Mateo 16:24 - Katɔti Ɔku Kedee

²⁴ Amu na Yesu ɔ́su nwuna batɛyane ɔnini, “Si ukyuli ɔdi ɔɔwia ka ɔsiaku-mi kama ni, ɔlɛka udie nwuna lɛlɔ atu na ubo abi na ɔsiaku-mi kama.

Mateo 16:24 Referans Kwoze

Mateo 10:38

Ukyuli biala na ulayɔ ka ɔsiaku-mi kama na ubo abi aani ami kalɛ ni, útamanku ka ɔbla mina ɔtɛyane.

Luka 14:27

Si ukyuli ɔni naaadubo bɔkana na ubo abi aani ami kalɛ na ɔsiaku-mi kama ni, ulakana-mi bɔtɛya.

Marko 10:21

Yesu ɔ́nu-nwu ku bɔyɔ na ɔ́su-nwu ɔnini, “Lɛlakpa linwi kani nébu-ɔ bɔbla. Teesie na etéti ala ani na ebo ƒui eye na eti egulabi ammɔ ete bawabane, na adubunwini ɔlakɛne na katɔ. Ɔmɛni kama ni, na ebo abasiaku-mi kama ƒui!”

Timoteo 2 3:12

Sɔsɔ na ɔdi ka ni, bekyuli bani ƒui melie ngba buni na Kristo kemmo ni, badububo abi na bekpoku-ma.

Marko 8:34

Amu ka Yesu ɔ́lɔ bekyuli lisu lɛmmɔ ku nwuna batɛyane úboku nwuna kudɔ ni, ɔ́su-ma ɔnini, “Si ukyuli ɔdi ɔɔyɔ́ ka ɔsiaku-mi kama sɔsɔ ni, ɔlɛka udie nwuna lɛlɔ atu, na ubo abi na ɔsiaku-mi kama.

Batalane Kabla 14:22

Mmɔ na bákya baƒɔtaadine bani nkya mmɔ ɔkplu banii benye kpakplaa na bana bɔƒɔtaadi kemmo. Na básu-ma lɛnɔ banini, “Ɔlɛka bubo abi pii asa na bɔkɛ lɛlɔyɔ na Blɔti lɛga bɔdi kemmo.”

Koloseƒuɔ 1:24

Na ɔƒɛni ni, ɔdi-mi kubiti ka muubó abi na amii ɔsu. Na mina abi ani na muubó na ɔlɔna kemmo mɛni ni, ɔ́ya na muubunku na libo abi ani na Kristo ɔlɛka ubo na nwuna baƒɔtaadine lɛkpa lɛni ndi nwuna ɔlɔna ɔmmɔ lili lɛwɔlɔ.

Yohane 19:17

Anwuɔsu bekpone bammɔ bákpanku Yesu bátɔlɔku. Na báya na anwu ɔlati uti ugyii ɔni lɛlɔ na badubo-nwu bɔkana bɔmana mmɔ. Na báyu ulu bésie kesii kani baalɔ banii Opokuo kalɔ. Na Hebri lɛdi kemmo ndi Golgota.

Tesalonikaƒuɔ 1 3:3

Bɔ́bla lɛni ɔsika buláwia ka bukpoku bɔmɛni bɔƒɛ ɔdi enu. Amii alati bɛgyi bise ka bukpoku bɔmɛni buse bute Kristo kama basiakune ƒui.

Mateo 27:32

Uwi ɔni na bási ɔma kemmo bakɛ bésela ni, básiaku ɔnana ɔdi ɔni nási Kirene na baalɔ-nwu banii Simon. Bekpone bammɔ béƒie-nwu banii ɔlɛka ubunku Yesu ugyii ɔmmɔ buti.

Marko 15:21

Uwi ɔni na bakɛ bésela ni, básiaku ɔnana ɔni baalɔ Simon ka ɔ́si lɛkpaklɔ ɔdubo Yerusalem. Amu na bekpone bammɔ básu-nwu banii ɔlɛka ubunku Yesu ugyii ɔmmɔ buti. Na Simon ɔmɛni ɔ́si Sireni, na nwuna bebi ndi Aleksandra ku Ruƒo.

Luka 23:26

Bekpone bákpanku Yesu bátɔlɔku. Na ɔni bakɛ ulu bésela ni, bátásiaku Kireneni ɔdi baalɔ Simon ka ɔ́si lɛkpaklɔ lɛdi ɔdubo Yerusalem. Bédi-nwu bényene na bénye-nwu lɛlɔ banii ɔƒɔ ugyii ɔni na Yesu uti mmɔ uti na ɔsiaku-nwu kama.

Yohane 21:19

Lɛla lɛni na Yesu ɔ́su-nwu mɛni ni, bɔtina na ɔda Petro kukpi kɔni udu na ɔdubo bukpi na uti ɔkɔliku Katɔti lɛnyi katɔ. Amu na Yesu ɔ́su-nwu ɔnini, “Taasiaku-mi.”

Yohane 21:22

Amu na Yesu údie kenye na úye-nwu ɔnini, “Si mɔɔyɔ́ nnii anwu ɔsɔ ɔkya ngba wetédu uwi ɔni na masɔ mebo ni, bi nkɛ-ɔ? Awɔ ni, taasiaku-mi.”

Petro 1 2:21

Na ɔmɛni na Katɔti ɔ́lɔ-mii ɔnii bibabla. Ɔsika Kristo ɔlati úbo abi na bina lili na ɔ́tina-mii ɔnii bɛsia nwuna kasiakɔ.