Mateo 15:16 - Katɔti Ɔku Kedee

¹⁶ Na Yesu ɔ́su-ma ɔnini, “Ɔmu use amii lɛnɔ susuusu aani bana kalɛ kani?

Mateo 15:16 Referans Kwoze

Mateo 16:9

Bilényimo kalɛ na líti bodobodo ɛlɔ líte banana mpim ɛlɔ na bádi bémo ku kɔgyigyɛ ɛlɛ kɔni na kɔkɛ kɔmmɔ kúyi?

Marko 9:32

Nsu bétenu lɛla lɛni na ɔɔsu-ma mɛni kalɔ, na baayia ka beye-nwu litemi lɛmɛni kalɔ benu.

Marko 7:18

Yesu ɔ́su-ma ɔnini, “Si bítenu litemi lɛmɛni kalɔ ni, na bina kasusu kalákana ala buƒie! Use nwaa ka lɛla biala lɛni muuduo ukyuli lɛlɔ kemmo ni, lilaya na ukyuli uusé lɛlɔ. Ɔsika líteduo-nwu kayi kemmo.

Luka 9:45

Nsu batɛyane bammɔ bétenu ɔmɛni kalɔ. Ɔdi lɛla lɛni na béti bábala-ma, nsu baayia-nwu lɛla lɛdi buye bɔsiku litemi lɛmmɔ lɛlɔ.

Mateo 15:10

Amu na Yesu ɔ́lɔ bekyuli pii bammɔ úboku nwuna kudɔ na ɔ́su-ma ɔnini, “Bise atu na binu ɔmɛni biti bɛtɛya lɛla.

Hebriƒuɔ 5:12

Sɔsɔ ni, ɔƒɛni kalɛ bene nka bɛdi ala batinane muedi. Nsu bɛsɔ bɛɛwia ukyuli ɔni nsɔ medie Katɔti litemi buni lɛmmɔ ala kalɔ kesekɔ mete-mii. Ɔni na bɛwia adila geen kama ni, bɛɛwia lɛnyi ntu mmomu.

Luka 24:45

Mmɔ na ɔ́lɛmi-ma kasusu kalɛ na benu Bunweni Kedee Ɔku kemmo etemila ammɔ kalɔ.

Luka 18:34

Na ala amɛni ƒui ni, batɛyane bammɔ bétenu-nya kalɔ. Etemila amɛni kalɔ bunu lɛnɔ ɔdi lɛla lɛni nábɛ-ma. Na bétenu lɛla lɛni na Yesu ɔ́su-ma mmɔ kalɔ.

Marko 6:52

Ɔsika bátati kalɛ geen na ɔ́bla asa na úte nkyuli mpim ɛlɔ bamɛni adila na bádi bébu. Bana kasusu kátabla-ma nwaa na ɔmɛni lɛlɔ ka bátaƒɔ bátadi ɔsu.

Mateo 16:11

Dɛ na ɔ́bla na bilenu kalɔ bɛnii ɔɔɔdi adila lɛlɔ litemi na mɔɔsu uwi ɔni na lɛ́su nnii, ‘Bɛnu kaduɛ na Ƒarisiƒuɔ ku Sadukiƒuɔ bɔnyii bɔni baakya ala kemmo na uuƒu lɛlɔ’?”

Mateo 13:51

Yesu úye-ma ɔnini, “Bínu ala ani ƒui na lɛ́su-mii mɛni kalɔ?” Na ama lɛnɔ bédie kenye banii, “Ɛɛn.”

Mateo 15:15

Petro ɔ́su-nwu ɔnini, “Die adila ani muusé lɛlɔ lɛgba lɛmɛni kalɔ tina-bu.”

Mateo 15:17

Binu ɔmɛni kalɔ ka ni, lɛla ndi lɛla lɛni muuduo ukyuli kenye kemmo ni, liiduo kaƒɔ kemmo. Na kama ni, uudie-ni teewiakun.