Mateo 18:7 - Katɔti Ɔku Kedee

⁷ “Bɔbuɛ muute kayawi ɔsika ala adi akya-ka kemmo ani ndubɔya na bekyuli benwini kama bakya bana bɔƒɔtaadi na mina lɛlɔ. Ala ammɔ udu adubo bɔkya uwi biala bɔdi. Nsu ukyuli ɔni lɛlɔ na ala amɛni adubɔsia eduo bekyuli akɔ ni, bɔbuɛ ndi anwu ɔdi.

Mateo 18:7 Referans Kwoze

Luka 17:1

Yesu ɔ́su nwuna batɛyane ɔnini, “Ala ani mɔɔyá na ukyuli ɔɔbla likpidi ni, adubo bɔkya. Nsu bɔbuɛ muute ukyuli ɔni lɛlɔ na ala amɛni adubɔsia asa na eduo bekyuli akɔ!

Korintoƒuɔ 1 11:19

Unyeƒi ɔdi uuubo ka ɔdi ka kavumana kadi kakya-mii akɔ uti ɔtina bani ndi baƒɔtaadine geen kalɛ na bekyuli banu-ma bati.

Mateo 26:24

Ami Ukyuli Ɔyawine Ubi ndubukpi aani kalɛ na Bunweni Kedee Ɔku ɔ́su. Nsu ni, bɔbuɛ muute ukyuli ɔni na ndubɔkya-mi kakya. Si nka bátawɔ-nwu muedi ni, na nka ɔdia-nwu utulo.”

Yuda 1:4

Bekyuli bekpidi bani naaayia Katɔti bábɛ béduo-mii akɔ. Na Katɔti ɔ́lɛ ugyii úse ɔ́si kukuuku ƒui ka ɔdubɔdu-ma kɔtɔ na ɔyila-ma udu. Badi bekyuli bekpidi bani nákɛ kasiakɔ na bánu kalɛ na Katɔti ubo lɛƒɔndia úte-bu, na bátu ala bénwini kalɛ na bakɛ kuƒi bataabla bana lɛyalɛ ku likyulikpi ala na béni bula ɔga unengudi ƒui ɔni kani ndi Blɔti Yesu Kristo.

Tito 2:8

Ti kalɛ na atɛmiku bekyuli ku etemila ani mbo ɔbu kalɛ na beledie-ɔ bɔƒiɔ bɔdi, na ƒula bekisine lɛnɔ balasu lɛla lɛdi balásiku-bu lɛlɔ, mmomu na kɔƒa kukpo-ma.

Tito 2:5

Na bati lɛlɔ bɔda, na babla lɛlɔ kedee, na babla agya beliene babuni bani muuboku lɛlɔ kalɔ teete bana bagya. Ɔmɛni ndubɔya na ukyuli ɔdi ulasu lɛla likpidi lɛdi ulásiku linyesia lɛni nási Katɔti kudɔ lɛlɔ.

Timoteo 1 6:1

Su baƒɔtaadine bani mɔɔbla bekyuli bamba kabla ƒui anii ɔlɛka beboku lɛlɔ kalɔ bete bana benwoti na kabla biala kemmo, kalɛ na bekyuli bamba balatɛmi kɔbɔ ala balásiku Katɔti ku bula bɔƒɔtaadi ulu ala bɔtina lɛlɔ.

Batalane Kabla 1:16

“Mina banwani, lɛla lɛni na bénweni na Bunweni Kedee Ɔku kemmo ni, ɔlɛka libo-nwu kemmo aani kalɛ na Katɔti Kɔyu kɔ́kɛnku Dawid lɛlɔ kútemi kɔ́siku Yuda ɔni nátɔnku bekyuli bani néƒie Yesu lɛlɔ.

Yohane 17:12

Uwi ɔni na nkya-ma kudɔ ni, lɛ́da-ma kɔkɔɔkɔ na lɛ́gyumana-ma ɔkɛnku ɔyikun ɔni nkya lɛnyi lɛni na éte-mi kemmo. Ńtayila bana akɔ ɔdi, amu ntu anwu ɔni básu bese ka ayila-nwu udu. Ɔmɛni ndubɔya na Bunweni Kedee Ɔku kemmo etemila ebo-nwu kemmo kalɛ na básu.

Marko 13:7

Na utabla-mii kalɛ kadi si biinú kekpo kɔku na bina kudɔ iye na ɔgyu kakaaka. Ɔlɛka ala amɛni udu ebo. Nsu ulátina ka kayawi kawɔlɔkɔ nédu.

Samuel 2 12:14

Nsu ka lɛla lɛni na ábla ɔsu áya na Unwoti bekisine baasu ala teewi-nwu lɛlɔ na basɔ balánu-nwu taabu ɔsu ni, ubi ɔni na báwɔ béte-ɔ mmɔ ɔdubo bukpi.”

Samuel 1 2:17

Eli bebi bamɛni beléte Unwoti akpala ɔbu ɔdi ɔni na bana likpidi lɛmɛni lɛdi bɔƒiɔ bunengudi geen na Unwoti anumi.

Ala Kalɔ Buse 13:7

Ɔmɛni úbaya na kadɔ keduo Abram bebuo lɛlɔ banune ku Lot bebuo lɛlɔ banune ntɛ. Na uwi ɔmmɔ kemmo lɛnɔ ni, Kanaanƒuɔ ku Perisiƒuɔ bakya kalɔ kammɔ kemmo.

Mateo 16:23

Yesu únwini kɔnakunwi ɔ́su Petro ɔnini, “Satan! Gyu tɔlɔ-mi lɛlɔ! Éti lɛlɔ eenwíni ukisine na mina lɛlɔ. Aayɔ́ akpanku-mi atákya likpidi kemmo! Kasusu kani na éti mɛni kátasi Katɔti kudɔ. Mmomu bekyuli kasusu kadi.”