔgya 17:14

O Unwoti, ƒɔ-mi na bekyuli bekpidi bani kasusu ndi ka basala kayawi ala bese bete lɛlɔ mɛni enu kemmo. Awɔ muute bekyuli bani na aayɔ́ adila na baadi. Na bana bebi baakɛ́ taadi teemo. Bana bawɔ baakɛ́ ala teetulo kalɛ na baawia.

Mateo 19:21

Yesu ɔ́su-nwu ɔnini, “Si aayɔ́ anii aabla sɛɛn awɔlɔ ƒui ni, sie na etéti ala ani ƒui na ébo eye. Na eti egulabi ammɔ ete bawabane, na adubɔkɛ lɛyuƒɔla na katɔ. Ɔmmɔ kama asa na ebo abasiaku-mi kama.”

Mateo 19:23

Amu na Yesu ɔ́su nwuna batɛyane ɔnini, “Mɔɔsu-mii nwaa nnii ɔdubɔyu balakɛne ɔkplu asa na beduo Katɔti lɛga kadikɔ.

Yohane 16:20

Mɔɔsu-mii geen nnii bɛdubo kɔnyana buwulo na biwulo keku. Nsu kayawi bekyuli badubo ebiti bɔkɛ mmomu. Na amii ni, bɛdubɔbla kɔnyana, nsu bina kɔnyana kɔdubunwini lɛlɔyɔ.