Mateo 14:9 - Katɔti Ɔku Kedee

⁹ Lɛla lɛni na ulekubi ɔmɛni úye ɔ́bla Herode kɔnyana. Nsu ɔ́si kenye kani na úse na benengu bammɔ ƒui anumi ɔsu ni, ɔ́su ka babla ugblebi ɔmmɔ lɛyɔla bete-nwu.

Mateo 14:9 Referans Kwoze

Luka 13:32

Mmɔ na Yesu ɔ́su-ma ɔnini, “Bisie na bitásu uƒukutu ɔmmɔ ka lɛ́su lɛnii, ‘Ɔmwi ni, ndubo ayu ekpidi bɔgya na lɛbwi bekyuli lɛlɛ lɛni na beeƒi utálɛ kɔnaadi. Na limeyi lɛtɛdi lɛlɔ ni, ndubɔwɔlɔ mina kabla.’

Marko 6:26

Ɔmɛni ɔ́bla Ɔga Herode kɔnyana, nsu ulakana ɔda budie na ala ani na ɔ́kpali na bekyuli benengudi bamɛni anumi ɔsu.

Marko 6:20

Nsu ulákana na Herode ɔsu. Ɔsika Herode útaayia Yohane, na ɔgyi ka Yohane ɔdi ukyuli ɔni nse siin na use kedee. Anwuɔsu útaagyumana-nwu. Ɔ́yɔ ka uteenu-nwu ala bɔtina uwi ndi uwi ina ka nwuna litemi líteekpoku-nwu kayi si únu-ni.

Marko 6:14

Lebo lɛmɛni ni, Ɔga Herode uunú amɛni bene ƒui, ɔsika Yesu lɛnyi liigyingya kesi kesii. Bekyuli badi baasu ka, “Yohane ɔni ndi ntu ɔkpilane násɔ úbo uli ngba! Anwuɔsu na úbo ɔyikun ɔni na ɔɔbla akɔla!”

Mateo 14:5

Anwuɔsu Herode ɔ́yɔ ka badu Yohane. Nsu ɔ́yia bekyuli pii bani ƒui nénu-nwu ala bɔtina, ɔsika bana ƒui baabu Yohane aani Katɔti kenye udiene.

Mateo 14:1

Lebo lɛmmɔ kemmo ni, Herode ɔni mɔɔdi lɛga na Galilea únu Yesu lɛlɔ litemi.

Etemila 5:2

Da ƒula kenye na ati bɔtɛmi na Katɔti anumi. Na tese-nwu kenye kadi asa na abla kasusu asiku lɛla lɛmmɔ lɛlɔ. Ɔsika katɔ na Katɔti ulie na awɔ akya kalɔ mɛni anwuɔsu na akɔsi bɔtɛmi.

Samuel 1 28:10

Mmɔ na Saul ɔ́kpali ala úse uleku ɔmmɔ kenye ɔnini, “Na Unwoti anumi mɛni ni, mɔɔsu-ɔ nnii ukyuli biala uláni-ɔ kɔtu kɔdi na ɔmɛni ɔsu.”

Samuel 1 25:22

Katɔti ɔni ami Dawid kɔtu kɔni naaadia si ńtayila ukyuli ɔmɛni ku nwuna kaduli ala ƒui udu asa na kadi kégye ɔni na ina ukyuli unwi pɛ ɔsɔ ulébu.”

Samuel 1 14:28

Ka ukpone ɔdi ɔ́nu-nwu ni, ɔ́su-nwu ɔnini, “Ɔɔɔdi ulu ka bula ɔdi ɔkya lɛdila lɛdi kenye ɔmwi. Ɔsika ƒ'ɔti ɔ́kpali Katɔti ɔ́kya bula ƒui ka butadi lɛla lɛdi. Na ɔ́su ɔnini, ‘Katɔti ɔdubuwida bina akɔ ɔni makya lɛla lɛdi kenye.’ Na ɔmɛni ɔsu na buse kpɛtɛ kpɛtɛ.”

Samuel 1 14:24

Lɛlɔ lítu Israelƒuɔ geen na bábla kpɛtɛ kpɛtɛ na kɔka ɔsu. Ɔsika asa na badubusie kekpokɔ kammɔ ni, Saul ɔ́kpali Katɔti ɔ́kya-ma úse kenye na úbo-ma ɔda ɔnini, “Ukyuli biala uuubo kuƒi na ɔkya lɛdila lɛdi kenye wetédu ka lídie bula bekisine bamɛni kasi. Na ukyuli biala ɔni náta únye ɔmɛni lɛlɔ na ɔ́bla lɛla bamba ni, Katɔti ɔdubuwida-nwu.” Ɔmmɔ ɔsu bekpone bammɔ ɔdi biala útakya lɛla lɛdi kenye.

Litemi Batɛne 21:1

Uwi ɔni na Israelƒuɔ banana básala belie Mispa ni, bése kenye ka ɔdi biala uleti nwuna ubi ulekubi ulete Benyamin kɔdua ukyuli ɔdi na weti.

Litemi Batɛne 11:39

Na ka abuli anyɔ ammɔ édu ni, únwini úsie ɔti kudɔ. Na ɔti ɔ́bla-nwu kalɛ kani na úse kenye. Na ubi ɔmmɔ ɔdi adagyaa. Ɔƒɛni ɔ́si uwi ɔmmɔ kama Israelƒuɔ beleku béti lɛla lɛni nálɛ mɛni bábla ɔdi,

Mateo 14:8

Amu na uni ɔ́kya ugblebi ɔmmɔ kakwɛ na lɛla lɛni na uye lɛlɔ. Anwuɔsu útéye ɔnini, “Mɔɔwia Ntu Ɔkpilane Yohane lili ka eti-ni akya lɛkyami kemmo ete-mi mɛni kani.”

Mateo 14:10

Ɔmɛni ɔsu ɔ́tala ukyuli ɔdi na útékulo Yohane lili na aban ɔtɔ katɛnkɔ mmɔ.