Mateo 14:7 - Katɔti Ɔku Kedee

⁷ Na ɔ́kpali ala ɔ́lɔ Katɔti ɔnini, “Mɔɔsu-ɔ ka ndubute-ɔ lɛla biala na éye.”

Mateo 14:7 Referans Kwoze

Ester 5:6

Na ɔni na béboku ntɛ bɔdi na badaku bɔni ni, ɔga ɔ́sɔ úye-nwu ɔnini, “Bi ndi lɛla lɛni na ébo ebevele-mi. Su-mi lɛla lɛni na aawia, ina mina lɛga kadikɔ kakɛ kenwi na aawia muedi ndubute-ɔ.”

Ester 5:3

Amu na úye-nwu ɔnini, “Mina Uleku Ɔga Ester, bi nébo? Su-mi lɛla lɛni na aawia, ina mina lɛga kadikɔ kakɛ kenwi na aawia muedi ndubute-ɔ.”

Ester 7:2

Na ka basɔ badaku ntɛ bɔni kunyɔdi ni, ɔga ɔmmɔ ɔ́sɔ úye Uleku Ɔga Ester ɔnini, “Bi na aawia ka lɛbla lite-ɔ. Su-mi na ndubute-ɔ útédu mina lɛga kadikɔ kakɛ kenwi muedi ƒaa.”

Mateo 14:6

Limeyi lɛdi ni, Herode ɔɔdi nwuna lɛwɔmeyi na ɔ́lɔ bekyuli pii. Na Herodia ubidi ulekubi úbatɔ na bekyuli bammɔ anumi. Ɔmɛni ɔ́da Herode ebiti geen.

Mateo 14:8

Amu na uni ɔ́kya ugblebi ɔmmɔ kakwɛ na lɛla lɛni na uye lɛlɔ. Anwuɔsu útéye ɔnini, “Mɔɔwia Ntu Ɔkpilane Yohane lili ka eti-ni akya lɛkyami kemmo ete-mi mɛni kani.”

Agba 16:30

Bébile anumi, nsu baanu taavi ukyuli kalɔ. Belébimi kenye taatɛmi, nsu baabla bana likyulikpi kɔkwɛ.