Mateo 15:14 - Katɔti Ɔku Kedee

¹⁴ Anwuɔsu bitakpete-ma. Bese aani banumbwɛne bani mɔɔtɔnku banumbwɛne bamba. Na si ɔnumbwɛne ɔtɔnku nwuna ɔkpana ɔnumbwɛne ni, bana inyɔ ƒui badubɔnu beduo ubu kemmo.”

Mateo 15:14 Referans Kwoze

Luka 6:39

Amu na Yesu úbo-ma lɛgba ɔnini, “Ɔnumbwɛne ulakana ɔnumbwɛne ɔkpana bɔtɔnku. Si ɔɔɔdi lɛni ni, bana inyɔ ƒui badubɔnu beduo ubu kemmo.

Yesaia 56:10

Amii Israel kadi benengu, amii na nka ɔlɛka binye bitaagyumana mina bekyuli aani bakpewe bani mɔɔgyumana kaduli. Nsu biiinye bilasia lɛla biala anu na bilebo-ma ɔda ɔdi lɛnɔ. Mmomu bulie kani na bilie biisié taasɔ na bɛɛlɛɛ.

Malakai 2:8

Nsu bínwini kama bɛ́kya-mi. Na bina ala ani bɛɛtina mmomu mɔɔkpanku bekyuli na beesié taatábla ala ekpidi. Na bíbile bunyimi bɔni na línyimiku bina ati kuuku Lewi.

Yesaia 9:16

Batɔnkune bamɛni baatɔnku-ma taatáyila, na bani batɔnku mmɔ lɛnɔ baayii ulu.

Petro 2 2:1

Kalɛ na ɔkɔ kenye bediene bákya uwi ɔni návi ni, lɛni kani na ɔkɔ ala batinane bammɔ udu badubɔkya-mii akɔ. Badubo ɔkɔ bɔnyi bɔtina ala na ulu ɔni lɛlɔ na ɔdi ka bekyuli basia bada bana ngba lɛlɔ. Nsu ɔmmɔ ɔdubɔya na bekyuli bayii. Na badubuni ala ƒui lɛlɔ ɔdine Blɔti ɔni nédie-ma ɔ́lɛku bana ekpidi kemmo. Na ɔmmɔ ndubɔyila-ma udu.

Yeremia 5:31

Kenye bediene baakɔ́ bana etemila lɛsa na baƒiɔ lɛnyi kemmo. Na mina bakpane baláwia ka babla-mi kabla. Na amii mina kadi bekyuli lɛnɔ bɛɛyɔ́-nwu lɛni! Na ɔgbankpi limeyi ni, ɔma na bɛdubo bukeli bɔtamiku bɛnii ubunku-mii?”

Yesaia 42:19

Ɔma bene ndi banumbwɛne ku batutine bammɔ si ɔɔɔdi amii mina kabla bablane bani na lɛ́ƒuna na bɛdi mina batu?

Budie Taatina 22:15

Na bani ndubunye ɔba kama aani bakpɛwe ni, ama ndi bekyuli bani mɔɔƒɛ evo ku bani mɔɔbla lɛyalɛ ala ku bani mɔɔdú bekyuli ku bani mɔɔkpá baƒiɔ ku bekyuli bani ƒui mɔɔyɔ́ ka batɔlɔ bekyuli na ɔkɔ bɔnyi bɔɔda-ma ɔkwɛ.

Budie Taatina 19:20

Nsu béƒie eƒiebuo ɔmmɔ ku eƒiebuo ɔni néti lɛlɔ ɔ́bla ɔkɔ kenye udiene. Anwu ndi ɔni nábla akɔla budie taatina na eƒiebuo udeedi ɔmmɔ kenye, na úti akɔla budie taatina ammɔ ɔ́tɔlɔ bekyuli bani na bése likpo ku eƒiebuo ɔmmɔ likpose na bémwi eƒiebuo ɔmmɔ baƒiɔ. Na bekpone bammɔ béti eƒiebuo ɔmmɔ ku bekyuli bamɛni ƒui na bébo-ma bátákya ogya livongu lɛni nse bonwu aani ɛpu kalɛ, na ɔɔda ku ogya atabi kemmo.

Petro 2 2:17

Bekyuli bamɛni bese aani abiɔ ani nákwi, iye ɔni na ɔƒɛƒɛɛ ɔda ɔɔvínku. Ama na Katɔti ɔ́da kesii kani nse suu mmɔ úse.

Timoteo 1 6:5

Na baaní ala teenene uwi biala. Bekyuli bamɛni kasusu kékpi-ma na báyila litemi geen lɛmmɔ. Baakali banii badubɔsia bɔƒɔtaadi ulu lɛlɔ na beyile bana aƒo.

Hosea 4:17

Eƒraim kaba kemmo bekyuli bamɛni béti lɛlɔ bátámana lɛƒiɔkpa, anwuɔsu bɛnyonu bana keyi bite-ma!

Yeremia 8:12

Ɔlɛka nka kɔƒa kukpo-ma na bana alaekpidi ani muusé lɛlɔ mmɔ ɔsu, nsu bana anumi aláƒalɛ muedi. Anwuɔsu si lɛ́ni Yuda kɔtu ama ɔdi ɔdubo bɔsa na bekpi aani kalɛ na bekyuli bamba lɛnɔ beekpi na beduo kubiɔ.

Yeremia 6:15

Ɔlɛka kɔƒa kuteekpo-ma na bana ekpidi ani muusé lɛlɔ mmɔ ɔsu. Nsu bana anumi aláƒalɛ lɛla lɛdi munu munu. Anwuɔsu si nnii mɔɔní Yudaƒuɔ kɔtu ni, bana kɔwɔlɔkɔ ndi kukpi na bana ƒui badubo bubuli bɔtɛ kalɔ na bekpi ƒui aani bekyuli bamba kalɛ. Ami Unwoti násu.”

Yesaia 31:3

Bekyuli bayawine kani na Egyipteƒuɔ badi, ama bani na bɛɛkali ka badubo-mii bubunku, na ɔɔɔdi ama ndi Katɔti. Na bana bapɔnkɔ lɛnɔ ni, bebuo ku ɔlɔna kani na badi na baaadi kɔyu kemmo lɛla lɛni muulie uwi ƒui. Si Unwoti Katɔti údie nwuna ɔyikun keyi ni, ɔdubɔyila Egyipteƒuɔ ƒui udu ku bani ƒui na béti bana anu básia-ma lɛlɔ na bakywi basa.

Yohane 9:39

Amu na Yesu ɔ́su ɔnini, “Líbo kayawi kamɛni mbatɛku bekyuli litemi kalɛ na banumbwɛne bataanu, na bani mɔɔnu ni, anumi abwɛ-ma.”