Mateo 15:26 - Katɔti Ɔku Kedee

²⁶ Yesu údie kenye ɔnini, “Ɔɔɔdia ka beti bebi adila bebo bewi bana bakpɛwe.”

Mateo 15:26 Referans Kwoze

Mateo 7:6

“Bitebo ala ani nse kedee bitewi beƒiebuo. Si bíti bíte-ma ni, badubɔta bebeƒie-mii. Bitebo bina asɛɛ ebi ani náƒɔ kuye bitewi baplakuo, ɔsika badubɔnya-nya bakya aba. Katɔti muuti ala abuni teete bekyuli bani muuvele-nwu ala ammɔ.

Ƒilipiƒuɔ 3:2

Bɛnu ala ekpidi bablane bani mɔɔbla ala aani bakpɛwe bebuo bekpine mmɔ bɛti. Badi bekyuli bani nnye-mii lɛlɔ ka ɔlɛka bikulo bina ago.

Eƒesoƒuɔ 2:12

Binyimo ka uwi ɔmmɔ ni, amii ku Kristo bɛɛɛdi unwi, na bɛdi baƒɔ bani naaadi Yudaƒuɔ bani na Katɔti ɔ́ƒuna. Na biiibunku kenye kani na Katɔti úse úte nwuna bekyuli na kenye kani na únyimiku-ma kemmo. Na biiibo lɛnunsia lɛdi na ngba bɔni na bilie kemmo. Na bítenu Katɔti lɛnɔ kɔku kudii na bina ngba kemmo.

Galatiƒuɔ 2:15

“Abu bani na báwɔ-bu na bɔdi Yudaƒuɔ ni, buuuse aani bekyuli bani naaadi Yudaƒuɔ na bɔɔlɔ-ma ala ekpidi bablane.

Budie Taatina 22:15

Na bani ndubunye ɔba kama aani bakpɛwe ni, ama ndi bekyuli bani mɔɔƒɛ evo ku bani mɔɔbla lɛyalɛ ala ku bani mɔɔdú bekyuli ku bani mɔɔkpá baƒiɔ ku bekyuli bani ƒui mɔɔyɔ́ ka batɔlɔ bekyuli na ɔkɔ bɔnyi bɔɔda-ma ɔkwɛ.

Romaƒuɔ 9:4

Ɔsika badi bekyuli bani na Katɔti ɔ́ƒuna. Na úti-ma ɔ́bla nwuna bebi. Na údie nwuna lɛga bɔdi bukeye ɔ́tina-ma. Na ɔ́tina-ma lɛla lɛni na únyimi. Na úti nwuna ɔda bubo úte-ma. Ama na Katɔti ɔ́tina kalɛ na ɔdi ka bakpa-nwu. Na ama na úse kenye.

Mateo 15:25

Mmɔ na uleku ɔmɛni ɔ́lɛ-nwu akɔnkɔ kalɔ na úvele-nwu ɔnini, “Ati, bunku-mi.”

Mateo 15:27

Uleku ɔmmɔ údie kenye ɔnini, “Ati, sɔsɔ na ɔdi. Nsu bakpɛwe lɛnɔ baadi adila kɔkɛ kɔni mɔɔsí bana unwoti kadikɔ teewi kalɔ.”