Mateo 19:13 - Katɔti Ɔku Kedee

¹³ Bekyuli badi béti banamu béboku Yesu kudɔ banii uti enu ɔsia-ma lɛlɔ na ɔkpali katɔ ute-ma. Nsu ni, nwuna batɛyane bádɔnku bekyuli bammɔ.

Mateo 19:13 Referans Kwoze

Batalane Kabla 2:39

Ɔsika linyese lɛmɛni lise lite amii ku bina bebi ku bani nási ɔgyu ku bekyuli bani ƒui na Katɔti walɔ weboku nwuna kudɔ.”

Korintoƒuɔ 1 7:14

Ɔsika ɔgyani ɔni nátaƒɔ útadi mmɔ ni, Katɔti ɔdubɔbla-nwu kedee ɔkɛnku uleku ɔni náƒɔ ɔ́di mmɔ ɔsu. Na lɛni kani na Katɔti ɔdubɔbla uleku ɔni nátaƒɔ útadi mmɔ kedee na awɔ ɔnana ɔni náƒɔ ádi mmɔ ɔsu. Si ɔɔɔdi lɛni ni, bana bebi balabla kedee. Nsu kalɛ na use ni, Katɔti ɔɔbla bebi bamɛni kedee.

Mateo 20:31

Bekyuli bammɔ básu banumbwɛne bammɔ banii baba lɛsɛ. Nsu ni, báva momoomo bébu banii, “Blɔti, Ɔga Dawid Uwɔ! Nu-bu kɔnyana!”

Mateo 16:22

Petro ɔ́da-nwu úsienku kɔmadɔ na ɔ́dɔnku-nwu. Na ɔ́su-nwu ɔnini, “Pɛ kuse Blɔti! Tuo lisuo lɛmmɔ wiakun! Ɔmmɔ utebo-ɔ lɛlɔ kudii!”

Yeremia 32:39

Na ndubo bɔbla na bana kayi ayɔla ku bana kasusu kemmo kabla sɛɛn. Na badubo bɔnu bɔti ka na bana bɔdia ku bana bebi bɔdia ɔsu ni, ami lɛti pɛ kani na ɔlɛka bakpa. Na liƒu muedi lɛdubo-ma bɔda ka basɔ benwini kama bakya-mi. Na ndubo bunyimi bɔdi bunyimiku-ma na buuubo kawɔlɔkɔ kadi kudii. Na lɛɛɛdubo lɛbuni lɛnɔ bɔda bɔbla bute-ma bɔya kudii. Na muusé kenye ku mina kayi ƒui ka ndubo bɔya na basɔ benwini bebelie kalɔ kamɛni lɛlɔ kpi.

Samuel 1 1:24

Na ka ɔnamu ɔmmɔ úkulo lɛnyi kama ƒui ni, uni útiku-nwu blii suɛ lɛni ku ɔmantɛ akɔ ɔkɔdi ɔni náƒɔ aani akwa atɛ na bésie Unwoti kakpakɔ na Silo. Na lɛnɔ ni, úti ɔlaaƒɔ koƒo ku ntɛ ɔsii lɛnɔ ɔ́da.

Ala Kalɔ Buse 48:1

Na uwi ɔdi kama ni, bábasu Yoseƒ banini, “Ƒ'ɔti uuƒi.” Ɔmmɔ ɔsu ɔ́ta na útiku nwuna bebi bananabi inyɔ bani ndi Manase ku Eƒraim na bésie ɔti kudɔ.

Mateo 19:12

Ɔsika lɛla lɛni ɔsu na banana beléti beleku lɛdanku kasusu lidu lidu. Badi ni, lɛni na báwɔ-ma. Na badi ama ni, bekyuli nábla-ma lɛni. Na badi lɛnɔ ni, beléti beleku ɔsika baawia ka belie ngba bataabla Katɔti lɛga bɔdi kabla ɔsu. Si bɛkana ni, bitaabla lɛla lɛni na lɛ́su mɛni.”