Mateo 15:19 - Katɔti Ɔku Kedee

¹⁹ Na kasusu kekpidi kani mɔɔyá na bekyuli baadú bekyuli, na baadi kɔsɔnɔ, na baabla lɛyalɛ ala, na beeyú, na baadá bekyuli kenye, na baalɔ bekyuli anyikpi ni, ana ƒui aasí kayi kemmo.

Mateo 15:19 Referans Kwoze

Yeremia 17:9

“Bibo ɔkɔ geen, amii Yuda kadi bekyuli, na bɛɛtɔ́lɔ amii alati bina lɛlɔ muedi, na bilakana bɔvumana.

Agba 4:23

Na lɛla lɛni ntulo ƒui ni, da ƒula kayi kemodi kammɔ kaduɛ, ɔsika ngba libiɔ lɛni mɔɔyu ntu kadi.

Ala Kalɔ Buse 6:5

Unwoti ɔ́nu kalɛ na ukyuli likyulikpi lɛ́ƒɔ kalɔ lɛlɔ. Na likpidi kasusu kani na ukyuli uuti uwi biala.

Yeremia 4:14

Nsu ni, Yerusalem, uwi ɔmu ɔkya-mii ka bɛkɛ bɔƒɔ. Bɛƒɔ bina ekpidi ƒui bidie lɛlɔ ku kayi kemmo na bɛda likpidi kakwɛ biala bɔkya bɛya,

Batalane Kabla 8:22

Da anumi die kasusu kekpidi kamɛni lɛlɔ na akpali katɔ. Ɔƒaalɛ Katɔti ɔdubuti ƒula likpidi ɔkyiɛ-ɔ na ƒula kasusu kekpidi kamɛni lɛlɔ.

Yesaia 59:7

Bɛkɛ usi uwi biala ka bitábla likpidi, na bɛdu bekyuli bani na bátabla-mii lɛla lɛdi, ku ekpidi bamba lidu lɛnɔ. Likpidi kasusu kani na biilie taabla uwi biala na ala bubile kani na baanu na bina kasiakɔ ƒui.

Yesaia 55:7

Bɛda bina kalala ku likyulikpi ala bɔbla bɛya, na binwini kama bɛkya-nya na Unwoti ɔdubuti-nya ƒui ɔkyiɛ-mii.

Agba 6:14

Bana kayi kemmo kasusu kekpidi kaayá na likpidi kɔkwɛ kani na baakya. Na baakya lɛsɛ uwi ndi uwi.

Kɔgya 119:113

Na bekyuli bani na bana kasusu kese inyɔ inyɔ na ƒula lɛlɔ ni, nkisi-ma. Na ami ni, mɔɔyɔ́ ƒula ɔda bubo.

Romaƒuɔ 7:18

Na ngyi ka na mina lɛlɔ kemmo ni, lɛla lɛbuni lɛdi biala liiibo. Na mɔɔsu ɔmɛni taasiku mina ɔlɔna udu ɔkukudi ɔmmɔ lɛlɔ. Ɔsika mɔɔyɔ́ geen ka nka lɛbla lɛbuni, nsu naaakana-ni bɔbla.

Mateo 9:4

Yesu ɔ́nu bana kasusu kamɛni ɔ́ti na úye-ma ɔnini, “Bi ɔsu na biiti kasusu kekpidi kamɛni udu?

Ala Kalɔ Buse 8:21

Na Unwoti ɔ́ƒɔ akpala ammɔ ku kayi ƒui na ɔ́su ɔnini, “Nsɔ lɛɛɛdubo kalɔ kamɛni buwida na ukyuli ɔsu ina ka likpidi kasusu káƒɔ-nwu lɛlɔ kemmo ƒui ɔ́si nwuna lɛnamu uwi. Na nsɔ lɛɛɛdubo bebweyi ƒui udu bɔyila aani kalɛ na lɛ́bla.

Agba 24:9

Na ɔdɔlɔdi kɔkwɛ ni, ekpidi sɔɔn na adi. Na ukyuli ɔni muudumi bekyuli taama ni, ɔdi balayɔ-nwu.

Agba 22:15

Ɔnamu ɔni na ɔƒɛni na ɔ́si ɔɔkɔ́ ni, adɔlɔla éyi-nwu lɛlɔ kemmo tɛɛ. Nsu si átumini-nwu kaduɛ ni, ɔmmɔ ƒui ɔɔlɛ́-nwu lɛlɔ.

Bumomo Bɔka 22:29

Amu na Bileam údie ebuo ɔmmɔ kenye ɔnini, “Ɔsika ábu-mi kɔdɔlɔ! Na si kewii na nka nda ni, nka ndubo-ɔ bɔdu ɔƒɛni kani.”

Mateo 5:28

Na ami mɔɔsu-mii nnii ɔnana ɔni manu uleku ɔbambadi na wada-nwu ɔkwɛ ni, ɔ́bla likpidi na nwuna kayi kemmo.

Mateo 15:20

Ala amɛni udu mɔɔyá na ukyuli uusé lɛlɔ. Nsu si ukyuli ɔdi útaƒɔ kɔnu aani kalɛ na Ƒarisiƒuɔ baatina kalɛ asa na ɔ́di ni, ɔmmɔ ulaya na uusé lɛlɔ.”