Mateo 14:6 - Katɔti Ɔku Kedee

⁶ Limeyi lɛdi ni, Herode ɔɔdi nwuna lɛwɔmeyi na ɔ́lɔ bekyuli pii. Na Herodia ubidi ulekubi úbatɔ na bekyuli bammɔ anumi. Ɔmɛni ɔ́da Herode ebiti geen.

Mateo 14:6 Referans Kwoze

Ala Kalɔ Buse 40:20

Ɔƒɛni limeyi lɛtɛdi lɛmmɔ ni, lɛdi Ƒarao lɛwɔmeyi. Anwuɔsu ɔ́ya na bánwa adila na ɔ́lɔ nwuna benengu ƒui ka babadi limeyi bete-nwu. Na kasakɔ mmɔ ni, Ƒarao ɔ́ya na bákpanku ntɛ ku bodobodo lɛlɔ banune bammɔ bébenyene bana benengu bakladi bammɔ ƒui anumi.

Marko 6:17

Herode ɔlati náya na béƒie Yohane, na ɔ́ya na bényimi-nwu na béti-nwu bákya aban ɔtɔ. Herode ɔ́bla ɔmɛni na Herodia ɔni na úti ɔsu, ɔsika nka ɔnwani Ƒilipo ulekudi na ɔdi.

Mateo 22:24

Na bébeye-nwu banini, “Ala ɔtinane, Mose ɔ́su-bu ɔnii si ɔnana ɔdi úkpi na ɔ́da ulekudi úse na beeebo bebi ni, na ɔnana ɔmmɔ ɔnwani ɔnanabi uti ukpinele ɔmmɔ. Na anwu ku-nwu bawɔ bebi. Na beti bebi bammɔ babla aani ɔnana ɔni nsɔ neeebo mmɔ bebi.

Luka 3:19

Na ka aban lɛga ɔdine Herode úƒie ɔnwani ulekudi ɔni baalɔ Herodia ɔ́ƒɔ ku udunkpi ala bamba pii ani na ɔ́bla ɔsu ni, Yohane ɔ́dɔnku-nwu.

Marko 6:19

Anwuɔsu Yohane lɛlɔ litemi líteekpoku Herodia, na uukisi-nwu. Na ɔ́wia ka ɔdu-nwu.

Ester 2:18

Ɔmmɔ kama ni, Ɔga Ahasweros ɔ́lɔ nwuna benengu ku lɛku batine ɔ́siku kɔlɛkɛ kɔmmɔ ƒui kemmo úboku limeyi bonwu lɛdi kadikɔ úti ɔ́kya Ester ebiti, na úte bekyuli ala geen, na ɔ́su lɛnɔ ka ɔdi utabla kabla kadi limeyi lɛmmɔ.

Mateo 14:3

Ɔ́su lɛni ɔsika Herode ɔmɛni náya na béƒie Yohane na ɔ́ya bényimi-nwu na béti-nwu bákya aban ɔtɔ. Herode ɔ́bla ɔmɛni na ɔnwani Ƒilipo ulekudi Herodia ɔsu.

Mateo 14:7

Na ɔ́kpali ala ɔ́lɔ Katɔti ɔnini, “Mɔɔsu-ɔ ka ndubute-ɔ lɛla biala na éye.”

Marko 6:14

Lebo lɛmɛni ni, Ɔga Herode uunú amɛni bene ƒui, ɔsika Yesu lɛnyi liigyingya kesi kesii. Bekyuli badi baasu ka, “Yohane ɔni ndi ntu ɔkpilane násɔ úbo uli ngba! Anwuɔsu na úbo ɔyikun ɔni na ɔɔbla akɔla!”

Marko 8:15

Amu na Yesu ɔ́su-ma ɔnini, “Binye kagyumana na bɛnu kaduɛ na Ɔga Herode ku Ƒarisiƒuɔ bɔnyii bɔni na baakya bodobodo kemmo na uuƒu lɛlɔ.”

Luka 3:1

Na lɛkwa leevu-lɛlɔndi lɛni na Ɔga Unengudi Kaesare Tiberio ɔɔdi lɛga ni, Kenye Udiene Yohane ɔni ndi Sakaria ubidi ɔ́kɛ linyesia lɛdi ɔ́siku Katɔti kudɔ uwi ɔni na uli ketele kemmo. Na Pontio Pilato ɔɔtɔnku aban na Yudea kalɔ lɛlɔ. Na Herode ɔɔdi Galilea kalɔ lɛlɔ. Na uwi ɔmmɔ kani kemmo ni, Herode ɔnwani Ƒilipo lɛnɔ ɔɔdi kalɔ kani baalɔ Iturea ku Trakoniti kalɛkɛ lɛlɔ. Na Lɛlɔ Ɔdine Lisania lɛnɔ ɔɔdi Abilene kalɔ lɛlɔ. Na uwi ɔmɛni kemmo ni, Hana ku Kaiaƒa badi Katɔti bakpane benengudi.

Luka 8:3

Uleku ɔbambadi lɛnɔ ɔkya-ma akɔ ɔni baalɔ banii Yohana na ɔgyani baalɔ Kusa na útaabla kabla na Ɔga Herode litemi katɛkɔ aani ɔkutine unengu ɔdi kalɛ. Beleku bamba pii ku ɔni baalɔ Susana lɛnɔ básiaku Yesu na béteeti bana akɛla teebunku anwu ku nwuna batɛyane.

Luka 13:31

Na uwi ɔmmɔ kemmo ni, Ƒarisiƒuɔ badi bébo Yesu kudɔ na bábasu-nwu banii, “Babla na avi alɛ mɛni kɔnakunwi eteesie likpo bamba, ɔsika Ɔga Herode ɔɔwia ka ɔdu-ɔ.”

Luka 23:7

Anwuɔsu ka ɔ́ti ka Yesu ɔ́si Galilea kalɛkɛ kani lɛlɔ na Herode ɔɔdi ɔsu ni, úti-nwu úmene Herode. Na Herode ɔmɛni úsie ɔkya Yerusalem uwi ɔmmɔ kemmo.

Luka 23:11

Herode ku nwuna bekpone báma Yesu na bédumi-nwu. Na béti awu gyɔlɔɔ ɔbuni ɔdi bákya-nwu aani ɔga kalɛ, na básɔku-nwu bémene Pilato.

Batalane Kabla 4:27

Ɔdi litemi geen ka Herode ku Pontio Pilato ku Israelƒuɔ ku bani naaadi Israelƒuɔ básala lɛlɔ na ɔma ɔmɛni kemmo, na báta bénye ƒ'ubidi Yesu ɔni ndi Ukyuli Ɔƒunadi Kedee ɔmmɔ lɛlɔ.

Batalane Kabla 12:1

Amu na uwi ɔmmɔ kemmo ni, Ɔga Herode úƒie baƒɔtaadine badi kalɛ na ɔdu-ma.