Mateo 16:18 - Katɔti Ɔku Kedee

¹⁸ Anwuɔsu mɔɔsu-ɔ ka awɔ ndi Petro ɔni kalɔ ndi lɛtakpɛ. Na lɛtakpɛ lɛmɛni lɛlɔ na ndubuti mina baƒɔtaadine lɛtu linyine aani ɔtɔ kalɛ. Na kukpi ɔyikun muedi ulakana-ma lɛlɔ bɔdi.

Mateo 16:18 Referans Kwoze

Yesaia 28:16

Unwoti ɔnini, “Binu! Lɛ́ƒuna lɛtabi lɛni náƒɔ kuye na Sion, na ɔdi lɛtabi kpakplaa lɛni mabala kowodu likpo. Na ukyuli biala ɔni maƒɔ madi ni, enu alaƒɛ-nwu kudii.

Koloseƒuɔ 1:18

Anwu ndi lili ute nwuna ɔlɔna ɔni ndi baƒɔtaadine lɛkpa lɛmmɔ. Na ɔdi lɛkpa lɛmɛni kalɔ kesekɔ. Anwu ndi Katɔti Ubi udeedi ɔni na ɔ́gyila ɔ́lɛku bekpine akɔ, kalɛ na ɔtɔnku lɛla biala.

Yohane 1:42

Na Andrea ɔ́tɔnku Simon úsienku Yesu kudɔ. Na ka Yesu ɔ́nu Simon ni, ɔ́su-nwu ɔnini, “Awɔ ndi Yohane ubidi Simon, nsu bekyuli badubɔlɔ-ɔ banii Keƒas,” iye Petro. Na anyi ammɔ kalɔ budie ndi lɛtakpɛ.

Hebriƒuɔ 12:28

Anwuɔsu ka lɛga kadikɔ kani kemmo na bɔdubuduo kalákunku ɔsu ni, bɛya na bɔgya Katɔti enu na bumwi-nwu na ulu ɔni námanku lɛlɔ ku ɔbu ku bɔyia.

Batalane Kabla 2:47

Na baagyá Blɔti enu na beemwi-nwu lɛnɔ. Na bekyuli ƒui baabu-ma. Na limeyi biala ni, Unwoti uuti bekyuli babambadi bani na ɔɔƒɔ́ teebunku-ma lɛlɔ.

Yesaia 54:17

Ekpola ani na bákywɛɛ ka beti bekpo-mii aladi-mii lɛlɔ. Na enyekpi ani na bekyuli badubɔsu basiku-mii lɛlɔ alabla-mii lɛla lɛdi. Yerusalem ɔdi bina ɔdi na ndubute-mii kusɛ kusɛ na bɛdi lɛlɔ. Ami Unwoti násu.”

Eƒesoƒuɔ 5:32

Litemi lɛmɛni lɛdi abɛla ebendi. Na mɔɔsu-mii nnii etemila ammɔ ese ete Kristo ku baƒɔtaadine lɛkpa lɛmmɔ.

Eƒesoƒuɔ 3:10

Na ɔkɛ nwuna baƒɔtaadine lɛlɔ ni, bayikune ku kenyekɔ biala kani mbo ɔyikun na kayaa batɛya Katɔti lɛnunda bonwu lɛni mɔɔbla kabla na lilu pii lɛlɔ na nwuna baƒɔtaadine akɔ.

Agba 24:7

Ɔdɔlɔdi ɔɔnu lɛnunda kakaaka. Na si batɔnkune bása beli ni, ɔdɔlɔdi ulakɛ lɛla lɛni na ɔsu.

Hiob 38:17

Ɔban kayakun kani nákalɛ kekpine ni, ukyuli ɔdi ɔ́ɔtina-a kayakun kammɔ dii?

Budie Taatina 21:14

Na kowodu kalɔ atabi ani bákya kowodu kɔmmɔ kalɔ ebo atabi leevu-anyɔ. Na bénweni Koƒonu Ubi ɔmmɔ batalane anyi leevu-anyɔ básia kadi biala lɛlɔ.

Batalane Kabla 8:1

Na uwi ɔni na bakya baadú Steƒano ni, Saulo ɔ́kya-ma ogya. Na ɔ́si limeyi lɛmmɔ lɛlɔ ni, bése kalɔ beekpóku baƒɔtaadine bamɛni na Yerusalem. Amu na bana ƒui békeli bésie Yudea ku Samaria. Nsu batalane ama bébu bakya mmɔ.

Kɔgya 9:13

O Unwoti, nu kalɛ na mina bekisine benye beekpóku-mi! Nu-mi kɔnyana na aƒɔ-mi ngba alɛku kekpine kayakun kani na líidu lɛ́wɔlɔ mmɔ kemmo.

Timoteo 1 3:5

Na si ukyuli ɔdi ɔkya na ulákana nwuna kaduli bekyuli lɛlɔ bɔnu ni, agyi anii ulakana na watɔnku Katɔti baƒɔtaadine.

Galatiƒuɔ 2:9

Na ka Yakobo ku Petro ku Yohane bani nnye baƒɔtaadine lɛkpa lɛmmɔ kenye geen aani batɔnkune kalɛ bánu Katɔti kabla kani na úti ɔ́kya-mi enu kemmo mɛni báti ni, bégyingya enu na báƒɔ ami ku Barnaba. Na bénu kalɔ ka abu buteesie butásu litemi buni lɛmmɔ bute bani naaadi Yudaƒuɔ, na ama lɛnɔ bataasu-ni teete Yudaƒuɔ.

Mateo 18:17

Na si mmɔ lɛnɔ útenu kalɔ ni, ya na baƒɔtaadine lɛkpa lɛmmɔ bati. Na si mmɔ lɛnɔ útenu lɛlɔ kalɔ ni, die-nwu atu aani ukyuli ɔni na útaƒɔ útadi iye likpidi ɔblane ɔni na útenwini kayi.

Mateo 11:23

Na awɔ Kapernaum ni, aakali ka Katɔti ɔdubɔtalaku-ɔ katɔ? Oowo! Katɔti ɔdubɔyulaku-ɔ kalɔ usienku lɛgyavonku kemmo. Ɔsika akɔla budie taatina ani lɛ́bla na bina akɔ ni, si Sodom na lɛ́bla-nya ni, nka ɔmu ɔdi ɔma úbalɛ ɔmwi.

Mateo 10:2

Batalane bammɔ anyi ndi amɛni. Simon ɔni basɔ baalɔ Petro ku ɔnwani Andrea ku Yakobo ku ɔnwani Yohane bani ndi Sebedeo bebi

Kɔgya 69:12

Mina lɛlɔ litemi kani na litemi batɛne ku benengu bada baasu.

Ala Kalɔ Buse 22:17

ndubute-ɔ kusɛ kusɛ na lɛya na ƒula kaba bebi bemomo betulo ayabi. Na badubo bumomo aani ɛpu kɔnwinimi. Na ƒula bawɔ badubo bukpo na baƒɔ bana bekisine lɛma linengudi ƒui.

Budie Taatina 11:15

Ɔmmɔ kama ni, Katɔti ɔtu maatɛdi ɔ́vwi nwuna kakpɛɛ. Na línu ka bekyuli pii báva na katɔ mmɔ básu banini, “Kayawi lɛga kadikɔ ƒui kénwini bula Unwoti Katɔti ku nwuna Ukyuli Ɔƒunadi kadi! Na ɔdubo lɛlɔ bɔdi ɔ́si ɔƒɛni úsela ƒui!”

Korintoƒuɔ 1 15:55

Na bénweni lɛnɔ banii, “Kukpi, wɛ na ƒula lɛlɔ bɔdi bɔkya. Na wɛ na ƒula ɔyikun ɔni mɔɔta-bu mmɔ ɔkya?”

Yesaia 38:10

“Lɛ́kali ka uwi ɔni na mina ngba búle ntɛ ni, líduo kekpine lɛ́wɔlɔ na nsɔ lɛɛɛdubo mina ngba emeyi akladi bɔnu.

Yesaia 28:6

Na ɔdubunwini kɔyu kɔni mɔɔtɛ litemi siin ute bani mɔɔtɛ bekyuli etemila. Na anwu ɔmmɔ ndubɔbla ɔlɔkplu ku ɔyikun ute bani nnye ɔban kenye ka babɔku kekpo biala.

Kɔgya 107:18

Adila adi asɔ aláda-ma ɔkwɛ na básɔ bátagyunku kaƒiɔtɔ.

Samuel 2 18:4

Mmɔ na Ɔga Dawid údie kenye ɔnini, “Lɛla lɛni na amii bɛ́nu ka lɛdia litulo ni, ani na ndubo bɔbla.” Ɔmmɔ ɔsu Ɔga Dawid ɔ́ta únye ɔma ɔban kayakun na ɔɔnu kalɛ na bekpone bammɔ baalɛ́ eti anyɔ anyɔ ku mpim mpim útédu ka bálɛ báwɔlɔ.

Kɔgya 127:5

Anwuɔsu lɛlɔ lɛdubɔyɔ ukyuli ɔni mbo-ma na bemomo. Ɔsika ɔdubɔkana na unye ɔsiaku ukisine biala udu na ɔban kenye ɔni na kɔƒa kulékpo-nwu.

Kɔgya 129:2

“Ina ka kadi bamba bekyuli békpoku-mi ɔ́si mina lɛkloƒu uwi ni, bátakana na badi-mi lɛlɔ.

Yona 2:6

Lɛ́yu lísie ɛpu ntu kalɔ kalɔ na abi enengudi ƒui kalɔ kesii kani na lɛ́bu nnii bébo-mi lɛkpu bákya uwi ƒui. Nsu awɔ Unwoti mina Katɔti áda-mi édie éboku ngba.

Mateo 4:18

Na ka Yesu ɔkɛ Galilea Ɛpu kɔtu ni, ɔ́nu banwani inyɔ badi bani ndi asawu bewine. Ama ndi Simon ɔni baalɔ Petro ku ɔnwani Andrea ka bada asawu beedie lɛna na Ɛpu ɔmmɔ kemmo.

Mateo 7:24

“Anwuɔsu ni, ukyuli ɔni muunú mina etemila amɛni na ɔɔdi-nya lɛlɔ ni, ɔdi ɔnundane. Use aani ukyuli ɔni nátu nwuna ɔtɔ na lɛtakpɛ lɛlɔ.

Batalane Kabla 20:28

Ɔmɛni ɔsu ni, binye lɛlɔ kagyumana. Katɔti Kɔyu nábla-mii batɔnkune ɔnii bɛda nwuna bebi bani na Katɔti úti úte-mii bɔda kɔkɔɔkɔ. Bɛda-ma kaduɛ, ɔsika Katɔti úwi Ubidi ubugya kalɔ úti udie-ma lili.