Mateo 18:10 - Katɔti Ɔku Kedee

¹⁰ “Bɛnu kaduɛ kalɛ na bilanu banamu wɛlɛ wɛlɛ bamɛni ɔdi bɛnii ɔɔɔdi lɛla lɛdi na bina akɔ. Ɔsika mɔɔsu-mii nwaa nnii bebo Katɔti batu bani nnye mina Ɔti anumi na katɔ uwi biala.

Mateo 18:10 Referans Kwoze

Kɔgya 91:11

Ɔsika ɔdubɔtala nwuna batu na bagyumana-a na ƒula kasiakɔ ƒui

Hebriƒuɔ 1:14

Na nwuna batu ƒui ama ni, ɔɔɔdi ayu ani muusié-nwu bɔtala ka beteebunku bekyuli bani na Katɔti ɔdubɔya na bakɛ bɔƒɔ na badi yoo?

Kɔgya 34:7

Unwoti ɔtu ɔɔnu taamana bekyuli bani mɔɔyia Unwoti na uudie-ma.

Luka 16:22

“Ɔwabane ɔmmɔ úbekpi na Katɔti batu bébetiku-nwu bétésie Abraham kudɔ, na baadi limeyi na katɔ. Ɔlakɛne ɔmmɔ lɛnɔ úbekpi na báva-nwu.

Mateo 24:31

Badubɔvwi kakpɛɛ. Na Ukyuli Ɔyawine Ubi ɔdubɔtala nwuna batu na basi katɔ betédie bekyuli baƒunadi ƒui basiku kayawi kesii biala.

Luka 1:19

Amu na ɔtu ɔmɛni údie kenye ɔnini, “Ami ndi Gabriel ɔni muunye Katɔti anumi. Anwu nátala-mi ɔnii mbasu-ɔ kenye kabuni kamɛni.

Mateo 18:14

Lɛni kani na bina ɔti ɔni nkya katɔ ulawia ka banamu wɛlɛ wɛlɛ bamɛni ɔdi ɔyii.

Mateo 18:6

Nsu si ukyuli ɔdi ɔ́ya na banamu bamɛni akɔ ɔdi únwini kama ɔ́kya nwuna bɔƒɔtaadi na mina lɛlɔ ni, Katɔti ɔdubɔni-nwu kɔtu geen utulo si béti kukɔ bonwu báƒala-nwu ɔkwɛ na bátányina-nwu ɛpu kemmo.

Mateo 2:19

Ka Herode úkpi ni, Katɔti ɔtu ɔdi údie lɛlɔ ɔ́tina Yoseƒ na kɔna kemmo na Egyipte.

Mateo 2:13

Ka baƒɔ bammɔ bátɔlɔ kama ni, Katɔti ɔtu ɔdi údie lɛlɔ ɔ́tina Yoseƒ na kɔna kemmo. Na ɔ́su-nwu ɔnini, “Herode ɔdubɔya na bawia ubi ɔmmɔ kama ulu na badu-nwu. Anwuɔsu ta, na eti ubi ɔmmɔ ku uni na bikeli bisie Egyipte kalɔ lɛlɔ. Na bitélie mmɔ utédu uwi ɔni na masu-ɔ nnii, ‘Sɔ nwini bo.’ ”

Mateo 1:20

Ka ɔ́bla kasusu kamɛni na útátɛ ni, Katɔti ɔtu ɔdi údie lɛlɔ ɔ́tina-nwu na kɔna kemmo, na ɔ́su-nwu ɔnini, “Yoseƒ, Dawid kaba kemmo ubi, tayia ka eti Maria aani ƒ'ulekudi kalɛ. Ɔsika kaƒɔ kani na ɔda mɛni ni, Katɔti Kɔyu ɔyikun kemmo na ɔ́si.

Tesalonikaƒuɔ 1 4:8

Anwuɔsu si bina akɔ ɔdi útadi ɔmɛni lɛlɔ ni, ɔɔɔdi bekyuli lɛlɔ na ɔ́ta únye. Mmomu Katɔti ɔni néti nwuna Kɔyu úte-mii lɛlɔ na ɔ́ta únye.

Korintoƒuɔ 1 11:22

Bubo na biiibo kɔduli kɔni kemmo na bilie bɛdi na bɛni? Munuu bɔyɔ na bɛɛyɔ́ ka biwi lɛkpa lɛmmɔ anumi kalɔ na bɛkya baƒɔtaadine bani mɔɔyaki ala kɔƒa. Bi na ɔlɛka lɛsu-mii? Bumwi na ɔlɛka limwi-mii na ɔmɛni ɔsu? Oowo!

Korintoƒuɔ 1 16:11

Ɔdi biala utanu-nwu anumi klukui. Mmomu bibunku-nwu na usie anumi na nwuna ulu busie kemmo ku keyi buɛɛ kalɛ na wasɔ wenwini webo-mi kudɔ. Ɔsika mɔɔnu-nwu anumi ka unwini ubo ku nwuna banwa baƒɔtaadine.

Romaƒuɔ 14:10

Bi ɔsu na aadú ƒ'ɔnwani kɔtɔ? Iye ni, bi ɔsu na aanu ƒ'ɔnwani aani si ɔ́sɔ? Bula ƒui bɔdubunye Katɔti lɛgaboku lɛmmɔ anumi na ɔtɛku-bu litemi.

Batalane Kabla 27:23

Ɔsika kamaadi usien ni, Katɔti ɔni mbo-mi na anwu na mɔɔkpá ni, nwuna ɔtu ɔdi úbenye-mi kudɔ.

Batalane Kabla 12:23

Kɔnakunwi ni, Katɔti ɔtu ɔdi úbo Herode ɔ́ƒiɛmi kalɔ, ɔsika anwu úteti bumwi útete Katɔti. Na beklubi béyi-nwu lɛlɔ kemmo ƒui, na úkpi.

Batalane Kabla 12:15

Nsu bátaƒɔ bátadi na básu-nwu banini, “Tabatɔlɔ-bu mɛni!” Amu na ɔ́mu unye kpakplaa ka sɔsɔ na ɔdi. Amu na básu lɛlɔ banini, “Ɔƒaalɛ nwuna ukpine nébo unye mmɔ.”

Batalane Kabla 10:3

Limeyi lɛdi ɔƒiiwi lɛdɔ ɛtɛ kemmo ni, ɔ́nu budie bɔtina bɔdi. Na budie taatina bɔmɛni kemmo ni, ɔ́nu ka Katɔti ɔtu ɔdi ɔ́si úbo-nwu kudɔ. Na ɔ́lɔ-nwu ɔnini, “Kornelio.”

Batalane Kabla 5:19

Nsu usientɛ ni, Katɔti ɔtu ɔdi úbalɛmi ɔtɔ ɔmmɔ kayakun na ɔ́da-ma údie.

Kɔgya 17:15

Nsu ami ndubɔnu-ɔ anumi, ɔsika ntabla lɛla likpidi lɛdi. Na si lɛ́ta mina kalɛɛkɔ ni, ndubɔnu kalɛ na ese na lɛlɔ lɛyɔ-mi.

Kɔgya 15:4

Bekyuli bani na Katɔti ɔɔnu ka badi alaekpidi bablane ni, ɔɔɔdaku-ma lɛda. Mmomu bani mɔɔyia Unwoti na baadi nwuna litemi lɛlɔ ni, ɔɔbu-ma. Ukyuli ɔmmɔ udu ɔɔdi lɛla biala na ɔ́su úse lɛlɔ ina dɛ na lɛla lɛmmɔ liikpóku-nwu.

Baga 1 22:19

Amu na Mikaia úsie anumi ku nwuna kenye budie ɔnini, “Ɔmmɔ ɔsu binu Unwoti litemi. Lɛ́nu ka Unwoti úli nwuna liboku lɛlɔ na katɔ batu ƒui bénye-nwu kɔmii ku kɔdianu.

Timoteo 1 4:12

Taya na ukyuli ɔdi ɔnu-ɔ ɔnii ásɔ ka adi ɔnamu ɔsu. Mmomu ni, nwini asogya te baƒɔtaadine bammɔ ƒui na ƒula kɔtɛ ku udu ku ƒula bekyuli bɔyɔ ku bɔƒɔtaadi kemmo ku ƒula kedee bulie lɛnɔ kemmo.

Korintoƒuɔ 1 9:22

Si nkya bani na bana bɔƒɔtaadi buse kpɛtɛ kpɛtɛ akɔ ni, mɔɔbla lɛlɔ aani ama kani kalɛ na lɛkana lɛƒɔ-ma lite Blɔti. Ɔmɛni ɔsu lɛ́manku-ma na línwini bekyuli ƒui ɔkpana kalɛ na lɛsia ulu biala lɛlɔ na lɛƒɔ bekyuli badi lite Blɔti.

Romaƒuɔ 15:1

Abu bani na bula bɔƒɔtaadi bɔ́ɔyu ɔkplu ni, ɔlɛka bɔkɛ kayi bute ala ani na bekyuli bani na bana bɔƒɔtaadi bútayu tɔ ɔkplu baabla na bubunku-ma. Na ɔɔɔdi ka bɔbla lɛla lɛni mayɔ-bu kaƒɔ lɛti.

Romaƒuɔ 14:21

Si alákun lɛna iye alani ntɛ iye alábla lɛla lɛni maya na ƒ'ɔnwani weduo ɔgbankpi kemmo ni, ɔdia.

Budie Taatina 8:2

Amu na lɛ́nu Katɔti batu maatɛ bani muunye Katɔti anumi, na úte-ma kɔkpɛɛ maatɛ.

Galatiƒuɔ 6:1

Banwa, si ɔdi ɔ́bla likpidi lɛdi ni, amii bani na Katɔti Kɔyu kɔ́ƒɔ-mii lɛlɔ kemmo ni, binwini-nwu buɛɛ na ɔda likpidi lɛmmɔ bɔbla ɔya. Nsu bɛnu kaduɛ kalɛ na bina akɔ ɔdi uleduo ɔgbankpi ɔmmɔ udu kemmo.

Korintoƒuɔ 2 10:10

Bina akɔ ɔdi ɔdubɔsu ɔnii muunweni lɛku kpakplaa lɛni etemila mbo unu. Nsu si nkya-mii kudɔ ni, lɛ́ba na mina etemila eeyile atu.

Korintoƒuɔ 2 10:1

Ɔmɛni ɔsu ami Paulo ɔlati líti Kristo kayi buɛɛ ku lɛlɔ kalɔ buboku muuvele-mii geen nnii bise atu na binu. Muunú ka bekyuli badi baasu banii mina lɛku lɛni muunweni libo ogya si liiibo-mii kudɔ, nsu lɛ́ba na mina butemi kemmo si nkya-mii kudɔ.

Luka 10:16

Amu na Yesu ɔ́su nwuna batɛyane ɔnini, “Ukyuli biala ɔni muunú bina litemi ni, ɔɔtina ka uunú ami lɛnɔ litemi. Na ukyuli biala ɔni muuní-mii ni, ɔɔtina ka uuní ami lɛnɔ. Na ukyuli biala ɔni muuní-mi ni, ɔɔtina ka uuní Katɔti ɔni nátala-mi lɛnɔ.”

Mateo 12:20

Ɔdubɔda bani neeebo lɛlɔkplu buɛɛ, na ulakwanyiku bani na enu áƒɛ-ma. Mmomu ɔdubunye kpakplaa utédu ka litemi bɔtɛ siin wadi lɛlɔ geen.

Sakaria 13:7

Unwoti Ɔyikune Ƒui ɔnini, “Ya liti mina kewii na likpoku mina baƒonu ɔdane ku mina ɔkpana. Du baƒonu ɔdane ɔmmɔ na baƒonu bammɔ badubugyingya, na ndubudie banamudi bammɔ atu.

Sakaria 4:10

Na bekyuli bani ƒui nátanu limeyi lɛmɛni bátabu na kalɛ na ala amɛni eesié kalɔ blii mɛni ɔsu ni, ama ndubo babadi limeyi uwi ɔni na badubɔnu ka Serubabel ɔda lɛtabi lɛni náƒɔ kuye geen mɛni. Na lɛsogya maatɛ lɛmmɔ linye lite ami Unwoti anumi ani náka ámana kalɔ kammɔ ƒui, na aanu lɛla biala kemmo nwaa.”

Ester 1:14

Na bani nde-nwu geen mmɔ ndi benengu maatɛ bani baalɔ Kasena ku Seta ku Admata ku Tarsis ku Meres ku Masena ku Memukan. Bekyuli bamɛni mɔɔdi kasusu na Persia ku Media kalɔ kammɔ ku kana lɛga kadikɔ ala lɛlɔ.

Samuel 2 14:28

Akwa anyɔ na Absalom ɔ́kya Yerusalem na útanu Ɔga Dawid kudii.

Hebriƒuɔ 9:24

Ɔsika ɔɔɔdi kakpakɔ kani na bekyuli bayawine béti enu bábla básiaku katɔ ɔdi kenye kemmo na Kristo úduo. Mmomu Katɔ Ɔga Ɔma geen kadi kemmo na úduo ɔkya ɔƒɛni na Katɔti anumi na bula lili.