Mateo 16:21 - Katɔti Ɔku Kedee

²¹ Ɔ́si uwi ɔmmɔ kemmo ni, Yesu úse kalɔ ɔɔsu nwuna batɛyane bammɔ nwaa ɔnii, “Ɔlɛka lisie Yerusalem na ntébo abi na kadi benengu ku bakpane benengu ku ɔda bubo ala batinane enu kemmo. Badubɔdu-mi. Nsu limeyi lɛtɛdi lɛlɔ ni, Katɔti ɔdubɔgyila-mi ɔlɛku kekpine na nsɔ mbelie ngba.”

Mateo 16:21 Referans Kwoze

Mateo 17:12

Nsu mɔɔsu-mii nnii Elia úubo, nsu bekyuli bátanu-nwu bátati. Na bábla-nwu kalala kalɛ na baayɔ́. Lɛni kani na badubɔbla ami Ukyuli Ɔyawine Ubi lɛnɔ kalala.”

Mateo 27:63

Na básu-nwu banini, “Unengu, uwi ɔni na ɔkɔ ɔnyine ɔmmɔ úlie ngba ni, ɔ́su ɔnini, ‘Si líkpi ni, nsɔ ndubɔta lɛlɛ bekpine akɔ emeyi atɛ kama.’

Mateo 20:28

Lɛni na ami Ukyuli Ɔyawine Ubi lɛ́bla. Ńtebo nnii babla mina kabla. Mmomu líbo mbabla kabla na liti mina ngba lɛƒɔ bekyuli pii lili kayu.”

Luka 17:25

Nsu ni, ɔlɛka lɛka abi bubo geen na ɔmwi limeyi bekyuli beni-mi.

Luka 24:46

Na ɔ́su-ma ɔnini, “Lɛni na bénweni banii Ukyuli Ɔƒunadi ɔmmɔ ɔdububo abi na ɔdubɔta ɔlɛ bekpine akɔ limeyi lɛtɛdi lɛlɔ.

Marko 8:31

Amu na Yesu úse kalɔ ɔɔtina nwuna batɛyane ala adi. Ɔ́su-ma ɔnini, “Ɔlɛka Ukyuli Ɔyawine Ubi ubo abi pii na ɔma benengu ku bakpane benengu ku ɔda bubo ala batinane enu kemmo na bedumi-nwu. Badubɔdu-nwu, nsu na limeyi lɛtɛdi lɛlɔ ni, ɔdubɔta ulie ngba.”

Luka 9:31

Báda bálɛ na Katɔ Ɔga Ɔma bukeye kemmo na bátɛmi ku Yesu na ulu ɔni lɛlɔ na ɔdubɔsia na ɔwɔlɔ lɛla lɛni na Katɔti ɔɔwia na nwuna kukpi na Yerusalem kemmo.

Mateo 26:47

Yesu ɔmu unye ɔɔtɛmiku-ma asa na Yuda ɔni ndi leevu-inyɔ bammɔ akɔ unwi ɔ́da úbalɛ. Ɔdanku bekyuli lisu lɛni na bakpane benengu ku batɔnkune bédie. Na bada lɛkɛɛ ku ligyii.

Mateo 26:2

“Bɛgyi ka kébu emeyi anyɔ na bɔdi limeyi lɛni bɔɔlɔ Kukpi Lili Bɔvia Limeyi. Na badubuti ami, Ukyuli Ɔyawine Ubi, bete na bakana-mi bamana ugyii lɛlɔ.”

Mateo 27:12

Nsu ina ka bakpane benengu ku ɔma benengu bammɔ benye baadá-nwu kenye muedi ni, Yesu útakpete-ma.

Mateo 16:28

Mɔɔsu-mii nwaa ka ni, bekyuli badi bakya mɛni ɔni na belekpi watálɛ uwi ɔni na bánu ka Ukyuli Ɔyawine Ubi úbo aani ɔga kalɛ.”

Nehemia 12:7

ku Salu ku Amok ku Hilkia ku Yedaia. Na ama ndi bakpane ƒui batɔnkune na Yesua uwi.

Mateo 12:40

Kalɛ na Yona ɔ́kya kabɛ kebendi kaƒɔ kemmo emeyi atɛ usien ku ɔƒɛ ni, lɛni kani na Ukyuli Ɔyawine Ubi lɛnɔ ɔdubɔkya kalɔ kemmo emeyi atɛ usien ku ɔƒɛ.

Mateo 16:22

Petro ɔ́da-nwu úsienku kɔmadɔ na ɔ́dɔnku-nwu. Na ɔ́su-nwu ɔnini, “Pɛ kuse Blɔti! Tuo lisuo lɛmmɔ wiakun! Ɔmmɔ utebo-ɔ lɛlɔ kudii!”

Mateo 17:9

Na ka bási baayu kɔbi kɔmmɔ lɛlɔ ni, Yesu úbo-ma ɔda ɔnini, “Bitasu ukyuli ɔdi lɛla lɛni bɛ́nu mɛni wetédu uwi ɔni na ami Ukyuli Ɔyawine Ubi mata malɛ bekpine akɔ.”

Mateo 28:6

Uuubo mɛni. Ɔ́ta úlie ngba aani kalɛ na ɔ́su úse. Bibo na bibanu likpo lɛni na báva-nwu.

Marko 9:12

Yesu ɔ́su-ma ɔnii, “Sɔsɔ na básu. Elia na ɔlɛka ɔka bubo kalɛ na wabaklibi lɛla biala wese. Nsu Bunweni Kedee Ɔku lɛnɔ ɔ́su ka Ukyuli Ɔyawine Ubi ɔdububo abi pii na badubudumi-nwu. Dɛ bɛɛkali ka ɔmɛni lɛnɔ kalɔ kaatina?