Mateo 19:14 - Katɔti Ɔku Kedee

¹⁴ Amu na Yesu ɔ́su batɛyane bammɔ ɔnini, “Bɛya na banamu bammɔ bebo-mi kudɔ na bitetile-ma kuƒi. Ɔsika Katɔti lɛga kadikɔ kese kete bekyuli bani néboku lɛlɔ kalɔ aani banamu bamɛni udu kalɛ.”

Mateo 19:14 Referans Kwoze

Mateo 18:3

Na ɔ́su-ma ɔnini, “Mɔɔsu-mii nnii si bítavumana udu na binwini aani banamu ni, bileduo Katɔ Ɔga Ɔma kudii.

Korintoƒuɔ 1 14:20

Banwa, bitabla lɛlɔ aani banamu na bina kasusu kemmo. Mmomu bɛbla lɛlɔ aani benengu si biiti kasusu. Nsu na likpidi lilu lɛlɔ ni, bɛbla lɛlɔ aani banamu.

Marko 10:14

Ka Yesu ɔ́nu lɛni ni, úbeti kɔnyi na ɔ́su nwuna batɛyane ɔnini, “Bɛya na banamu bebo-mi kudɔ, na bitetile-ma kuƒi. Ɔsika Katɔti lɛga kadikɔ kese kete bekyuli bani néboku lɛlɔ kalɔ aani banamu wɛlɛ wɛlɛ bamɛni udu kalɛ.

Mateo 11:25

Uwi ɔmmɔ kemmo ni, Yesu ɔ́sɔ ɔ́kpali katɔ ɔnini, “Ati, katɔ ku kalɔ Unwoti, mɔɔgyá-a enu. Éti ala amɛni ábɛla banundane ku bakutine, na édie-nya átina bani nétesie anumi na lɛlati lɛdi kemmo.

Samuel 1 1:11

Amu na ɔ́kpali ala úse kenye ɔnini, “O Unwoti Ɔyikune Ƒui, ƒula kabla ɔblane na ndi, nsu mina lɛlɔ libo kɔnyana. Taya na kɔnyana kɔdu-mi. Kɛ te-mi ubi ɔnanabi unwi pɛ na lɛwɔ. Na si énu-mi bɔkpali na ábla éte-mi lɛni ni, ndubɔsɔku ubi ɔmmɔ lite-ɔ kusɛ kusɛ nwuna ngba emeyi ƒui. Na ukyuli ɔdi ulékulo-nwu linwini kudii.”

Litemi Batɛne 13:7

Nsu bɔsu kani na ɔ́su-mi ɔnii ndubo kaƒɔ bɔda na lɛwɔ ɔnanabi. Ɔƒɛni ntani ntɛ kpakplaa iye ntɛ biala. Na ntadi adila ani muusé lɛlɔ lɛnɔ. Ɔsika ubi ɔmmɔ ɔdubunwini Unwoti ukyuli ɔƒunadi ɔ́si nwuna bɔwɔ uwi úti útédu nwuna kukpi uwi.”

Samuel 1 2:18

Nsu uwi ɔmmɔ ƒui ni, na ubi Samuel ɔkya Katɔti kakpakɔ mmɔ ɔɔbla nwuna kabla. Na ɔkya bakpane awu ɔƒualadi kedee.

Samuel 1 1:24

Na ka ɔnamu ɔmmɔ úkulo lɛnyi kama ƒui ni, uni útiku-nwu blii suɛ lɛni ku ɔmantɛ akɔ ɔkɔdi ɔni náƒɔ aani akwa atɛ na bésie Unwoti kakpakɔ na Silo. Na lɛnɔ ni, úti ɔlaaƒɔ koƒo ku ntɛ ɔsii lɛnɔ ɔ́da.

Ala Kalɔ Buse 21:4

Na ka ubidi Isak ɔmɛni ɔ́ƒɔ emeyi maane ni, Abraham úkulo-nwu lego aani kalɛ na Katɔti úbo-nwu ɔda.

Samuel 1 1:22

Nsu Hana anwu útasiaku-ma mmomu ɔ́su ɔgyani ɔnini, “Si ɔnamu ɔmmɔ úkulo lɛnyi ni, ndubuti-nwu lisienku Katɔti na ɔsɔ ɔkya mmɔ nwuna ngba bulie uwi ƒui.”

Mateo 5:3

“Lɛlɔ litaayɔ bekyuli bani nánu báti ka Katɔti lɛti lɛlɔ na basia anu. Ama ndubuduo Katɔti Lɛga Kadikɔ.

Mateo 5:10

Lɛlɔ litaayɔ ama bani na bekyuli beekpóku ka belie siin na Katɔti anumi ɔsu. Ama ndubuduo Katɔti Lɛga Kadikɔ.

Mateo 19:15

Yesu úti nwuna enu ɔ́sia-ma lɛlɔ na ɔ́kpali katɔ úte-ma. Nwuna kama ni, ɔ́tɔlɔ.

Marko 10:15

Mɔɔsu-mii geen ka ukyuli ɔni naaadubo Katɔti lɛga bɔdi bɔƒɔ aani kalɛ na ɔnamu blii suɛ uuboku lɛlɔ kalɔ ni, uleduo Katɔti lɛga kadikɔ kudii.”